7 months ago
December 29, 2023
काठमाडौं (हाम्रो खेलकुद) – कप्तान सन्दीप लामिछानेको उत्कृष्ट बलिङमा पर्साले प्रो क्लब च्याम्पियनसिपमा त्रिभुवन आर्मी क्लबलाई ३१ रनले हराउँदै फाइनलमा पुगेको छ ।
जितको लागि १ सय रनको मध्यम विजयी लक्ष्य पछ्याएको आर्मी १६.२ ओभरमा ६८ रनमा अल आउट भयो । आर्मीका कुशल मल्लले २१ बलमा २ चौकासहित सर्वाधिक १९ र बसिर अहमदले १० रन बनाए । आर्मीका ९ खेलाडीले दोहोरो अंकमा रन बनाउन सकेनन् ।
ओपनर सन्तोष कार्की ४, विनोद भण्डारी ९, रोहित पौडेल ८, भीम सार्की ९, राजेश पुलामी २, सन्दीप रजाली १ र विवेक यादव २ रनमा आउट भए । पर्साका सन्दीपले ३.२ ओभरमा १३ रन खर्चेर ३ विकेट लिए । अनिल शाह, पवन सरार्फ र साम्सद मानसुरीले २–२ विकेट लिए ।
त्यसअघि नारायणी क्रिकेट ग्राउन्ड बिरगंजमा टस हारेर पहिला ब्याटिङको निम्तो पाएको पर्सा १९.४ ओभरमा ९९ रनमा अल आउट भएको थियो । पर्साका साम्सद मानसुरीले १७, रुपेश सिंह १५, इमरान शेख ९, अनिल शाह १५, सुरज पटेल ७, हासिम अन्सारी ९, पवन सरार्फ ११ र सन्दीप लामिछाने ६ रनमा आउट भए ।
आर्मीका सोमपाल कामीले ३.४ ओभरमा २० रन खर्चेर ४ विकेट लिए । कुशल मल्लले ४ ओभरमा १ मेडनसहित २१ रन खर्चेर ३ विकेट लिए । साहब आलमले २ र विवेक यादवले १ विकेट लिए । पर्साले फाइनलमा दोस्रो सेमिफाइनलको विजेता पुलिस र नोयडामध्य एकसँग खेल्नेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]