7 months ago
January 10, 2024
काठमाडौं (हाम्रो खेलकुद) – नेपालका अनुभवी ब्याटर शरद भेषावकर प्रधानमन्त्री कप राष्ट्रिय एकदिवसीय प्रतियोगिताको लागि बागमती प्रदेशको टोलीमै स्थान बनाउन सकेनन् ।
बागमतीले युवा खेलाडीलाई प्राथमिकतामा राख्दै रितको टोलीका कप्तानीमा टोली घोषणा गर्दा शरद भेषावकर वैकल्पिक खेलाडीमा समेत अट्न सकेनन् । उनले महावीर क्लब हुँदै काठमाडौंबाट जिल्ला छनोट खेलेका थिए । बलिङमा केहि प्रभाव छाडेपनि उनले ब्याटिङमा भने अपेक्षा अनुसार प्रदर्शन गर्न सकेका थिएनन् ।
शरद नेपाल एपीएफ क्लबबाट पनि यसै सिजनदेखी बाहिर भएका थिए । पछिल्लो समय ढल्किदो उमेर र केहि खस्कदो ब्याटिङ प्रदर्शनका साथ शरदले टोलीमा स्थान बनाउन संघर्ष गर्नु परेको छ ।
शरदको कप्तानीमा एपीएफले २०२२ नोभेम्बरमा पिएमकपको फाइनलमा आर्मीलाई हराउँदै उपाधि जितेको थियो । शरदकै कप्तानीमा २०२१ को जनवरीमा भएको पिएमकप टि२० उपाधि पनि एपीएफले जितेको थियो । शरद घरेलु क्रिकेटका एक सफल कप्तान पनि मानिन्छन् ।
नेपालका मध्यक्रमका एक सफल ब्याटर शरद २०२२ फेब्रुअरीमा ओमान भ्रमणपछि नेपाली टोलीमा छैनन् । आइसिसी टि२० विश्वकप छनोट अन्तर्गत ओमान भ्रमणमा चार देश सम्मिलित टि२० आई सिरिज खेलेका थिए । विश्वकप छनोट टोलीमा पर्न नसकेपछि उनी बाहिरिएका थिए । त्यसपछि उनले नेपाली टोलीमा पुन स्थान बनाउन सकेका छैनन् । बन्द प्रशिक्षणबाट बाहिर हुँदै आएका छन् ।
बागमतीले शनिबार टियु क्रिकेट मैदानमा नेपाल पुलिस क्लबसँग खेल्दै सुरुवात गर्नेछ । पिएमकप राउन्ड रोविनको आधारमा हुनेछ । १० टोली सहभागी प्रतियोगितामा पहिलो पटक सबैले एक अर्कासँग खेल्नेछन् । पिएमकप टियु, मुलपानी र भैरहवामा हुनेछ ।
बागमतीको टोली :
रित गौतम (कप्तान), आशुतोष घिरैया, ईशान पाण्डे, रविन जोशी (विकेटकिपर), विवेक रानामगर, प्रतिक श्रेष्ठ, प्रतिश जि.सी, सूर्य तामाङ, कृर्जन गुरुङ, रिजन ढकाल, गौतम केसी, अशोक पौडेल, सोनु देवकोटा र विपिन आचार्य ।
वैकल्पिक : सन्देश कार्की, गौरभ खड्का, दीपेश श्रेष्ठ र कृष कार्की ।
प्रशिक्षक : कलाम अली
टेक्लिनकल एनालिष्ट : राजन शाह
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]