default_image

1 month ago

January 14, 2024

जिम्बावेमाथि श्रीलंकाको रोमान्चक जित

एजेन्सी – घरेलु टोली श्रीलंकाले पहिलो टि२० आई खेलमा जिम्बावेमाथि तीन विकेटको रोमान्चक जित हात पारेको छ । योसँगै तीन खेलको सिरिजमा श्रीलंकाले १-० को अग्रता लिएको छ । जितको लागि १ सय ४३ रनको मध्यम विजयी लक्ष्य श्रीलंकाले २० ओभरमा ७ विकेट गुमाउँदै पूरा गर्यो । जितको लागि अन्तिम ६ बलमा १४ रन चाहिँदा […]

2685 views

0 Bookmark

एजेन्सी – घरेलु टोली श्रीलंकाले पहिलो टि२० आई खेलमा जिम्बावेमाथि तीन विकेटको रोमान्चक जित हात पारेको छ । योसँगै तीन खेलको सिरिजमा श्रीलंकाले १-० को अग्रता लिएको छ ।

जितको लागि १ सय ४३ रनको मध्यम विजयी लक्ष्य श्रीलंकाले २० ओभरमा ७ विकेट गुमाउँदै पूरा गर्यो । जितको लागि अन्तिम ६ बलमा १४ रन चाहिँदा अनुभवी ब्याटर एन्जिलो म्याथ्युजले सुरुवाती दुई बलमा लगातार चौका प्रहार गरेका थिए । तेस्रो बल ब्लेसिङ मुर्जाबानीले डट र चौथो बलमा म्याथ्युजलाई क्याच गराएपछि खेल थप रोचक बनेको थियो ।

त्यसपछि दुश्मन्था चामिराले चौका र दुई रन बटुल्दै रोमान्चक जित दिलाए । दासुन शानका १८ बलमा ४ चौकासहित २६ रनमा नट आउट रहे । श्रीलंकाका अनुभवी ब्याटर एन्जिलो म्याथ्युजले ३८ बलमा ५ चौका र १ छक्कासहित सर्वाधिक ४६ रन बनाए ।

एक समय ८३–६ को अवस्थामा पुगेको श्रीलंकालाई शानका र म्याथ्युजले सातौं विकेटका लागि ३४ बलमा ५५ रनको महत्वपूर्ण साझेदारी गरेका थिए । श्रीलंकाका पाथुम निसंका २, कुशल मेन्डिस र कुशल परेरा १७–१७ रनमा आउट भए ।
जिम्बावेका सिकन्दर राजाले ४ ओभरमा १३ रन खर्चेर ३ विकेट लिए । राजाले ब्याटिङमा पनि ६२ रन बनाउँदै सानदार अलराउन्ड प्रदर्शन गरेपनि जिताउन सकेनन् ।

त्यसअघि कोलोम्बोमा टस हारेर पहिला ब्याटिङको निम्तो पाएको जिम्बावेले निर्धारित २० ओभरमा ५ विकेट गुमाउँदै १ सय ४३ रन बनाएको थियो । जिम्बावेका सिकन्दर राजाले ४२ बलमा ५ चौका र २ छक्कासहित सर्वाधिक ६२ रनको योगदान दिए । अन्य ब्याटरले भने खासै राम्रो प्रदर्शन गर्न सकेनन् ।

क्रेग इर्भिन १०, सेन विलियम्स १४ र तिनाश कमुनहुकम्वे २६ रनमा आउट भए । श्रीलंकाका महेश थिक्सेनाले ४ ओभरमा १६ रन खर्चेर २ विकेट लिए । वानिन्दु हसरंगाले ४ ओभरमा १९ रन खर्चेर २ विकेट लिए । दुश्मन्था चामिराले १ विकेट लिए ।

February 22, 2024

आशुतोष र सुजनसहित नेपाल ‘ए’ को ४ परिवर्तन

काठमाडौं (हाम्रो खेलकुद) – नेपाल ‘ए’ ले क्यानडा-११ विरुद्ध जारी एकदिवसीय सिरिजको तेस्रो तथा निर्णायक खेलमा ४ परिवर्तन गरेको छ । क्यानडा-११ का कप्तान साद बिन जफरले टस जितेर फिल्ड गर्ने निर्णय लिँदा नेपाल पहिलो ब्याटिङ गर्दैछ । मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा छ । नियमित कप्तान विनोद भण्डारी बिरामी […]

February 22, 2024

क्यानडा-११ ले टस जित्यो

काठमाडौं (हाम्रो खेलकुद) – नेपाल ‘ए’ र क्यानडा-११ बीच जारी एकदिवसीय सिरिजको निर्णायक खेलमा क्यानडा-११ ले टस जितेको छ । क्यानडा-११ का कप्तान साद बिन जफरले टस जितेर फिल्ड गर्ने निर्णय लिएका छन् । मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा छ । नियमित कप्तान विनोद भण्डारी बिरामी भएका कारण उपस्थित नहुँदा […]

February 21, 2024

कचनकवल अन्तरपालिका क्रिकेटको फाइनलमा

हिमाल खरेल, बिर्तामोड कचनकवल गाउँपालिका प्रथम झापा जिल्ला अन्तरपालिका टि–२० पुरुष क्रिकेट प्रतियोगिताको फाइनल प्रवेश गरेको छ । बर्खा स्मृति प्रतिष्ठान बुद्धशान्तिको आयोजनामा बुधबार भएको प्रतियोगिताको पहिलो सेमिफाइनलमा मेचीनगर नगरपालिकालाई ५ विकेटले हराउँदै कचनकवल अन्तिम दुईमा पुगेको हो । पहिले ब्याटिङ राजेको मेचीनगर निर्धारित २० ओभरमा १३.२ ओभरमा अलआउट हुँदै ८९ रन बनाएको थियो । […]

Success

Thank you for your time.