2 years ago
December 29, 2023
काठमाडौं (हाम्रो खेलकुद) – नेपाली सिनियर क्रिकेट टोलीको अलराउन्डर गुलशन झाले यू-१९ विश्वकपमा नेपाल उपाधि जित्न जाने बताएका छन् । यू१९ विश्वकप खेल्न नेपाल आगामी शुक्रबार दक्षिण अफ्रिका जानेछ । त्यसअघि टियु क्रिकेट मैदानमा अभ्यासमा ब्यस्त गुलशनले हाम्रो खेलकुदसँग बोल्दै उक्त प्रतिक्रिया दिएका हुन् ।

‘अव हामी प्रतियोगिता जित्नै जानी हो । कुनैपनि प्रतियोगितामा सहभागी हुन मात्रै होईन । जित्नैको लागि जानी हो । त्यो हार जितलाई अर्कै ठाउँमा राखेर आफ्नो १०० प्रतिशत दिने हो’, गुलशनले यू१९ विश्वकपमा नेपालको लक्ष्य बारे भने ।
१७ वर्षीय गुलशनको अघिल्लो महिना यू-१९ एसिया कपमा युएईविरुद्ध भने प्रदर्शन अपेक्षा सोचे अनुसार हुन सकेन । उनी पाकिस्तानसँग एक, अफगानिस्तानसँग १७ र भारतसँग ४ रनमा आउट भएका थिए । बलिङमा भने पाकिस्तान र अफगानिस्तानसँग समान दुई विकेट लिएका थिए । खेलमा तलमाथि हुने उनी बताउँछन् ।
‘खेल हो । कहिले काँही तलमाथि हुन्छ । बलिङमा राम्रो भयो । तर ब्याटिङमा खासै राम्रो गर्न सकिएन । कसरी आउट भए थाहा पाए । त्यहिँमाथि काम गरेको छु । विश्वकपमा राम्रो गरौंला’, उनले भने । त्यसैमा थपे, ‘अव अस्ति एसिया कपमा हाम्रो कमीकमजोरी जस्तो देखियो । ब्याकफुटमा हल्का संघर्ष गर्यौ । त्यसपछि आएर हामीले एकदमै कडा मिहिनेत गरेका छौं । हाम्रो राम्रो तयारी भएको छ ।’

‘विश्वकप भनेको विश्वकप हो । क्रिकेटको लागि एक सबैभन्दा उत्कृष्ट ठाउँ हो । त्यहाँ प्रदर्शन गर्ने ठूलो अवसर पनि हो । सिनियर खेलाडी टिमलाई अघि लगेर जाने एउटा जिम्मेवारी पनि हो’, गुलशनले भने । उनी आफूलाई दबाब कुनै नभएको बताउँछन् ।
‘मलाई दबाब केहि छैन । एउटा खेलाडी जहिले पनि बुझ्नुपर्छ । तलमाथि भई रहन्छ । सधैं एक हुँदैन । जति ठूलो खेलाडीलाई हेर्नुस् । तलमाथि भईरहन्छ । त्यो बेला मिहिनेत झन् बढी आवश्यक हुन्छ । मैले मिहिनेत गरि राखेको छु’, उनले भने ।
नेपाल ५ जनवरीमा दक्षिण अफ्रिका जानेछ । नेपालले १३ जनवरीमा स्कटल्यान्ड र १६ जनवरीमा वेस्टइन्डिजसँग वार्मअप खेल्नेछ । त्यसअघि नेपालले अभ्यास खेल खेल्ने तयारी गरेको छ । स्कटल्यान्ड र नामिबियासँग अभ्यास खेल खेल्ने सम्भावनाछ ।
विश्वकप १९ जनवरी देखी ११ फेब्रअरी सम्म हुनेछ । नेपालको समूह डी मा न्युजिल्यान्ड, पाकिस्तान र अफगानिस्तान छन् । नेपालले पहिलो खेल २१ जनवरीमा न्युजिल्यान्डसँग खेल्नेछ ।
२४ जनवरीमा नेपालले पाकिस्तानसँग खेल्नेछ । समूह चरणको अन्तिम खेल २६ जनवरीमा अफगानिस्तानसँग खेल्नेछ । हरेक समूहका शीर्ष तीन टोली सुपर ६ मा पुग्नेछन् । समूह ए मा भारत, बंगलादेश, आयरल्यान्ड र अमेरिका छन् ।
समूह बी मा इंग्ल्यान्ड, दक्षिण अफ्रिका, वेस्टइन्डिज र स्कटल्यान्ड छन् । समूह सी मा अष्ट्रेलिया, श्रीलंका, जिम्बावे र नामिबिया छन् । समूह ए र डी का टोली सुपर ६ खेल्नेछन् । समूह बी र सी का सुपर सिक्समा हुनेछन् । हरेका समूहमा पुछारका टोलीले १२ देखी १६ औं स्थानमा लागि प्लेअफ खेल्नुपर्ने हुन्छ ।
हरेक सुपर सिक्सका शीर्ष दुई टोली सेमिफाइनल खेल्नेछन् । नेपालले भने विश्वकप खेल्ने अन्तिम टोली घोषणा गर्न बाँकी छ । यू१९ एसिया कपबाट टोलीमा परिवर्तन गर्ने सम्भावना छ ।
गुलशनको पूरा भिडियो हेर्नुहोस् :
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]