7 months ago
January 6, 2024
काठमाडौं (हाम्रो खेलकुद) – नेपाली यू-१९ क्रिकेट टोलीका युवा तीव्र गतिका बलर हेमन्त धामी एक महिना मैदान बाहिर हुने भएका छन् । गत मंगलबार मुलपानी क्रिकेट मैदानमा अभ्यास खेलको क्रममा सोमपाल कामीले प्रहार गरेको सर्ट उनको खुट्टामा लागेपछि एक महिना मैदान बाहिर हुने भएका हुन् ।
जसको कारण उनले दुई सातापछि दक्षिण अफ्रिकामा हुने यू१९ विश्वकप गुमाउनेछन् । बलिङ गर्नेक्रममा सोमपालले लङअनतर्फ स्ट्रेट ड्राइभ सर्ट खेल्नेक्रममा उनको खुट्टामा लागेको थियो । त्यसपछि उनले विश्वकपमै गुमाउनु पर्ने भएको हो ।
‘८–९ दिन विश्राम गर्न भनेको छ । त्यसपछि फेरि हेर्छ । त्यसपछि फिजियो थेरापी र रियाब गर्छ । त्यो गरेर पनि ठिक भएन शल्यक्रिया पनि गर्नुपर्ने हुन्छ’, हेमन्तले हाम्रो खेलकुदसँग भने ।
सुदूरपश्चिमबाट घरेलु क्रिकेट खेली उनी इनस्वींगमा बलमा लगातार राम्रो प्रदर्शन गर्दै आएका थिए । आगामी दिनमा नेपाली क्रिकेटमा ठूलो सम्भावना बोकेका खेलाडी समेत हुन् ।
गत वर्ष फागुनमा आइसिसी यू-१९ विश्वकप एसिया क्षेत्र छनोटमा नेपाललाई विश्वकपमा पुर्याउनले उत्कृष्ट प्रदर्शन गरेका थिए । यू–१९ एसिया कपमा अघिल्लो महिना अफगानिस्तानविरुद्ध लगातार दुई विकेट लिएका थिए । उनी नहुँदा नेपालको तीव्र गतिको बलिङ आक्रामण केहि कमजोर बन्नसक्छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]