default_image

2 months ago

January 15, 2024

विनोदको शतकमा मधेशलाई विशाल लक्ष्य

काठमाडौं (हाम्रो खेलकुद) – कप्तान विनोद भण्डारीको शतकमा त्रिभुवन आर्मी क्लबले प्रधानमन्त्री कप एकदिवसीय राष्ट्रिय प्रतियोगितामा मधेश प्रदेशलाई ३ सय २१ रनको विशाल लक्ष्य दिएको छ । टियु क्रिकेट मैदानमा टस हारेर पहिला ब्याटिङको निम्तो पाएको आर्मीले निर्धारित ५० ओभरमा ३ सय २० रनमा अल आउट भयो । आर्मीका विनोद भण्डारीले ९३ बलमा ९ चौका […]

2163 views

0 Bookmark

काठमाडौं (हाम्रो खेलकुद) – कप्तान विनोद भण्डारीको शतकमा त्रिभुवन आर्मी क्लबले प्रधानमन्त्री कप एकदिवसीय राष्ट्रिय प्रतियोगितामा मधेश प्रदेशलाई ३ सय २१ रनको विशाल लक्ष्य दिएको छ ।

टियु क्रिकेट मैदानमा टस हारेर पहिला ब्याटिङको निम्तो पाएको आर्मीले निर्धारित ५० ओभरमा ३ सय २० रनमा अल आउट भयो । आर्मीका विनोद भण्डारीले ९३ बलमा ९ चौका र ६ छक्कासहित १ सय १३ रनको शतकीय इनिङ खेले ।

पिएमकपमा दीपेन्द्रसिंह ऐरी र विनोद बाहेक अन्य कुनैपनि ब्याटरले दुई शतक हानेका छैनन् । उनको करिअरको चौथो शतक हो । उनले यसअघि २०२१ को पिएमकपमा गण्डकी प्रदेशविरुद्ध १ सय ११, काठमाडौं मेयर्स कपमा बागमतीविरुद्ध १ सय १९ र २०१९ मा मनमोहन एकदिवसीय क्रिकेट प्रतियोगितामा कर्णालीविरुद्ध १ सय ३ रनको शतकीय इनिङ खेलेका थिए ।

विनोद भण्डारीले ८५ रनमा लङअफमा मयन यादवले क्याच छाड्दा जीवनदान पाएका थिए । एक समय २०.५ ओभरमा १०२–५ को अवस्थामा पुगेको आर्मीलाई पाँचौं विकेटका लागि विनोद र कुशल मल्लले १ सय १८ बलमा १ सय ३२ रनको शतकीय साझेदारी गर्दै खेलमा फर्काएका थिए ।

कुशल ४४ बलमा २ चौका र २ छक्कासहित ३७ रनमा आउट भए । आर्मीलाई ओपनर इमरान शेख र सन्तोष कार्कीले १०.१ ओभरमा ५३ रनको साझेदारी गर्दै राम्रो सुरुवात दिलाएका थिए । मधेशका पूर्व दुई खेलाडीले राम्रो सुरुवात गरेपनि ठूलो इनिङमा परिणत गर्न चुके ।

इमरान ३७ बलमा ५ चौकासहित २६ रनमा आउट भए । टियु एण्डबाट आएका स्पिनर रञ्जित कुमारले आर्मीका चार शीर्ष विकेट लिँदै खेलमा फर्काएका थिए । तर अन्य बलरले साथ नदिदा आर्मीलाई सस्तैमा रोक्न सकेन ।

१७ औं ओभरको पाँचौं बलमा रन्जितले भीम सार्कीलाई १८ रनमा एलबीडब्लू आउट गरे । २१ औं ओभरको चौथो बलमा सन्तोष कार्की ४२ रनमा स्टम्पिङ आउट भए । उनले ५४ बलमा २ चौका र १ छक्का प्रहार गरे ।

लगत्तै अर्को बलमा कभरमा सन्दीप रजाली शून्यमा पवनबाट क्याच आउट भएपछि आर्मी २०.५ ओभरमा १०२–५ को अवस्थामा पुगेको थियो ।

त्यसअघि भने विनोद र कुशलले खेलमा फर्काएका थिए । विनोद रन्जितको ४४ औं ओभरको पाँचौं बलमा प्वाइन्टमा क्याच आउट भए । रन्जितले पिएमकपमा पहिलो पटक पाँच विकेट पूरा गरेका हुन् ।

विवेक यादव ३० बलमा २ चौकार २ छक्कासहित ३७, बसिर अहमद १६ र सोमपाल कामीले ६ रन बनाए ।
मधेशका रन्जित कुमारले ९ ओभरमा ४१ रन खर्चेर ५ विकेट लिए । विशाल सिंहले ९ ओभरमा ८४ रन खर्चेर २ विकेट लिए । रुपेश र राजेश यादवले १-१ विकेट लिए ।

March 2, 2024

प्रतिश र कुशललाई लगातार २-२ विकेट

काठमाडौं (हाम्रो खेलकुद) – बायाँ हाते तीव्र गतिका बलर प्रतिश जिसी र बायाँ हाते स्पिनरले एकै ओभरमा नेदरल्यान्ड्सका २-२ ब्याटरलाई आउट गरेका छन् । नेदरल्यान्ड्स १० ओभर सकिँदा ६ विकेट गुमाएर ६० रनको दयनीय स्थितिमा छ । क्रिजमा तेजा निदामानुरु २ रनमा छन् । इनिङको नवौं ओभरमा प्रतिशले डच कप्तान स्कट एडवार्ड्स र ओपनर म्याक्स […]

March 2, 2024

करणलाई पहिलो ओभरमै दुई विकेट

काठमाडौं (हाम्रो खेलकुद) – तीव्र गतिका बलर करण केसीले नेदरल्यान्ड्सविरुद्ध खेलको पहिलो ओभरमै दुई विकेट लिएका छन् । टस जितेर पहिलो ब्याटिङ रोजेको नेदरल्यान्ड्सले पहिलो ओभरमा ४ रन जोडेर २ विकेट गुमायो । करणले चौथो बलमा माइकल लेभिटलाई दिपेन्द्र सिंह ऐरीको बलमा मिड अफमा क्याच गराए । लेभिटले दोस्रो बलमा चौका प्रहार गरेका थिए । […]

March 2, 2024

कुशल प्लेइङ-११ मा फर्किए

काठमाडौं (हाम्रो खेलकुद) – ओपनर कुशल भुर्तेल त्रिकोणात्मक टि२०आई सिरिजअन्तर्गत नेदरल्यान्ड्सविरुद्ध पाँचौ खेलमा नेपालको प्लेइङ-११ मा फर्केका छन् । नेदरल्यान्ड्सका कप्तान स्कट एडवार्ड्सले टस जितेर पहिलो ब्याटिङ गर्ने निर्णय लिएका छन् । नेपालले पहिलो फिल्डीङ गर्नेछ । नेपालले आजको खेलमा १ परिवर्तन गरेको छ । अनिल शाहको स्थानमा कुशल भुर्तेल टोलीमा आएका छन् । आजको […]

Success

Thank you for your time.