default_image

1 month ago

January 14, 2024

सन्दीपको शतकमा एपीएफको बलियो लक्ष्य

काठमाडौं (हाम्रो खेलकुद) – मध्यक्रमका ब्याटर सन्दीप जोराले शतक प्रहार गरेसँगै नेपाल एपीएफ क्लबले प्रधानमन्त्री कप एकदिवसीय राष्ट्रिय प्रतियोगितामा बागमती प्रदेशलाई २ सय ४२ रनको बलियो लक्ष्य दिएको छ । टियु क्रिकेट मैदानमा टस हारेर पहिला ब्याटिङको निम्तो पाएको एपिएफले निर्धारित ५० ओभरमा ९ विकेट गुमाएर २ सय ४१ रन जोड्यो । एपीएफका लागि सन्दीप […]

3008 views

0 Bookmark

काठमाडौं (हाम्रो खेलकुद) – मध्यक्रमका ब्याटर सन्दीप जोराले शतक प्रहार गरेसँगै नेपाल एपीएफ क्लबले प्रधानमन्त्री कप एकदिवसीय राष्ट्रिय प्रतियोगितामा बागमती प्रदेशलाई २ सय ४२ रनको बलियो लक्ष्य दिएको छ ।

टियु क्रिकेट मैदानमा टस हारेर पहिला ब्याटिङको निम्तो पाएको एपिएफले निर्धारित ५० ओभरमा ९ विकेट गुमाएर २ सय ४१ रन जोड्यो । एपीएफका लागि सन्दीप जोराले १ सय ३ बलम शतक पूरा गर्दै इनिङको उद्दार गरेका थिए । एक समय ४१-५ को अवस्थामा पुगेको एपीएफ उनकै इनिङमा बलियो स्कोरसम्म पुगेको थियो ।

सन्दीपले १ सय १७ बलमा ७ चौका र ५ छक्का प्रहार गर्दै १ सय १२ रन जोडे । उनी अन्तिम ओभरको चौथो बलमा दोस्रो रन लिने क्रममा रनआउट भएका थिए । यो सन्दीपको घरेलु करिअरको उत्कृष्ट प्रदर्शन पनि हो । यसअघि सन् २०२१ को संस्करणमा उनले कर्णालीविरुद्ध ६० रन बनाएका थिए । त्यो नै पिमएकपमा उनको उत्कृष्ट प्रदर्शन थियो ।

एपीएफको सुरुवात नै राम्रो हुन सकेन । बागमतीका दुई बायाँ हाते तीव्र गतिका बलर प्रतिश जि.सी र रिजन ढकालले उत्कृष्ट सुरुवात दिलाएका थिए । त्यो सुरुवातलाई स्पिनर सूर्य तामाङले निरन्तरता दिएपछि एपीएफ दबाबमा परेको थियो ।

ओपनर प्रज्वल शाहीलाई प्रतिश जिसीले पाँचौं ओभरको पहिलो बलमा १० रनमा सोनु देवकोटाबाट क्याच आउट गराउँदै बागमतीलाई पहिलो सफलता दिलाए । २०१८ पछि पहिलो पटक एपीएफ फर्किदै कप्तानी गरेका रोहित २ रनमै आउट भए ।

रोहित पौडेल रिजन ढकालको बलमा २ रना एलबीडब्लू आउट भए । आठौं ओभरको तेस्रो बलमा रिजनले आसिफ शेखलाई १५ रनमा बोल्ड आउट गरे । तर उक्त बोल्ड आउट बागमतीका खेलाडी, आसिफ र अम्पायरले समेत केही बेरसम्म चाल पाउन सकेका थिएनन् ।

टियु एण्डबाट आएका स्पिनर सूर्य तामाङले १३ औं ओभरमा दुई विकेट लिएपछि एपीएफ संकटमा पुगेको थियो । दोस्रो बलमा सुमित महर्जन ६ रनमा एलबीडब्लू आउट भए । दुई बलपछि पुरन बिकलाई शून्यमा बोल्ड गरेपछि एपीएफ १२.४ ओभरमा ४१–५ को दयनीय अवस्थामा पुगेको थियो ।

