एजेन्सी – मलेसियाका एक सर्वाधिक सफल कप्तान अहमद फैजले युवा ब्याटर विरनदीप सिंहलाई कप्तानी हस्तान्तरण गरेका छन् । अहमद फैजले कप्तानी छाड्दै विरनदीपलाई नेतृत्व दिने निर्णय लिएका हुन् ।

३५ वर्षीय उनले २०१३ देखी मलेसिया टोलीको कप्तानी गर्दै आएका थिए । मलेसिया टोलीबाट सानदार प्रदर्शन गरेपनि उनले कप्तानी छोड्ने समय समय भएको बताउँदै विरनदीपलाई दिएका छन् ।

मलेसियाका युवा स्टार ब्याटर विरनदीप एसोसिएट क्रिकेटमा ठूलो सम्भावना बोकेका खेलाडी हुन् । २४ वर्षीय विरनदीपले ६७ टि२० आई खेलमा १ शतक र १३ अर्धशतकसहित २ हजार १८ रन बनाएका छन् ।

मलेसियाले २०१९ मा टि२० आईको मान्यता पाएपछि अहमद फैजले ६२ खेलमा कप्तानी गरेका थिए । जसमा ३६ खेलमा जित थियो । विरनदीपले मलेसिया टोलीमा ८ खेलमा कप्तानी गरि सकेका छन् ।

विरनदीपले नेपालमा एभेरष्ट प्रिमियर लिग चितवन टाइगर्स र नेपाल सुपर लिग काठमाडौंबाट खेली सकेका छन् ।

मलेसियाले अव २०२७ मा हुने एकदिवसीय विश्वकपको लागि आइसिसी च्यालेन्जर लिग प्लेअफ खेल्नेछ । ५० ओभरको उक्त प्रतियोगिता खेल्न आगामी फेब्रुअरी जानेछ । त्यसअघि भोली देखी अभ्यास गर्न श्रीलंका जानेछ ।

विश्वकप छनोटमा सुपर लिगमा टेस्ट टोली, लिग २ मा ओडिआई मान्यता टोली र च्यालेन्ज लिगमा ओडिआई मान्यता नभएका टोलीहरु खेल्ने गर्दछन् ।