7 months ago
January 13, 2024
काठमाडौं (हाम्रो खेलकुद) – अलराउन्डर राशिद खानको कीर्तिमानी शतकको सहयोगमा नेपाल पुलिस क्लबले प्रधानमन्त्री कप एकदिवसीय राष्ट्रिय प्रतियोगितामा बागमती प्रदेशलाई ६८ रनले हराउँदै विजयी सुरुवात गरेको छ ।
जितको लागि २ सय ८३ रनको विजयी लक्ष्य पछ्याएको बागमती ४२.३ ओभरमा २ सय १४ रनमा अल आउट भयो । बागमतीलाई ओपनर आषुतोश घिरैयाले ८७ बलमा ९ चौका र ४ छक्कासहित सर्वाधिक ९२ रनको योगदान दिएपनि जिताउन सकेनन् ।
स्पिनर दीपेन्द्रसिंह ऐरीको ३८ औं ओभरको दोस्रो बलमा एज लागेर विकेटकिपर दीलिप नाथबाट क्याच आउट भएपछि शतकको अवसर गुमाएका थिए । बागमतीलाई ओपनर आषुतोश घिरैया र ईशान पाण्डेले १७.१ ओभरमा ९६ रनको साझेदारी गर्दै राम्रो सुरुवात दिलाएका थिए ।
ईशान ४८ बलमा ५ चौका र १ छक्कासहित ४४ रनमा आउट भए । उनी राशिद खानको बलमा ललित राजवंशीबाट क्याच आउट भए । त्यसपछि बागमतीले लगातार विकेट गुमाएको थियो ।
विपिन आचार्य १७, प्रतिक श्रेष्ठ १०, रित गौतम ९, सोनु देवकोटा १९ र गौतम केसीले १३ रन बनाए । प्रतिश जि.सी र विवेक मगरले खाता खोल्न सकेनन् ।
पुलिसका सागर ढकालले ९ ओभरमा ५६ रन खर्चेर ३ विकेट लिए । करण केसी, राशिद खान र दीपेन्द्र सिंह ऐरीले २–२ विकेट लिए ।
त्यसअघि टियु क्रिकेट मैदानमा टस जितेर पहिला ब्याटिङ रोजेको पुलिसले निर्धारित ५० ओभरमा ८ विकेट गुमाउँदै २ सय ८२ रन बनाएको थियो ।
पुलिसको जितमा सातौं नम्बरका ब्याटर राशिद खान १ सय १२ बलमा ९ चौका र ६ छक्कासहित १ सय ६ रनको सानदारा कीर्तिमानी अविजित शतकीय इनिङ खेलेका थिए । उनी नै खेलको प्लेयर अफ द म्याच चुनिए । पिएमकप इतिहासमा सातौं नम्बरमा शतक हान्ने उनी पहिलो खेलाडी बनेका छन् ।
राशिदले आफ्नो क्रिकेट करिअरको कुनैपनि खेलमा प्रहार गरेको यो पहिलो शतक थियो । आरिफ शेख ६६ बलमा ५ चौका र १ छक्कासहित ५७ रनमा आउट भए । पुलिसको सुरुवात भने राम्रो थिएन । एक समय १६।३ ओभरमा ७२–५ को अवस्थामा पुगेको पुलिसलाई छैटौं विकेटका लागि आरिफ र राशिदले १ सय २० रनको सानदार शतकीय साझेदारी गर्दै खेलमा फर्काएका थिए ।
आरिफ सोनु देवकोटाको बलमा ठूलो सर्ट खेल्ने धुनमा लङअनमा गौतम केसीबाट क्याच आउट भए । ओपनर कुशल भुर्तेल अष्ट्रेलियाबाट नफर्की सकेको अवस्थामा पुलिसले दीलिप नाथ र सुनिल धमलालाई पठाएको थियो ।
दीलिप सातौं ओभरको पाँचौं बलमा रिजन ढकालको बलमा बोल्ड आउट भए । सुनिल सूर्य तामाङको बलमा २० रनमा स्टम्पिङ आउट भए । अमित श्रेष्ठ टप एज लागेर १ रनमा स्क्वायर लेगमा आशुतोष घिरैयाबाट क्याच आउट भए । अर्जुन साउद २३ बलमा २ छक्कासहित २० रनमा सूर्यको बलमा बोल्ड आउट भए । शंकर राना गौतम केसीको बलमा एलबीडब्लू आउट भएपछि पुलिस ७२(५ को दयनीय अवस्थामा पुगेको थियो ।
तर त्यसपछि आरिफ र राशिदले खेललाई फर्काएका थिए । दीपेन्द्रसिंह ऐरी १३ बलमा १ चौका र १ छक्कासहित २१ रनमा आउट भए । करण केसी १५ र सागर ढकालले ३ रन बनाए ।
बागमतीका रिजन ढकालले १० ओभरमा ५४ रन खर्चेर ३ विकेट लिए । सुर्य तामाङले ९ ओभरमा ५० रन खर्चेर ३ विकेट लिए । गौतम केसी र सोनु देवकोटाले १-१ विकेट लिए । उता मुलपानी मैदानमा मधेश प्रदेशले कोशीलाई ७ विकेटले हरायो । सिद्धार्थ रंगशाला भैरहवामा लुम्बिनीले गण्डकी प्रदेशलाई ४ विकेटले हरायो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]