default_image

1 month ago

January 12, 2024

रोहितको कप्तानीमा एपिएफ क्रिकेट टोलीको घोषणा

काठमाडौं (हाम्रो खेलकुद) – साविक विजेता नेपाल एपिएफ क्लबले प्रधानमन्त्री (पिएम कप) एकदिवसीय राष्ट्रिय क्रिकेट प्रतियोगिताका लागि रोहित पौडेलको कप्तानीमा ४ वैकल्पिकसहित १८ सदस्यीय क्रिकेट टोलीको घोषणा गरेको छ । पिएम कप शनिबार सुरु हुँदैछ। त्रिभुवन आर्मी क्लब छाडेर पुनः एपिएफमा आबद्ध भएका रोहितलाई एपिएफले बिहीबार आफ्नो टोलीको कप्तान नियुक्त गरेको थियो । उनले यस […]

3248 views

0 Bookmark

काठमाडौं (हाम्रो खेलकुद) – साविक विजेता नेपाल एपिएफ क्लबले प्रधानमन्त्री (पिएम कप) एकदिवसीय राष्ट्रिय क्रिकेट प्रतियोगिताका लागि रोहित पौडेलको कप्तानीमा ४ वैकल्पिकसहित १८ सदस्यीय क्रिकेट टोलीको घोषणा गरेको छ ।

पिएम कप शनिबार सुरु हुँदैछ। त्रिभुवन आर्मी क्लब छाडेर पुनः एपिएफमा आबद्ध भएका रोहितलाई एपिएफले बिहीबार आफ्नो टोलीको कप्तान नियुक्त गरेको थियो । उनले यस अघि पनि एपिएफबाट खेलिसकेका छन्।

रोहितले आर्मीसंगको यात्रालाई बिट मार्दै एपिएफमा फर्किएका हुन् । २०१८ मा एपिएफले प्रधानमन्त्री कप एकदिवसीय राष्ट्रिय प्रतियोगिता जित्दा रोहित टोलीका सदस्य थिए । त्यसपछि रोहित आर्मी पुगेका थिए ।

यो सिजन शरद भेषावकर भने एपिएफमा छैनन् । प्रदीप ऐरी र भुवन कार्कीले टोलीको नेतृत्व गरि सकेका छन् । तर टोली केहि भद्रगोल र नतिजा नआएपछि सिनियर टोलीको खेलाडी खोजेको थियो । त्यसमा रोहितलाई कप्तानको जिम्मेवारी दिँदै टोलीमा भित्र्याएको हो ।

यस्तै सन् २०११ देखी २०१९ सम्म एपीएफमा रहेर टोलीको नेतृत्व गरेका नेपाली राष्ट्रिय टोलीका सफल व्याटर तथा पूर्व कप्तान ज्ञानेन्द्र मल्ल टोलीको प्रशिक्षक रहने छन् । गत महिना आईसिसी लेभल २ कोचिङ कोर्स पूरा गरेका मल्ल घरेलु क्रिकेटमा नयाँ भूमिकामा देखिने छन् ।

एपिएफले पछिल्ला दुबै प्रधानमन्त्री कपको उपाधि जितेको थियो । २०२१ मा टि२० र २०२२ नोभेम्बरमा एकदिवसीय पिएमकप उपाधि जितेको थियो । त्यसपछि पिएमकप आयोजना भएको छैन ।

पिएमकपका खेलहरू काठमाडौंको टियु र मुलपानी तथा भैरहवाको सिद्धार्थ रंगशालामा हुनेछन् । प्रतियोगिता राउन्ड रोविनको आधारमा हुनेछ । सबै ७ प्रदेश र तीन विभागीय टोलीले एकअर्कासँग खेल्नेछन् । यस पटक शीर्ष दुई टोलीले फाइनल खेल्नेछन् । शीर्ष चार टोलीले इलिट ट्रफी खेल्नेछन् ।

एपिएफको क्रिकेट टोली:
रोहित पौडेल (कप्तान), मोहम्मद आशिफ शेख, प्रदीप ऐरी, सुमित महर्जन, भुवन कार्की, अमर सिंह राउटेला, पुरन बिक, लोकेश बाम, प्रज्वल शाही, अविनाश बोहोरा, इर्साद अहमद, रमेश कुर्मी, मौसम ढकाल, सन्दिप जोरा

वैकल्पिक खेलाडी: यज्ञमान कुमाल, आयुष्मान बाम, निर्मल थापा, आयुष बानिया

प्रशिक्षक: ज्ञानेन्द्र मल्ल
व्यवस्थापक: राजेश श्रेष्ठ

February 25, 2024

नेपालको औसत सुरुवात

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत नेदरल्यान्ड्स विरुद्ध जारी अन्तिम खेलमा नेपालले औसत सुरुवात गरेको छ । नेपालले १३ ओभरमा ३ विकेट गुमाएर ५४ रन जोडेको छ । क्रिजमा कुशल भुर्तेल २५ रन जोडेर खेलिरेहका छन् । राम्रो सुरुवात पाएको नेपालले ५ ओभरको अन्तरमा ओपनर आसिफ शेख, अनिल शाह र कुशल मल्लको […]

February 25, 2024

नेपालले टस हार्यो, टोलीमा २ परिवर्तन

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत त्रिकोणात्मक सिरिजको अन्तिम खेलमा नेपालले नेदरल्यान्ड्सविरुद्ध टस हारेको छ । नेदरल्यान्ड्सका कप्तान स्कट एडवार्ड्सले टस जितेर पहिलो फिल्ड गर्ने निर्णय लिएसँगै नेपालले पहिलो ब्याटिङ गर्ने भएको हो । आज नेपाली टोलीमा दुई परिवर्तन भएको छ । देव खनाल र सोमपाल कामीले विश्राम पाउँदा गुलशन झा र […]

February 24, 2024

एक्सपर्ट भरतपुर मेयर्स कप- अर्किड समूह विजेता

चितवन (हाम्रो खेलकुद)– एक्सपर्ट भरतपुर मेयर्स कप अन्तरविद्यालय क्रिकेट प्रतियोगिताको लिगमा चरणमा लगातार जितसंगै अर्किड सेकेण्डरी स्कुल सेमिफाइनल प्रवेश गरेको छ । लक्ष्मी माविले सान्त्वना जित निकाल्दै प्रतियोगिताको सुखद अन्त्य गरेको छ । आफ्नो लिग चरणको अन्तिम खेलमा शनिबार इडेन गार्डेन स्कुललाई १ सय ८ रनले पराजित गर्दै समूह ‘बी’को विजेताको रुपमा सेमिफाइनल स्थान सुरक्षित […]

Success

Thank you for your time.