default_image

2 months ago

January 16, 2024

वर्षाको कारण नेपाल र वेस्टइन्डिजबीचको खेल रद्द

काठमाडौं (हाम्रो खेलकुद) – आइसिसी यू१९ विश्वकप अघि नेपालको अन्तिम वार्मअप खेल वेस्टइन्डिजविरुद्ध वर्षाको कारण रद्द भएको छ । नेपाल र वेस्टइन्डिजबीचको खेल दिउँसो १ : ४५ मा सुरु हुनेपर्ने थियो । तर वर्षाकै कारण आधा घण्टा ढिलो टस भएको थियो । नेपालले टस जितेर वेस्टइन्डिजलाई ब्याटिङको निम्तो दिएको थियो । वेस्टइन्डिजले ८.३ ओभरमा १ […]

3520 views

0 Bookmark

काठमाडौं (हाम्रो खेलकुद) – आइसिसी यू१९ विश्वकप अघि नेपालको अन्तिम वार्मअप खेल वेस्टइन्डिजविरुद्ध वर्षाको कारण रद्द भएको छ । नेपाल र वेस्टइन्डिजबीचको खेल दिउँसो १ : ४५ मा सुरु हुनेपर्ने थियो । तर वर्षाकै कारण आधा घण्टा ढिलो टस भएको थियो ।

नेपालले टस जितेर वेस्टइन्डिजलाई ब्याटिङको निम्तो दिएको थियो । वेस्टइन्डिजले ८.३ ओभरमा १ विकेट गुमाउँदै ३३ रन बनाउँदा वर्षाको कारण खेल रोकिएको थियो । खेल रद्द भएको वेस्टइन्डिज क्रिकेट बोर्डले पुष्टि गरेको छ ।

योसँगै नेपालको दक्षिण अफ्रिकामा यू१९ विश्वकपको तयारी पनि सकिएको छ । दक्षिण अफ्रिकामा नेपालले आइसिसीले प्रदान गर्ने पहिलो वार्मअप खेल स्कटल्यान्डसँग खेल्दै ७ विकेटले विजयी भएको थियो । त्यसअघि नेपालले स्कटल्यान्डलाई १ सय ३५ र नामिबियालाई ६ रनले हराएको थियो ।

नेपालले खेल्ने यू१९ विश्वकपको सम्पूर्ण जानकारी यस प्रकार छ ।

समय : माघ ५ देखी २८ गते सम्म (१९ जनवरी देखी ११ फेब्रुअरी सम्म)

समूह ए : भारत, बंगलादेश, आयरल्यान्ड र अमेरिका

समूह बी : इंग्ल्यान्ड, दक्षिण अफ्रिका, वेस्टइन्डिज र स्कटल्यान्ड

समूह सी : अष्ट्रेलिया, श्रीलंका, जिम्बावे र नामिबिया

समूह डी : नेपाल, न्युजिल्यान्ड, अफगानिस्तान र पाकिस्तान ।

विश्वकपका खेलहरु

माघ ७ (२१ जनवरी) : न्युजिल्यान्ड, बुफलो पार्क, इस्ट लन्डन

माघ १० (२४ जनवरी) : पाकिस्तान, बुफलो पार्क, इस्ट लन्डन

माघ १२ (२६ जनवरी) : अफगानिस्तान, बुफलो पार्क, इस्ट लन्डन

यस पटक देखी हरेक समूहबाट शीर्ष तीन टोली सुपर सिक्समा पुग्नेछन् । कम्तिमा एक जित हात पार्न सके सुपर सिक्सको सम्भावना बलियो बन्ने देखिन्छ । पुछारमा रहने सबै टोलीले १२ देखी १६ औं स्थानका लागि प्लेअफ खेलहरु खेल्नेछन् ।

March 2, 2024

बलिङ चम्कँदा नेपाललाई सामान्य लक्ष्य

काठमाडौं (हाम्रो खेलकुद) – बलरहरुले उत्कृष्ट प्रदर्शन गर्दा त्रिकोणात्मक सिरिजको पाँचौ खेलमा नेपालले नेदरल्यान्ड्सविरुद्ध १ सय २१ रनको सामान्य लक्ष्य पाएको छ । टस जितेर पहिलो ब्याटिङ रोजेको नेदरल्यान्ड्सले १९.३ ओभरमा अलआउट हुनुअघि १ सय २० रन जोड्यो । पहिलो ओभरमै दुई विकेट गुमाएको नेदरल्यान्ड्सले तेस्रो विकेटका लागि संयमित साझेदारी पाएको थियो । तर मध्यक्रममा […]

March 2, 2024

प्रतिश र कुशललाई लगातार २-२ विकेट

काठमाडौं (हाम्रो खेलकुद) – बायाँ हाते तीव्र गतिका बलर प्रतिश जिसी र बायाँ हाते स्पिनरले एकै ओभरमा नेदरल्यान्ड्सका २-२ ब्याटरलाई आउट गरेका छन् । नेदरल्यान्ड्स १० ओभर सकिँदा ६ विकेट गुमाएर ६० रनको दयनीय स्थितिमा छ । क्रिजमा तेजा निदामानुरु २ रनमा छन् । इनिङको नवौं ओभरमा प्रतिशले डच कप्तान स्कट एडवार्ड्स र ओपनर म्याक्स […]

March 2, 2024

करणलाई पहिलो ओभरमै दुई विकेट

काठमाडौं (हाम्रो खेलकुद) – तीव्र गतिका बलर करण केसीले नेदरल्यान्ड्सविरुद्ध खेलको पहिलो ओभरमै दुई विकेट लिएका छन् । टस जितेर पहिलो ब्याटिङ रोजेको नेदरल्यान्ड्सले पहिलो ओभरमा ४ रन जोडेर २ विकेट गुमायो । करणले चौथो बलमा माइकल लेभिटलाई दिपेन्द्र सिंह ऐरीको बलमा मिड अफमा क्याच गराए । लेभिटले दोस्रो बलमा चौका प्रहार गरेका थिए । […]

Success

Thank you for your time.