default_image

1 month ago

January 16, 2024

सुजनको उत्कृष्ट शतकमा कोशीको साख जोगियो

काठमाडौं (हाम्रो खेलकुद) – मध्यक्रमका ब्याटर सुजन थपलियाको उत्कृष्ट शतकमा कोशी प्रदेशले प्रधानमन्त्री कप एकदिवसीय राष्ट्रिय प्रतियोगितामा नेपाल पुलिस क्लबलाई १ सय ६७ रनको मध्यम लक्ष्य दिएको छ । टियु क्रिकेट मैदानमा टस हारेर पहिला ब्याटिङको निम्तो पाएको कोशी ४८.२ ओभरमा १ सय ६६ रनमा अल आउट भयो । कोशीका चौथो नम्बरका बायाँ हाते ब्याटर […]

3100 views

0 Bookmark

काठमाडौं (हाम्रो खेलकुद) – मध्यक्रमका ब्याटर सुजन थपलियाको उत्कृष्ट शतकमा कोशी प्रदेशले प्रधानमन्त्री कप एकदिवसीय राष्ट्रिय प्रतियोगितामा नेपाल पुलिस क्लबलाई १ सय ६७ रनको मध्यम लक्ष्य दिएको छ ।

टियु क्रिकेट मैदानमा टस हारेर पहिला ब्याटिङको निम्तो पाएको कोशी ४८.२ ओभरमा १ सय ६६ रनमा अल आउट भयो । कोशीका चौथो नम्बरका बायाँ हाते ब्याटर सुजन थपलियाले १ सय २६ बलमा ६ चौका र ८ छक्कासहित १ सय ५ रनको सानदार शतकीय इनिङ खेले ।

उनले ४४ औं ओभरको पाँचौं बलमा सागर ढकाललाई चोभार एन्डतर्फ लङअनमा छक्का हान्दै आफ्नो करिअरको पहिलो शतक पूरा गरेका थिए । उनले १ सय १९ बलमा शतक पूरा गरेका थिए ।

सुजन बाहेक अन्य कुनै पनि कोशीका ब्याटरको प्रदर्शन सम्झन लायक रहेन । कोशीले एक एन्डबाट लगातार विकेट गुमायो । तर अर्को एन्डबाट सुजन थपलिया रन जोड्दै कोशीको साख बचाएका थिए ।

सुजनले संयमित र जिम्मेवारी प्रदर्शन गरेका थिए । दोस्रो ओभरमै करण केसीले ओपनर आशिष भट्टराईलाई ४ रनमा दीलिप नाथबाट क्याच गराए । सोनु अन्सारी राशिद खानको बलमा शून्यमा बोल्ड आउट गरे ।

३७–२ को अवस्थाबाट लगातार विकेट गुमाउँदा कोशी २४.३ ओभरमा ६४–७ को अवस्थामा पुगेको थियो । त्यसपछि अभ्यास तिमिशिनाले आठौं विकेटका लागि सुजनसँग ९९ रनको साझेदारी गरेका थिए । अभ्यासले ६४ बलमा १ चौका र १ छक्कासहित २३ रन बनाए ।

ओपनर अंकित सुवेदी १०, मिनाश थापा २ र फिर्दोस अन्सारी ९ रनमा आउट भए । पुलिसका करण केसीले ९.२ ओभरमा २८ रन खर्चेर ३ विकेट लिए । ललित राजवंशी र सुनिल धमलाले २–२ विकेट लिए । कुशल भुर्तेल, सागर ढकाल र राशिद खानले १–१ विकेट लिए ।

February 24, 2024

एक्सपर्ट भरतपुर मेयर्स कप- अर्किड समूह विजेता

चितवन (हाम्रो खेलकुद)– एक्सपर्ट भरतपुर मेयर्स कप अन्तरविद्यालय क्रिकेट प्रतियोगिताको लिगमा चरणमा लगातार जितसंगै अर्किड सेकेण्डरी स्कुल सेमिफाइनल प्रवेश गरेको छ । लक्ष्मी माविले सान्त्वना जित निकाल्दै प्रतियोगिताको सुखद अन्त्य गरेको छ । आफ्नो लिग चरणको अन्तिम खेलमा शनिबार इडेन गार्डेन स्कुललाई १ सय ८ रनले पराजित गर्दै समूह ‘बी’को विजेताको रुपमा सेमिफाइनल स्थान सुरक्षित […]

February 24, 2024

बिर्तामोडलाई अन्तरपालिका क्रिकेट उपाधि

हिमाल खरेल, बिर्तामोड बिर्तामोड नगरपालिकाले प्रथम झापा जिल्ला अन्तरपालिकास्तरीय पुरुष टि२० क्रिकेट प्रतियोगिताको उपाधि जितेको छ । बुधबारेमा शनिबार भएको फाइनलमा कचनकवल गाउँपालिकामाथि १ सय १९ रनको सानदार जित निकाल्दै बिर्तामोड च्याम्पियन बनेको हो । कचनकवलको फितलो ब्याटिङ र कमजोर बलिङको फाइदा उठाउँदै बिर्तामोड विजेता बनेको हो । टस जितेर पहिले ब्याटिङ रोजेको बिर्तामोडले निर्धारित […]

February 24, 2024

इङ्ल्यान्डविरुद्ध भारतका जैसवालको अर्धशतक

एजेन्सी – इङ्ल्यान्डविरुद्धको चौथो टेस्टको पहिलो इनिङमा भारत १ सय ३४ रनले पछाडि रहेको छ । दोस्रो दिनको खेल सकिदा भारतले पहिलो इनिङमा ७ विकेटको क्षेतिमा २ सय १९ रन बनाएको छ । टस जितेर पहिले ब्याटिङ गरेको इङ्ल्यान्डले पहिलो इनिङमा ३ सय ५३ रन बनाएको थियो । ७ विकेटको क्षेतिमा ३ सय २ रनबाट […]

Success

Thank you for your time.