एजेन्सी – अन्तर्राष्ट्रिय क्रिकेट परिषद् (आइसिस) ले २०२३ को सर्वोत्कृष्ट वर्ष खेलाडी २०२३ को मनोनित सार्वजनिक गरेको छ । आइसिसीले वार्षिक रुपमा प्रदान गर्ने सबैभन्दा ठूलो अवार्ड सर गारफिल्ड सोबर्स ट्रफीमा भारतका विराट कोहली, रविन्द्र जडेजा, अष्ट्रेलियाका कप्तान प्याट कमिन्स र आक्रामक ब्याटर ट्रविस हेड छन् ।

यस वर्ष हेडले ३१ खेलमा १६ सय ९८ रन बनाएका थिए । जसमा विश्वकपमा ५ सय ७० रन बनाएका थिए । ९ सय १९ टेस्ट रन थियो ।

विश्वकप सेमिफाइनलमा दक्षिण अफ्रकाविरुद्ध ६२ रन बनाउनुको साथै दुई विकेट लिएका थिए । फाइनलमा भारतलाई हराउन १ सय ३७ रनको शतकीय इनिङ खेलेका थिए । त्यस्तै विश्व टेस्ट च्याम्पियनसिप २०२३ को फाइनलमा भारतलाई हराउन उनले १ सय ६३ रनको शतकीय इनिङ खेलेका थिए ।

मनोनितमा भारतका विराट कोहली पनि छन् । उनले ३५ खेलमा २ हजार ४८ रन बनाएका थिए । विश्वकप २०२३ मा कोहलीले ११ खेलमा ३ मा शतक र ६ मा अर्धशतकसहित कुल ७ सय ६५ रन बनाएका थिए । सेमिफाइनलमा न्युजिल्यान्डविरुद्ध १ सय १७ रन बनाएका थिए ।

जडेजा पनि मनोनित भएका छन् । उनले यो वर्ष ३५ खेलमा ६६ विकेट लिनुको साथै ६ सय १३ रन बनाएका थिए ।
अष्ट्रेलियाका प्याट कमिन्स पनि मनोनितमा छन् ।

कमिन्सले २४ खेलमा ५९ विकेट लिनुको साथै ४ सय २२ रन बनाएका थिए । अष्ट्रेलियालाई विश्वकप उपाधि र टेस्ट च्याम्पियनसिपको ट्रफी जिताउन सानदार कप्तानी गरेका थिए । विश्वकपको फाइनलमा भारतविरुद्ध २ विकेट लिँदै ३४ रन दिएका थिए ।