default_image

1 month ago

January 15, 2024

आर्मीको सानदार विजयी सुरुवात

काठमाडौं (हाम्रो खेलकुद) – कप्तान विनोद भण्डारीको शतकमा त्रिभुवन आर्मी क्लबले प्रधानमन्त्री कप एकदिवसीय राष्ट्रिय प्रतियोगितामा मधेश प्रदेशलाई १ सय २६ रनले हराउँदै सानदार विजयी सुरुवात गरेको छ । जितको लागि ३ सय २१ रनको विशाल विजयी लक्ष्य पछ्याएको मधेश ४८.४ ओभरमा १ सय ९४ रनमा अल आउट भयो । मधेशका पवन सरार्फले ८३ बलमा […]

792 views

0 Bookmark

काठमाडौं (हाम्रो खेलकुद) – कप्तान विनोद भण्डारीको शतकमा त्रिभुवन आर्मी क्लबले प्रधानमन्त्री कप एकदिवसीय राष्ट्रिय प्रतियोगितामा मधेश प्रदेशलाई १ सय २६ रनले हराउँदै सानदार विजयी सुरुवात गरेको छ ।

जितको लागि ३ सय २१ रनको विशाल विजयी लक्ष्य पछ्याएको मधेश ४८.४ ओभरमा १ सय ९४ रनमा अल आउट भयो । मधेशका पवन सरार्फले ८३ बलमा ७ चौका र ३ छक्कासहित सर्वाधिक ६५ रन बनाए पनि जित्न पर्याप्त भएन । पवन ३७ औं ओभरको दोस्रो बलमा साहब आलमलाई ठूलो सर्ट खेल्ने धुनमा लङअनमा कुशल मल्लबाट क्याच आउट भए ।

त्यसअघि पवनले ६० रनमा जीवनदान पाएका थिए । तर त्यसलाई भरपूर्ण फाइदा उठाउन भने सकेनन् । स्पिनर साहब आलमलाई ठूलो सर्ट खेले पनि काउकर्नरमा सोमपाल कामीले जम्प हानेर क्याच गर्न खोज्दा छाड्न पुगेका थिए । मधेशलाई ओपनर मयन यादव र अनिल शाहले ८ ओभरमा ४६ रनको साझेदारी गर्दै राम्रो सुरुवात दिलाएका थिए ।

जितेन्द्र मुखियाको बलमा हरिशंकर शाह १२ रनमा विनोद भण्डारीबाट क्याच आउट भएपछि मधेशले लगातार विकेट गुमाएको थियो । अनिलले ब्यक्तिगत ९ रनमा विकेटकिपर सन्तोष कार्की र १० रनमा स्लिपमा विनोदले क्याच छाड्दै दुई ठूला जीवनदान पाएका थिए । तर त्यो जीवनदानको फाइदा उठाउन सकेनन् ।

मयन यादव ३२ बलमा ६ चौकासहित ३२, हरि शंकर शाह ४, निरज यादव शून्य, अरनिको यादव २, विशाल पटेल १७ र रुपेश सिंह १८ रनमा आउट भए ।

मधेश एक समय ४०.३ ओभरमा १६२–९ को अवस्थामा पुगेको थियो । राजेश यादव र रन्जित कुमारले अन्तिम विकेटका लागि ३२ रनको साझेदारी गरेका थिए ।

राजेश यादव ४८ बलमा ५ चौकासहित ३२ रनमा अविजित रहे । रन्जित ११ बलमा २ रनमा एलबीडब्लू आउट भए ।
आर्मीका स्पिनर साहब आलमले १० ओभरमा १ मेडनसहित ३७ रन खर्चेर ४ विकेट लिए । सोमपाल कामीले दुई, जितेन्द्र मुखिया र कुशल मल्लले १-१ विकेट लिए ।

त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको आर्मी निर्धारित ५० ओभरमा ३ सय २० रनमा अल आउट भएको थियो । आर्मीको जितमा विनोद भण्डारीले ९३ बलमा ९ चौका र ६ छक्कासहित १ सय १३ रनको शतकीय इनिङ खेले । उनको करिअरको चौथो र पिएमकपको दोस्रो शतक हो ।

एक समय २०.५ ओभरमा १०२–५ को अवस्थामा पुगेको आर्मीलाई पाँचौं विकेटका लागि विनोद र कुशल मल्लले १ सय १८ बलमा १ सय ३२ रनको शतकीय साझेदारी गर्दै खेलमा फर्काएका थिए । त्यो साझेदारी विशाल योगफलमा पुग्न निर्णायक बन्यो ।

कुशल मल्ल ४४ बलमा २ चौका र २ छक्कासहित ३७ रनमा आउट भए । आर्मीलाई ओपनर इमरान शेख र सन्तोष कार्कीले १०.१ ओभरमा ५३ रनको साझेदारी गर्दै राम्रो सुरुवात दिलाएका थिए ।