छैटौं विकेटका लागि लोकेश र सन्दीप जोराले ६६ रनको साझेदारी गरेका थिए । लोकेश ४२ बलमा १ छक्कासहित २७ रनमा आउट भए । लेग स्पिनर सोनु देवकोटाको बलमा एज लागेर विकेटकिपर रविन जोशीबाट क्याच आउट भए । भुवन कार्कीलाई सूर्यले ७ रनमा बोल्ड गरेपछि ३०.२ ओभरमा १२९–७ को अवस्थामा पुगेको थियो ।

त्यसपछि अमर र सन्दीपले नवौं विकेटका लागि ६८ रनको साझेदारी गर्दै एपीएफलाई बलियो योगफलतर्फ अघि बढाएका थिए । अमर ४६ बलमा १ चौकासहित २२ रन जोड्दै प्रतिस जिसीको एलबिडब्लु धरापमा परे । अभिनाश बोहोराले १७ बलमा २ चौकासहित नटआउट १८ रन जोड्दै इनिङलाई सहयोग गरे । उनले सन्दीपसँग ३४ बलमा ४३ रनको साझेदारी गरेका थिए ।

बागमती पहिलो खेलमा नेपाल पुलिस क्लबसँग ६८ रनले पराजित भएको थियो । एपीएफको पहिलो खेल हो । यस पटक देखी प्रधानमन्त्री कप राउन्ड रोविनको आधारमा हुनेछ । शीर्ष दुई टोली फाइनल खेल्नेछन् । पिएमकप टियु, मुलपानी र भैरहवामो सिद्धार्थ रंगशालामा हुनेछन् ।

February 24, 2024

एक्सपर्ट भरतपुर मेयर्स कप- अर्किड समूह विजेता

चितवन (हाम्रो खेलकुद)– एक्सपर्ट भरतपुर मेयर्स कप अन्तरविद्यालय क्रिकेट प्रतियोगिताको लिगमा चरणमा लगातार जितसंगै अर्किड सेकेण्डरी स्कुल सेमिफाइनल प्रवेश गरेको छ । लक्ष्मी माविले सान्त्वना जित निकाल्दै प्रतियोगिताको सुखद अन्त्य गरेको छ । आफ्नो लिग चरणको अन्तिम खेलमा शनिबार इडेन गार्डेन स्कुललाई १ सय ८ रनले पराजित गर्दै समूह ‘बी’को विजेताको रुपमा सेमिफाइनल स्थान सुरक्षित […]

February 24, 2024

बिर्तामोडलाई अन्तरपालिका क्रिकेट उपाधि

हिमाल खरेल, बिर्तामोड बिर्तामोड नगरपालिकाले प्रथम झापा जिल्ला अन्तरपालिकास्तरीय पुरुष टि२० क्रिकेट प्रतियोगिताको उपाधि जितेको छ । बुधबारेमा शनिबार भएको फाइनलमा कचनकवल गाउँपालिकामाथि १ सय १९ रनको सानदार जित निकाल्दै बिर्तामोड च्याम्पियन बनेको हो । कचनकवलको फितलो ब्याटिङ र कमजोर बलिङको फाइदा उठाउँदै बिर्तामोड विजेता बनेको हो । टस जितेर पहिले ब्याटिङ रोजेको बिर्तामोडले निर्धारित […]

February 24, 2024

इङ्ल्यान्डविरुद्ध भारतका जैसवालको अर्धशतक

एजेन्सी – इङ्ल्यान्डविरुद्धको चौथो टेस्टको पहिलो इनिङमा भारत १ सय ३४ रनले पछाडि रहेको छ । दोस्रो दिनको खेल सकिदा भारतले पहिलो इनिङमा ७ विकेटको क्षेतिमा २ सय १९ रन बनाएको छ । टस जितेर पहिले ब्याटिङ गरेको इङ्ल्यान्डले पहिलो इनिङमा ३ सय ५३ रन बनाएको थियो । ७ विकेटको क्षेतिमा ३ सय २ रनबाट […]

Success

Thank you for your time.