7 months ago
December 27, 2023
काठमाडौं (हाम्रो खेलकुद) – युवा अलराउन्डर राजमति ऐरी र ममता चौधरीको उत्कृष्ट ब्याटिङ प्रदर्शनमा नेपाल एपिएफ क्लबले प्रधानमन्त्री कप महिला टि२० राष्ट्रिय प्रतियोगितामा कर्णाली प्रदेशलाई १ सय ६१ रनको विशाल लक्ष्य दिएको छ ।
टियु क्रिकेट मैदानमा टस जितेर पहिला ब्याटिङको निम्तो पाएको एपिएफले निर्धारित २० ओभरमा २ विकेट गुमाउँदै १ सय ६० रन बनायो । एपिएफकी राजमति ऐरीले ५५ बलमा ९ चौका र २ छक्कासहित ६७ रनको आक्रामक इनिङ खेलिन् ।
ममता चौधरी ५५ बलमा ८ चौकासहित ६२ रनमा रन आउट भइन् । ओपनर राजमति र ममताले पहिलो विकेटका लागि १६ ओभरमा १ सय १७ रनको शतकीय साझेदारी गर्दै विशाल योगफलको आधार तय गरेका थिए । ममता रन आउट भएकी थिइन् । राजमति दुई बल बाँकी रहँदा स्पिनर तृर्सना विश्वकर्माको बलमा बोल्ड भएकी थिइन् ।
ओपनर सीता रानामगर र ज्योति पाण्डे एपिएफको नियमित ओपनर हुन् । तर आजको खेलमा यी दुई खेलाडीले राजमित र ममतालाई ओपनिङको अवसर दिएका थिए । त्यसको राजमति र ममताले भरपूर्ण फाइदा उठाए ।
रोमा थापा ९ बलमा २ चौकासहित १४ र मन्जु बोकटी १ रनमा अविजित रहिन् । कर्णालीको लागि तृर्सना विश्वकर्माले एक विकेट लिइन् ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]