default_image

2 months ago

December 30, 2023

गण्डकीलाई हराएसँगै सुदूरको शीर्ष दुई सम्भावना कायमै

काठमाडौं (हाम्रो खेलकुद) – सुदूरपश्चिम प्रदेशले प्रधानमन्त्री कप महिला टि२० राष्ट्रिय प्रतियोगितामा गण्डकी प्रदेशलाई २४ रनले हराउँदै शीर्ष दुईमा रहँदै क्वालिफायर खेल्ने सम्भावना कायमै राखेको छ । जितको १ सय २८ रनको बलियो विजयी लक्ष्य पछ्याएको गण्डकीले निर्धारित २० ओभरमा २ विकेट गुमाउँदै १ सय ३ रन बनायो । गण्डकीको लागि सुमन खतिवडाले ४८ बलमा […]

228 views

0 Bookmark

काठमाडौं (हाम्रो खेलकुद) – सुदूरपश्चिम प्रदेशले प्रधानमन्त्री कप महिला टि२० राष्ट्रिय प्रतियोगितामा गण्डकी प्रदेशलाई २४ रनले हराउँदै शीर्ष दुईमा रहँदै क्वालिफायर खेल्ने सम्भावना कायमै राखेको छ ।

जितको १ सय २८ रनको बलियो विजयी लक्ष्य पछ्याएको गण्डकीले निर्धारित २० ओभरमा २ विकेट गुमाउँदै १ सय ३ रन बनायो । गण्डकीको लागि सुमन खतिवडाले ४८ बलमा ४ चौका र १ छक्कासहित सर्वाधिक ४९ रनमा अविजित रहिन् ।

सृर्जना पौडेल २१ बलमा ३ चौकासहित १५, सीमाना केसी १९, ज्योत्स्निका मरासिनीले १५ रन बनाइन् । ऋतु कनौजिया र लक्ष्मी साउदले १–१ विकेट लिइन् ।

त्यसअघि टियु क्रिकेट मैदानमा टस जितेर पहिला ब्याटिङ रोजेको सुदूरपश्चिमले निर्धारित २० ओभरमा ६ विकेट गुमाउँदै १ सय २७ रन बनाएको थियो । सुदूरको लागि सम्झना खड्काले ११ बलमा ६ चौकासहित सर्वाधिक २६ रनको आक्रामक इनिङ खेलिन् । ओपनर विन्दु रावललाई मध्यगतिकी बलर रचना चौधरीले १२ रनमा बोल्ड आउट गरेकी थिइन् ।

कुसुम गुदारको बलमा अर्की ओपनर रुवी पोदार ३ रनमा विकेटकिपर धन कुमारीबाट क्याच आउट भइन् । कविता जोशी आजको खेलमा भने चल्न सकिनन् । सुमन खतिवडाले बोल्ड आउट गर्दा उनले १९ बलमा ९ रन बनाइन् ।

रेवती धामी ३१ बलमा १ चौकासहित १८ रनमा रन आउट भइन् । कप्तान ऋतु कनौजिया १८ बलमा ३ चौकासहित २१ रनमा अविजित रहिन् । लक्ष्मी साउद १६ बलमा ३ चौकासहित १६ रनमा आउट भइन् ।

गण्डकीकी कप्तान कसुम गोदारले ४ ओभरमा २५ रन खर्चेर २ विकेट लिइन् । रचना चौधरीले ४ ओभरमा १६ रन २ विकेट लिइन् । सुमन खतिवडाले ४ ओभरमा १९ रन खर्चेर १ विकेट लिइन् ।

एपिएफ ७ खेलमा अपराजित रहँदै शीर्ष स्थानमा रहेर अन्त्य गरेको छ । एपिएफले अव दोस्रो स्थानको टोलीसँग पहिलो क्वालिफायर खेल्नेछ । कोशी प्रदेश ६ खेलमा १० अंकका साथ दोस्रो स्थानमा छ । सुदूरपश्चिम ७ खेलमा ५ मा जित र २ मा हारसहित १० अंकका साथ तेस्रो स्थानमा छ । कोशीले आज अन्तिम खेल लुम्बिनीसँग खेल्नेछ ।

यदि कोशी विजयी भाएमा दोस्रो स्थानमा रहेर क्वालिफायर खेल्नेछ । कोशी पराजित भएको खण्डमा बागमती, कोशी र सुदूरमध्य एक टोली नेटरनरेटमा माथि रहने शीर्ष दुईमा रहेर क्वालिफायर खेल्नेछ ।

तेस्रो र चौथो स्थानमा रहने टोलीले एलिमिनेटर खेल्नुपर्ने हुन्छ । बागमती ७ खेलमा ४ मा जित र ३ मा हारसहित ८ अंकका साथ चौथो स्थानमा रहेर एलिमिनेटर खेल्ने पक्का भएको छ ।

February 24, 2024

एक्सपर्ट भरतपुर मेयर्स कप- अर्किड समूह विजेता

चितवन (हाम्रो खेलकुद)– एक्सपर्ट भरतपुर मेयर्स कप अन्तरविद्यालय क्रिकेट प्रतियोगिताको लिगमा चरणमा लगातार जितसंगै अर्किड सेकेण्डरी स्कुल सेमिफाइनल प्रवेश गरेको छ । लक्ष्मी माविले सान्त्वना जित निकाल्दै प्रतियोगिताको सुखद अन्त्य गरेको छ । आफ्नो लिग चरणको अन्तिम खेलमा शनिबार इडेन गार्डेन स्कुललाई १ सय ८ रनले पराजित गर्दै समूह ‘बी’को विजेताको रुपमा सेमिफाइनल स्थान सुरक्षित […]

February 24, 2024

बिर्तामोडलाई अन्तरपालिका क्रिकेट उपाधि

हिमाल खरेल, बिर्तामोड बिर्तामोड नगरपालिकाले प्रथम झापा जिल्ला अन्तरपालिकास्तरीय पुरुष टि२० क्रिकेट प्रतियोगिताको उपाधि जितेको छ । बुधबारेमा शनिबार भएको फाइनलमा कचनकवल गाउँपालिकामाथि १ सय १९ रनको सानदार जित निकाल्दै बिर्तामोड च्याम्पियन बनेको हो । कचनकवलको फितलो ब्याटिङ र कमजोर बलिङको फाइदा उठाउँदै बिर्तामोड विजेता बनेको हो । टस जितेर पहिले ब्याटिङ रोजेको बिर्तामोडले निर्धारित […]

February 24, 2024

इङ्ल्यान्डविरुद्ध भारतका जैसवालको अर्धशतक

एजेन्सी – इङ्ल्यान्डविरुद्धको चौथो टेस्टको पहिलो इनिङमा भारत १ सय ३४ रनले पछाडि रहेको छ । दोस्रो दिनको खेल सकिदा भारतले पहिलो इनिङमा ७ विकेटको क्षेतिमा २ सय १९ रन बनाएको छ । टस जितेर पहिले ब्याटिङ गरेको इङ्ल्यान्डले पहिलो इनिङमा ३ सय ५३ रन बनाएको थियो । ७ विकेटको क्षेतिमा ३ सय २ रनबाट […]

Success

Thank you for your time.