काठमाडौं (हाम्रो खेलकुद) – नेपालका लागि २०२३ टि२० आई पनि उत्कृष्ट रह्यो । नेपालले आइसिसी विश्वकप टि२० एसिया क्षेत्र छनोटको फाइनलमा स्थान बनाउँदै विश्वकपमा स्थान बनायो ।

नेपालले २०१४ पछि पहिलो पटक टि२० विश्वकप खेल्नेछ । नेपाली सिनियर टोली ओडिआईमा अधिकाम्स ब्यस्त रहेपनि अन्त्यतिर टि२० आई खेलेको थियो ।

त्रिकोणात्मक टि२० आई सिरिज, विश्वकप छनोट एसिया र १९ औं एसियाली खेलकुद नेपालले यस वर्ष खेलेका टि२० आई खेल हुन् । २०२३ मा नेपालबाट टि२० आईमा सर्वाधिक रन बनाउने १० खेलाडी यस प्रकार छन् ।

१. रोहित पौडेल – ४ सय ३ रन

कप्तान रोहित पौडेल नेपालबाट टि२० आईमा सर्वाधिक रन बनाउने खेलाडी हुन् । रोहितले १३ खेलमा ४ अर्धशतकसहित कुल ४ सय ३ रन बनाएका थिए । जसमा २६ चौका र १८ छक्का सामेल थियो ।

२.कुशल मल्ल – ४ सय २ रन

युवा अलराउन्डर कुशल मल्लले पनि यस वर्ष टि२० आईमा उच्च प्रदर्शन गरे । यस वर्ष ओडिआई र टि२० आई दुबैमा शतक हान्ने खेलाडी पनि हुन् । कुशलले १३ खेलमा कुल ४ सय २ रन बनाएका थिए । जसमा १ शतक, २ अर्धशतकसहित २० चौका र ३४ छक्का हानेका थिए ।

कुशलले १९ औं एसियाली खेलकुदमा मंगोलियाविरुद्ध १ सय ३७ रनको अविजित इनिङ खेलेका थिए । त्यो समय उनले ३४ बलमै शतक हान्दै टि२० विश्व इतिहासकै छिटो शतक हानेका थिए ।

३. कुशल भुर्तेल – ३ सय ४२ रन

ओपनर कुशल भुर्तेलले १३ खेलमा ३ सय ४२ रन बनाए । जसमा २ अर्धशतकसहित ३७ चौका र १६ छक्का हानेका छन् । उत्कृष्ट प्रदर्शन ७४ रन छ ।

४. आसिफ शेख – ३ सय २० रन

ओपनर आसिफ शेखले यस वर्ष नेपालबाट १३ टि२० आई खेलमा कुल ३ सय २० रन बनाए । जसमा २ अर्धशतक थियो । ३४ चौका र ९ छक्का हानेका थिए । विश्वकपमा पुग्न निर्णायक खेलमा सेमिफाइनलमा युएईविरुद्ध ६४ रनको अविजित इनिङ खेलेका थिए ।

५. दीपेन्द्रसिंह ऐरी– २ सय ४१ रन

युवा अलराउन्डर दीपेन्द्रसिंह ऐरीले चोटका कारण विश्वकप छनोट भने खेल्न पाएनन् । तर त्यसअघि युएई र हङकङसँगको त्रिकोणात्मक टि२० आई सिरिजमा भने उच्च प्रदर्शन गरेका थिए ।

७ इनिङमा २ अर्धशतकसहित कुल २ सय ४१ रन बनाएका थिए । जसमा १६ चौका र १८ छक्का हानेका थिए । मंगोलियाविरुद्ध ९ बलमै दुर्लभ विश्व कीर्तिमानी शतक हानेका थिए ।

यसवर्ष टि२० आईमा सबै नेपाली खेलाडीको रन

गुलशन झा – ९ इनिङमा १ सय ४१ रन

सन्दीप जोरा – ८ इनिङमा ८८ रन

करण केसी – ४ इनिङमा ७६ रन

सोमपाल कामी – ६ इनिङमा ४३ रन

विवेक यादव ३ – इनिङमा ४२ रन

विनोद भण्डारी १३ रन

सन्दीप लामिछाने ७ रन

अभिनाश बोहरा १ रन