default_image

2 months ago

December 31, 2023

सन्दीपले अब नेपालबाट खेल्न नपाउने

काठमाडौं (हाम्रो खेलकुद) – नेपाली क्रिकेट टोलीका स्पिनर सन्दीप लामिछानेले अब नेपालको राष्ट्रिय टोलीबाट खेल्न नपाउने भएका छन् । जिल्ला अदालत काठमाडौंले शुक्रबार सन्दीपलाई एक युवतीलाई बलात्कार गरेको मुद्दामा दोषी ठहर गरेसँगै उनले नेपाली टोलीबाट खेल्न नपाउने नेपाल क्रिकेट संघ (क्यान) का अध्यक्ष चतुरबहादुर चन्दले बताए । ‘सन्दीप अब नेपालको टोलीमा हुँदैनन् । अर्को कुनै […]

11669 views

0 Bookmark

काठमाडौं (हाम्रो खेलकुद) – नेपाली क्रिकेट टोलीका स्पिनर सन्दीप लामिछानेले अब नेपालको राष्ट्रिय टोलीबाट खेल्न नपाउने भएका छन् ।

जिल्ला अदालत काठमाडौंले शुक्रबार सन्दीपलाई एक युवतीलाई बलात्कार गरेको मुद्दामा दोषी ठहर गरेसँगै उनले नेपाली टोलीबाट खेल्न नपाउने नेपाल क्रिकेट संघ (क्यान) का अध्यक्ष चतुरबहादुर चन्दले बताए ।

‘सन्दीप अब नेपालको टोलीमा हुँदैनन् । अर्को कुनै आदेश नहुँदासम्म उनी नेपाली टोलीमा हुने छैनन् । यदि अर्को आदेशबाट सफाइ पाएको खण्डमा उनी नेपाली टोलीमा हुनेछन् । अन्यथा उनले नेपालको जर्सीबाट खेल्न पाउँने छैनन्,’ क्यानका अध्यक्ष चन्दले हाम्रो खेलकुदसँग भने ।

‘राष्ट्रिय जर्सीमा खेलाउन अब मिलेन । उनले अरु कुरा पाउँछन् । अभ्यास पनि गर्न पाउँछन् । यो हामीसँग सम्बन्धी मुद्दा पनि होइन , उनले थपे,’ यदि म्याच फिक्सिङ वा स्पट भएको भए कुनैपनि प्रतियोगिता खेल्न पाउने थिएन । अरु खेल्ने वा नखेल्ने उसको कुरा हो । तर नेपालको जर्सीबाट पाउँदैनन् ।’

गतवर्ष भदौ ५ गते काठमाडौंको एक होटलमा लगेर युवतीलाई बलात्कार गरेको आरोप सन्दीपमाथि लागेको थियो । भदौ २१ गते युवतीले सन्दीपले आफूलाई पटक पटक बलात्कार गरेको भन्दै प्रहरी वृत गौशालामा किटानी जाहेरी दिएकी थिइन्।

सन्दीपलाई गत वर्ष पुष २८ गते उच्च अदालत पाटनले काठमाडौं जिल्ला अदालतको आदेश बदर गर्दै २० लाख धरौटीमा रिहा गर्न आदेश दिएको थियो । उक्त मुद्दा लाग्दा सन्दीप क्यारेवियन प्रिमियर लिग खेल्न वेस्टइन्डिज पुगेका थिए । उक्त मुद्दासँगै सन्दीपलाई क्यानले कप्तानबाट पनि हटाएको थियो ।

गत फागुन देखि सन्दीपले नेपाली टोलीबाट खेल्दै आएका थिए । उनीको जिल्ला अदालत काठमाडौंमा लगातार बहस र पेशी चल्दै आएको थियो । पेशी लगातार सर्दै आएको थियो । सन्दीपले ९९ दिन काठमाडौंको सुन्धारामा रहेको जेलमा जीवन बताउनु परेको थियो ।

पाटनले धरौटीमा छाड्न आदेश दिएपछि उनी नेपाली टोलीमा फर्किएका थिए । सन्दीपलाई यहि मुद्दाको कारण विदेश यात्रा भने केहि झन्झट भएको थियो । जिल्ला अदालत काठमाडौंले उनलाई दोषी ठहर गरेसँगै शनिबार वीरगन्जको नारायणी रंगशालामा प्रो क्लब च्याम्पियनसिप फाइनल पनि खेलेनन् ।

