6 months ago
January 16, 2024
काठमाडौं (हाम्रो खेलकुद) – स्पिनर सूर्य तामाङको ह्याट्रिकसहित ६ विकेटमा बागमती प्रदेशले प्रधानमन्त्री कप एकदिवसीय राष्ट्रिय प्रतियोगितामा मधेश प्रदेशमाथि ८६ रनको सानदार पूनरागमन जित हात पारेको छ ।
जितको लागि १ सय ९१ रनको मध्यम विजयी लक्ष्य पछ्याएको मधेश २९ ओभरमा १ सय ४ रनमा अल आउट भयो ।
मधेशका पवन सरार्फले ४८ बलमा ४ चौका र २ छक्कासहित सर्वाधिक ४५ रन बनाए ।
ओपनर मयन यादव ४९ बलमा ३ चौका र १ छक्कासहित ३१ र निरज यादवले १५ रन बनाए । अन्य कुनैपनि ब्याटरले दोहोरो अंकमा रन बनाउन सकेनन् ।
सूर्यले २९ औं ओभरमा ह्याट्रिक लिएका थिए । उनले पहिलो बलमा रुपेशसिंहलाई बोल्ड, दोस्रो बलमा राजेश यादवलाई स्टम्पिङ र तेस्रो बलमा साम्सद अन्सारीलाई क्याच गराउँदै ह्याट्रिक पूरा गरेका थिए ।
मधेश एक समय ८१-२ को बलियो अवस्थामा थियो । ईशान पाण्डेको बलमा पवन बोल्ड भएपछि बागमती खेलमा फर्किएको थियो । पवनको त्यो बोल्ड आउट नै मधेशको हारको टर्निङ प्वाइन्ट बन्यो ।
बागमतीको जितमा सूर्य तामाङले ९ ओभरमा ३ मेडनसहित १८ रन खर्चेर ६ विकेट लिए । ईशान पाण्डे र प्रतिश जि.सीले २(२ विकेट लिए ।
त्यसअघि माथिल्लो मुलपानी क्रिकेट मैदानमा टस हारेर पहिला ब्याटिङको निम्तो पाएको बागमती ४९.२ ओभरमा १ सय ९० रनमा अल आउट भएको थियो । बागमतीका प्रतिश जि।सी।ले ५५ बलमा ४ चौका र ४ छक्कासहित सर्वाधिक ५९ रनको योगदान दिए । उनको पिएकपमा यो पहिलो अर्धशतक हो ।
अन्य कुनै पनि बागमतीका ब्याटरले राम्रो प्रदर्शन गर्न सकेनन् । ओपनर आशुतोष घिरैया ८, ईशान पाण्डे १५, रित गौतम १२, प्रतिक श्रेष्ठ र अशोक पौडेलले २–२ रन बनाए । विपिन आचार्य १३, रविन जोशी २१, सूर्य तामाङ ७ र रिजन ढकालले ११ रन बनाए । ३८ रन बागमतीले अतिरिक्त पाएको थियो ।
मधेशका अरनिको यादव र रुपेश सिंहले २–२ विकेट लिए । राजेश यादव, रन्जित कुमार, हरिशंकर शाह र पवन सरार्फले १–१ विकेट लिए ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]