काठमाडौं (हाम्रो खेलकुद) – हरिशंकर शाहको कप्तानीमा मधेश प्रदेशले प्रधानमन्त्री कप एकदिवसीय राष्ट्रिय प्रतियोगिता खेल्ने टोली घोषणा गरेको छ । अघिल्लो महिना केपी ओली टि२० प्रतियोगिता उपाधि जितेको मधेशले सिनियर टोलीका तीन खेलाडी समेट्दै बलियो टोली घोषणा गरेको छ ।

हरिशंकरसँगै पवन सरार्फ र अनिल कुमार शाह सिनियर टोलीबाट खेलेका खेलाडी छन् । पवन उपकप्तानको रुपमा छन् । यू१६ टोलीका कप्तान अभिषेक तिवारीर ओपनर मयन यादव पनि टोलीमा छन् ।

पिएमकप शनिबार देखी काठमाडौंको टियु, मुलपानी र भैरहवाको सिद्धार्थ रंगशालामा हुनेछन् । प्रतियोगिता राउन्ड रोविनको आधारमा हुनेछ ।

सबै ७ पदेश र तीन विभागीय टोलीले एकअर्कासँग खेल्नेछन् । मधेश २०२२ मा भएको पिएमकपकमा पहिलो पटक सेमिफाइनलमा पुगेको थियो । यस पटक शीर्ष दुई टोलीले फाइनल खेल्नेछन् । शीर्ष चार टोलीले इलिट टर्फी खेल्नेछन् । मधेश प्रदेशको एक मजबुत टोली मानिन्छ ।

मधेशको टोली :

हरिशंकर शाह (कप्तान), निरज यादव, मयन यादव, अनिल कुमार शाह (विकेटकिपर), पवन सरार्फ, अभिषेक तिवारी, अरनिको यादव, राहुल मण्डल, विशाल पटेल, रन्जित कुमार, साम्सद अन्सारी, प्रदीप पासवान र राजेश यादव ।

वैकल्पिक : डब्लू मलिक, भुलवान शहानी, प्राथिव यादव र साहिल पटेल ।

प्रशिक्षक : सुनिल शाह

व्यवस्थापक : सुवास जैसवाल

भिडियो एनालिष्ट : नवनित जैसवाल ।