सन्दीप कति वर्ष जेल जानुपर्ने सजायको टुङ्गो भने पुष २५ गते लाग्नेछ । सन्दीप ६ देखी १० वर्ष जेल जानसक्ने सम्भावना छ । यस्तो अवस्थामा १० वर्षभन्दा कम सजाय तोकिएको मुद्दामा प्रतिवादीले थुनाबाहिरै रहेर उच्च अदालतमा पुनरावेदन गर्न पाउने कानुनी व्यवस्था छ।

१० वर्षभन्दा कम सजाय निर्धारण हुने अवस्थामा सन्दीपले अब तत्काल जेल जानु नपर्ने भएको हो । उनले अब जेलबाहिरै रहेर पुन उच्च अदालतमा मुद्दा लड्न पाउँछन् । त्यहाँ हारेको खण्डमा उनी सर्वोच्च अदालतमा जान पाउनेछन् । त्यहाँपनि मुद्दा हारेको खण्डमा भने उनी अदालतको निर्णय अनुसार जेल जानुपर्ने हुन्छ ।

२३ वर्षीय सन्दीप नेपालका प्रमुख स्पिनर हुन् । उनले नेपालबाट ५१ ओडिआईमा १ सय १२ विकेट लिएका छन् । उनी ओडिआईमा सर्वाधिक छिटो ४२ खेलमा १ सय विकेट पूरा गर्ने बलर हुन् । उनले अफगानिस्तानका राशिद खानको ४४ खेलको कीर्तमान तोडेका थिए । त्यस्तै उनले नेपालबाट ५२ टि२० आई खेलमा ९८ विकेट लिएका छन् ।

सन्दीपले आइसिसी विश्वकप लिग–२ त्रिकोणात्मक टि२० आई सिरिजसँगै आगामी जुनमा अमेरिका र वेस्टइन्डिजमा हुने टि२० विश्वकप जस्ता ठूला अवसर गुमाउनेछन् ।

February 24, 2024

एक्सपर्ट भरतपुर मेयर्स कप- अर्किड समूह विजेता

चितवन (हाम्रो खेलकुद)– एक्सपर्ट भरतपुर मेयर्स कप अन्तरविद्यालय क्रिकेट प्रतियोगिताको लिगमा चरणमा लगातार जितसंगै अर्किड सेकेण्डरी स्कुल सेमिफाइनल प्रवेश गरेको छ । लक्ष्मी माविले सान्त्वना जित निकाल्दै प्रतियोगिताको सुखद अन्त्य गरेको छ । आफ्नो लिग चरणको अन्तिम खेलमा शनिबार इडेन गार्डेन स्कुललाई १ सय ८ रनले पराजित गर्दै समूह ‘बी’को विजेताको रुपमा सेमिफाइनल स्थान सुरक्षित […]

February 24, 2024

बिर्तामोडलाई अन्तरपालिका क्रिकेट उपाधि

हिमाल खरेल, बिर्तामोड बिर्तामोड नगरपालिकाले प्रथम झापा जिल्ला अन्तरपालिकास्तरीय पुरुष टि२० क्रिकेट प्रतियोगिताको उपाधि जितेको छ । बुधबारेमा शनिबार भएको फाइनलमा कचनकवल गाउँपालिकामाथि १ सय १९ रनको सानदार जित निकाल्दै बिर्तामोड च्याम्पियन बनेको हो । कचनकवलको फितलो ब्याटिङ र कमजोर बलिङको फाइदा उठाउँदै बिर्तामोड विजेता बनेको हो । टस जितेर पहिले ब्याटिङ रोजेको बिर्तामोडले निर्धारित […]

February 24, 2024

इङ्ल्यान्डविरुद्ध भारतका जैसवालको अर्धशतक

एजेन्सी – इङ्ल्यान्डविरुद्धको चौथो टेस्टको पहिलो इनिङमा भारत १ सय ३४ रनले पछाडि रहेको छ । दोस्रो दिनको खेल सकिदा भारतले पहिलो इनिङमा ७ विकेटको क्षेतिमा २ सय १९ रन बनाएको छ । टस जितेर पहिले ब्याटिङ गरेको इङ्ल्यान्डले पहिलो इनिङमा ३ सय ५३ रन बनाएको थियो । ७ विकेटको क्षेतिमा ३ सय २ रनबाट […]

Success

Thank you for your time.