7 months ago
January 9, 2024
काठमाडौं (हाम्रो खेलकुद) – मधेश प्रदेशको छनोटबाट बारा र पर्सा फाइनलमा पुगेका छन् । बाराले धनुषा तथा पर्साले सिराहलाई सेमिफाइनलमा हराउँदै फाइनलमा पुगेका हुन् ।
टस हारेर पहिला ब्याटिङको निम्तो पाएको बाराले २२ ओभरमा ९ विकेट गुमाउँदै १ सय २४ रन बनायो । बाराको लागि साहिल पटेलले ३३, अरनिको यादवले १८ र तृतराज दास १५ रन बनाए । धनुषाका लागि ब्रिकम कुमार यादवले ४ ओभरमा २९ रन खर्चेर सर्वाधिक ४ विकेट लिए ।
जितको लागि १ सय २५ रनको लक्ष्य पछ्याएको धुनषा २४ ओभरमा ९ विकेट गुमाउँदै १ सय १४ रन बनायो । उसका लागि हरिशंकर शाहले ३३ बलमा ६ चौकासहित सर्वाधिक ३४ र मयंक यादव २९ रन बनाए । बाराका अनिल कुमार शाहले ५ ओभरमा १ मेडनसहित १८ रन खर्चेर सर्वाधिक ४ विकेट लिए ।
त्यस्तै अर्को सेमिफाइनल खेलमा पर्साले सिराहलाई २ विकेटले हराउँदै फाइनलमा स्थान बनायो । टस जितेर पहिला ब्याटिङ रोजेको सिराह २१.२ ओभरमा १ सय ६ रनमा अल आउट भयो । सिराहका राकेश कुमार २३, कृष्ण शाह २९ र रुपेश सिंहले २२ रन बनाए । पर्साका साम्सद मानसुरीले ३ र साम्सद अन्सारीले २ विकेट लिए ।
जितको लागि १ सय ७ रनको लक्ष्य पछ्याएको पर्साले २२.१ ओभरमा ८ विकेट गुमाउँदै पूरा गर्यो । सैफवान अली २९ र इमरान शेख १९ रन बनाए । सोनु शर्मा १६ रन बनाए । प्रदीप पासवानले ३ विकेट लिए । फाइनल बुधबार हुनेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]