इमरान ३७ बलमा ५ चौकासहित २६ रनमा आउट भए । टियु एण्डबाट आएका स्पिनर रञ्जित कुमारले आर्मीका चार शीर्ष विकेट लिँदै खेलमा फर्काएका थिए । तर अन्य बलरले साथ नदिदा आर्मीलाई सस्तैमा रोक्न सकेन ।

१७ औं ओभरको पाँचौं बलमा रन्जितले भीम सार्कीलाई १८ रनमा एलबीडब्लू आउट गरे । २१ औं ओभरको चौथो बलमा सन्तोष कार्की ४२ रनमा स्टम्पिङ आउट भए । उनले ५४ बलमा २ चौका र १ छक्का प्रहार गरे । लगत्तै अर्को बलमा कभरमा सन्दीप रजाली शून्यमा पवनबाट क्याच आउट भएपछि आर्मी २०.५ ओभरमा १०२–५ को अवस्थामा पुगेको थियो ।

त्यसअघि भने विनोद र कुशलले खेलमा फर्काएका थिए । विनोद रन्जितको ४४ औं ओभरको पाँचौं बलमा प्वाइन्टमा क्याच आउट भए । रन्जितले पिएमकपमा पहिलो पटक पाँच विकेट पूरा गरेका हुन् ।

विवेक यादव ३० बलमा २ चौकार २ छक्कासहित ३७, बसिर अहमद १६ र सोमपाल कामीले ६ रन बनाए । मधेशका रन्जित कुमारले ९ ओभरमा ४१ रन खर्चेर ५ विकेट लिए । विशाल सिंहले ९ ओभरमा ८४ रन खर्चेर २ विकेट लिए । रुपेश र राजेश यादवले १(१ विकेट लिए ।

मधेशले पहिलो खेलमा कोशी प्रदेशलाई ७ विकेटले हराएको थियो । मधेशले मंगलबार मुलपानी क्रिकेट मैदानमा बागमतीसँग खेल्नेछ । उता बुधबार बागमतीसँग नै खेल्नेछ । १० टोली सहभागी प्रतियोगिता राउन्ड रोविनको आधारमा हुनेछ । आज मुलपानीमा एपीएफले कोशीलाई ६ विकेटले हरायो ।

भैरहवामा सुदूरपश्चिमले लुम्बिनीलाई ५ विकेटले हरायो । मंगलबार टियुमा कोशी र पुलिसबीच खेल हुनेछ । मुलपानीमा बागमती र मधेश प्रदेशले खेल्नेछन् । भैरहवामा कर्णाली र सुदूरपश्चिम खेल्नेछन् ।

February 25, 2024

लिग-२ मा नेपालको तेस्रो हार

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत त्रिकोणात्मक सिरिजमा नेपालले तेस्रो खेलमा हार बेहोरेको छ । टियु क्रिकेट मैदानमा नेपालले नेदरल्यान्ड्समाथि ८ विकेटको जित दर्ता गरेको हो । नेपालले जितका लागि प्रस्तुत गरेको १ सय ७३ रनको लक्ष्य नेदरल्यान्ड्सले ३८ औं ओभरमा २ विकेट गुमाएर पूरा गरेको हो । नेदरल्यान्ड्सका लागि सिरिजको पहिलो […]

February 25, 2024

प्रिमियर कपमा नेपाल र हङकङ एकै समूहमा

काठमाडौं (हाम्रो खेलकुद) – ओमानमा अप्रिल तेस्रो साता सुरु हुने एसीसी प्रिमियर कपको समूह विभाजन सार्वजनिक भएको छ । एसियाली क्रिकेट परिषद (एसीसी) ले आइतबार सार्वजनिक गरेको खेल तालिका अनुसार समूह ए मा नेपाल, हङकङ, मलेसिया, कतार र साउदी समूह ए मा रहेका छन् । समूह बी मा यूएई, ओमान, कुवेत, बहराइन र कम्बोडिया रहेका […]

February 25, 2024

नेदरल्यान्ड्सलाई नेपालको सामान्य लक्ष्य

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत अन्तिम खेलमा नेपालले नेदरल्यान्ड्ससमक्ष १ सय ७३ रनको सामान्य लक्ष्य प्रस्तुत गरेको छ । टियु क्रिकेट मैदानमा पहिलो ब्याटिङको निम्तो पाएको नेपालले ४९.३ ओभरमा अलआउट हुनुअघि १ सय ७२ रन जोड्यो । नेपालका लागि कुशल भुर्तेलले अर्धशतक जोड्दै महत्त्वपूर्ण इनिङ खेले । तल्लोक्रममा करण केसीले आक्रामक […]

Success

Thank you for your time.