काठमाडौं (हाम्रो खेलकुद) – नेपालका लागि २०२३ टि२० आई पनि उत्कृष्ट रह्यो । नेपालले आइसिसी विश्वकप टि२० एसिया क्षेत्र छनोटको फाइनलमा स्थान बनाउँदै विश्वकपमा स्थान बनायो ।

नेपालले २०१४ पछि पहिलो पटक टि२० विश्वकप खेल्नेछ । नेपाली सिनियर टोली ओडिआईमा अधिकाम्स ब्यस्त रहेपनि अन्त्यतिर टि२० आई खेलेको थियो ।

त्रिकोणात्मक टि२० आई सिरिज, विश्वकप छनोट एसिया र १९ औं एसियाली खेलकुद नेपालले यस वर्ष खेलेका टि२० आई खेल हुन् । २०२३ मा नेपालबाट टि२० आईमा विकेट लिने १३ खेलाडीहरु यस प्रकार छन् ।

१. अभिनाश बोहरा – २४ विकेट

नेपालका डेथ ओभर स्पेलिष्ट बलर अभिनाश बोहरा यस वर्ष टि२० आईमा सर्वाधिक विकेट लिने बलर हुन् । अभिनाशले १२ खेलमा ४४.४ ओभरमा ३ सय ३० रन खर्चेर २४ विकेट लिएका थिए । १९ औं एसियाली खेलकुदमा माल्दिभ्सविरुद्ध एकै खेलमा ६ विकेट लिएका थिए ।

२. करण केसी – १९ विकेट

तीव्र गतिका बलर करण केसीले १२ खेलमा ४०.५ ओभर बलिङ गर्दै कुल ३ सय ५५ रन खर्चेर १९ विकेट लिएका थिए । जसमा उत्कृष्ट प्रदर्शन ४–१५ थियो ।

३. सोमपाल कामी – १४ विकेट

तीव्र गतिका बलर सोमपाल कामीले १३ टि२० आई खेलमा ३९.३ ओभरमा २ सय ६९ रन खर्चेर कुल १४ विकेट लिए । जसमा उत्कृष्ट प्रदर्शन २–१० थियो ।

४.सन्दीप लामिछाने – १३ विकेट

स्पिनर सन्दीप लामिछानेले यस वर्ष मात्रै ८ खेलमा २९ ओभर बलिङ गर्दै कुल १ सय ६५ रन खर्चेर १३ विकेट लिएका थिए । जसमा उत्कृष्ट प्रदर्शन २–७ थियो ।

५.गुलशन झा – ११ विकेट

तीव्र गतिका बलर गुलशन झा नेपालबाट टि२० आईमा यस वर्ष कुल ११ विकेट लिए । गुलशनले १३ खेलमा ३६ ओभर बलिङ गर्द कुल २ सय २१ रन खर्चेका थिए । उत्कृष्ट प्रदर्शन २–११ थियो ।

कुशल मल्ल – ५ विकेट

दीपेन्द्रसिंह ऐरी – ४ विकेट

कुशल भुर्तेल, रोहित पौडेल र ललित नारायण राजवंशी २-२ विकेट

प्रतिश जि.सी., विवेक यादव र श्याम ढकाल १-१ विकेट ।