काठमाडौं (हाम्रो खेलकुद) – कप्तान रुविना क्षेत्री र अप्सरी बेगमको शतकीय साझेदारीमा कोशी प्रदेशले प्रधानमन्त्री कप महिला टि२० राष्ट्रिय प्रतियोगिता मधेश प्रदेशलाई १ सय ३० रनको बलियो लक्ष्य दिएको छ । टियु क्रिकेट मैदानमा टस जितेर पहिला ब्याटिङ रोजेको कोशीले निर्धारित २० ओभरमा ४ विकेट गुमाउँदै १ सय २९ रन बनायो ।

कोशीको लागि रुविनाले ६४ बलमा ९ चौकासहित ५४ रनको अर्धशतकीय इनिङ खेलेकी थिइन् । ओपनर काजोल श्रेष्ठलाई तीव्र गतिका बलर पुजा महतोले पहिलो ओभरको तेस्रो बलमै शून्यमा एलबीडब्लू आउट गरेकी थिइन् ।

दोस्रो विकेटका लागि काजोल र रुविनाले १ सय २ रनको शतकीय साझेदारी गरेका थिए । अप्सरी सरस्वती कुमारी चौधरीले १९ औं ओभरको चौथो बलमा ठूलो सर्ट खेल्ने धुनमा डिप मिडविकेटमा साक्षी यादवबाट क्याच आउट भइन् । अप्सरीले ४१ बलमा ७ चौकासहित ३९ रन बनाइन् ।

सबनम राई ८ बलमा २ चौकासहित १६, लखिता राजवंशी ६ र नमिता श्रेष्ठले २ रन बनाइन् । मधेशकी मिना महतोेले ३ ओभरमा २७ रन खर्चेर २ विकेट लिइन् । पुजा महतो र सरस्वती चौधरीले १-१ विकेट लिइन् । जारी प्रतियोगितामा कोशीले सुरुवाती दुबै खेलमा जित हात पारेको छ । मधेश भने सुरुवाती दुवै खेलमा पराजित भएको छ ।