default_image

2 months ago

December 30, 2023

एपिएफ अपराजित रहँदै क्वालिफायरमा

काठमाडौं (हाम्रो खेलकुद) – उपाधि दाबेदार नेपाल एपिएफ क्लबले प्रधानमन्त्री कप महिला टि२० राष्ट्रिय प्रतियोगितामा बागमती प्रदेशलाई ४७ रनले हराएको छ । योसँगै एपिएफ सबै ७ खेलमा अपराजित रहँदै शीर्ष स्थानमा रहेर क्वालिफायर खेल्ने भएको छ । जितको लागि १ सय २७ रनको बलियो विजयी लक्ष्य पछ्याएको बागमतीले निर्धारित २० ओभरमा ८ विकेट गुमाउँदै ७९ […]

292 views

0 Bookmark

काठमाडौं (हाम्रो खेलकुद) – उपाधि दाबेदार नेपाल एपिएफ क्लबले प्रधानमन्त्री कप महिला टि२० राष्ट्रिय प्रतियोगितामा बागमती प्रदेशलाई ४७ रनले हराएको छ । योसँगै एपिएफ सबै ७ खेलमा अपराजित रहँदै शीर्ष स्थानमा रहेर क्वालिफायर खेल्ने भएको छ ।

जितको लागि १ सय २७ रनको बलियो विजयी लक्ष्य पछ्याएको बागमतीले निर्धारित २० ओभरमा ८ विकेट गुमाउँदै ७९ रन बनायो । बागमतीको सोनी पाख्रिनले ३९ बलमा सर्वाधिक २० रन बनाइन् ।

यशु पाण्डेले १८ बलमा ३ चौकासहित १७, संस्कृति फुयाँल १०, हेलिसा गुरुङ २, कन्चन श्रेष्ठ ८, अस्मिता खरेल २ र अश्मिना कर्माचार्यले ५ रन बनाइन् ।

एपिएफकी सुमन विष्टले ४ ओभरमा १८ रन खर्चेर २ विकेट लिइन् । सोनु खड्का, करुणा भण्डारी, नेरी थापा र सीता रानामगरले १–१ विकेट लिइन् ।

त्यसअघि माथिल्लो मुलपानी क्रिकेट मैदानमा टस हारेर पहिला ब्याटिङको निम्तो पाएको एपिएफले निर्धारित २० ओभरमा ३ विकेट गुमाउँदै १ सय २६ रन बनाएको थियो । एपिएफको जितमा कप्तान सीता रानामगरले ५० बलमा ४ चौकासहित सर्वाधिक ४४ रन बनाइन् ।

इन्दु बर्माले २२ बलमा ३ चौकासहित २८, ज्योति पाण्डे १३, रोमा थापा १९ र ममता चौधरीले १२ रन बनाइन् । बागमतीको लागि संस्कृति फुँयाल, मनिषा उपाध्याय र सबिका कुमारी यादवले १–१ विकेट लिइन् ।

एपिएफ ७ खेलमा अपराजित रहँदै शीर्ष स्थानमा रहेर अन्त्य गरेको छ । एपिएफले अव दोस्रो स्थानको टोलीसँग पहिलो क्वालिफायर खेल्नेछ । कोशी प्रदेश ६ खेलमा १० अंकका साथ दोस्रो स्थानमा छ । सुदूरपश्चिम ७ खेलमा ५ मा जित र २ मा हारसहित १० अंकका साथ तेस्रो स्थानमा छ । कोशीले आज अन्तिम खेल लुम्बिनीसँग खेल्नेछ ।

यदि कोशी विजयी भाएमा दोस्रो स्थानमा रहेर क्वालिफायर खेल्नेछ । कोशी पराजित भएको खण्डमा बागमती, कोशी र सुदूरमध्य एक टोली नेटरनरेटमा माथि रहने शीर्ष दुईमा रहेर क्वालिफायर खेल्नेछ । तेस्रो र चौथो स्थानमा रहने टोलीले एलिमिनेटर खेल्नुपर्ने हुन्छ ।

February 22, 2024

नेपाल ‘ए’ लाई हराउँदै क्यानडा-११ ले जित्यो सिरिज

काठमाडौं (हाम्रो खेलकुद) – क्यानडा-११ ले नेपाल ‘ए’ विरुद्ध जारी एकदिवसीय सिरिज जितेको छ । तेस्रो खेलमा ४ विकेटको जितका साथ क्यानडा-११ ले सिरिज आफ्नो पक्षमा पारेको हो । मुलपानी क्रिकेट मैदानमा नेपालले प्रस्तुत गरेको १ सय ८२ रनको लक्ष्य क्यानडाले ३९ औं ओभरमा ६ विकेट गुमाएर पूरा गर्यो । क्यानडाका लागि निकोलस किर्तनले अर्धशतक […]

February 22, 2024

क्यानडा-११ लाई नेपाल ए को सामान्य लक्ष्य

काठमाडौं (हाम्रो खेलकुद) – एकदिवसीय सिरिजको तेस्रो तथा निर्णायक खेलमा नेपाल ए ले क्यानडा-११ लाई जितका लागि १ सय ८२ रनको सामान्य योगफल खडा गरेको छ । मुलपानी क्रिकेट मैदानमा पहिलो ब्याटिङको निम्तो पाएको नेपालले ४७ औं ओभरमा अलआउट हुँदै १ सय ८१ रन जोड्यो । नेपालका ७ ब्याटरले १९ रनभन्दा माथि जोडेपनि कसैले ३० […]

February 22, 2024

आशुतोष र सुजनसहित नेपाल ‘ए’ को ४ परिवर्तन

काठमाडौं (हाम्रो खेलकुद) – नेपाल ‘ए’ ले क्यानडा-११ विरुद्ध जारी एकदिवसीय सिरिजको तेस्रो तथा निर्णायक खेलमा ४ परिवर्तन गरेको छ । क्यानडा-११ का कप्तान साद बिन जफरले टस जितेर फिल्ड गर्ने निर्णय लिँदा नेपाल पहिलो ब्याटिङ गर्दैछ । मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा छ । नियमित कप्तान विनोद भण्डारी बिरामी […]

Success

Thank you for your time.