default_image

1 month ago

January 17, 2024

एलेनको विष्फोटक शतकमा न्युजिल्यान्डलाई दुई खेल अगावै सिरिज उपाधि

एजेन्सी – ओपनर फिन एलेनले १६ छक्कासहित विष्फोटक शतकीय इनिङ खेलेपछि न्युजिल्यान्डले तेस्रो टि२० आई खेलमा पाकिस्तानलाई ४५ रनले हराउँदै दुई खेल अगावै सिरिज जितेको छ । पाँच खेलको सिरिजमा ३–० को अग्रता लिएको हो । जितको लागि २ सय २५ रनको विशाल विजयी लक्ष्य पछ्याएको पाकिस्तान २० ओभरमा ७ विकेट गुमाउँदै १ सय ७९ […]

946 views

0 Bookmark

एजेन्सी – ओपनर फिन एलेनले १६ छक्कासहित विष्फोटक शतकीय इनिङ खेलेपछि न्युजिल्यान्डले तेस्रो टि२० आई खेलमा पाकिस्तानलाई ४५ रनले हराउँदै दुई खेल अगावै सिरिज जितेको छ । पाँच खेलको सिरिजमा ३–० को अग्रता लिएको हो ।

जितको लागि २ सय २५ रनको विशाल विजयी लक्ष्य पछ्याएको पाकिस्तान २० ओभरमा ७ विकेट गुमाउँदै १ सय ७९ रन बनायो । पाकिस्तानका बाबर आजमले ३७ बलमा ८ चौका र १ छक्कासहित सर्वाधिक ५८ रन बनाए । अन्य कुनैपनि पाकिस्तानी ब्याटरले राम्रो प्रदर्शन गर्न सकेनन् ।

ओपनर समै अयुब १०, मोहम्मद रिजवान २४, फखार जमान १९, मोहम्मद नवाज २८ र आजम खान १० रनमा आउट भए ।
न्युजिल्यान्डका टिम साउथीले ४ ओभरमा २९ रन खर्चेर २ विकेट लिए । म्याट हेनरी, लोकी फर्गुसन, मिचेल सान्टनार र ईश सोधीले १–१ विकेट लिए ।

त्यअसघि टस हारेर पहिला ब्याटिङको निम्तो पाएको न्युजिल्यान्डले निर्धाारित २० ओभरमा ७ विकेट गुमाउँदै २ सय २४ रन बनाएको थियो । न्युजिल्यान्डका ओपनर फिन एलेनले ६२ बलमा ५ चौका र १६ छक्कासहित १ सय ३७ रनको विष्फोटक शतकीय इनिङ खेले । उनको यो टि२० आई करिअरको दोस्रो शतक हो । अन्तर्राष्ट्रिय क्रिकेट करिअरको उत्कृष्ट प्रदर्शन हो ।

उनले टि२० आईमा एकै खेलमा सर्वाधिक छक्का हान्ने विश्व कीर्तिमान बराबर गरेका छन् । उनले अफगानिस्तानका ओपनर हज्रातुल्लाह जजाईले २०१९ मा आयरल्यान्डविरुद्ध हानेको १६ छक्काको विश्व कीर्तिमान बराबर गरेका हुन् ।

त्यस्तै उनी न्युजिल्यान्डबाट एकै टि२० आई खेलमा सर्वाधिक रन बनाउने ब्याटर पनि बनेका छन् । उनले सन् २०१२ मा पूर्वकप्तान ब्रेन्डन म्याककुलेमको बंगलादेशविरुद्ध १ सय २३ रनको कीर्तिमान तोडेका हुन् । एकै टि२० आई खेलमा सर्वाधिक रन भने अष्ट्रेलियाका आरोन फिन्चले २०१८ मा जिम्बावेविरुद्ध १ सय ७२ रन बनाएका थिए ।

टिम सिफर्ट २३ बलमा ३ चौका र १ छक्कासहित ३१ रनमा आउट भए । ग्लेन फिलिप्स १९ र डेभन कन्वे ७ रनमा आउट भए । हरिस रौफले ओपनर डेभन कन्वेलाई ७ रनमा आउट गरेका थिए । त्यसपछि दोस्रो विकेटका लागि टिम सिफर्ट र एलेनले ६१ बलमा १ सय २५ रनको सानदार शतकीय साझेदारी गरेका थिए । अन्त्यतिर विष्फोटक ब्याटिङ गर्ने धुनमा विकेट गुमाएको थियो ।

एलेन जमान खानको १८ औं ओभरको दोस्रो बलमा बोल्ड आउट भएका थिए । पाकिस्तानका हरिस रौफले ४ ओभरमा ६० रन खर्चेर २ विकेट लिए । शाहिन शाह अफ्रिदी, जमान खान, मोहम्मद नवाज र मोेहम्मद वासिमले १-१ विकेट लिन सफल भए । अव चौथो खेल शुक्रबार र अन्तिम खेल आइतबार हुनेछ ।

February 29, 2024

पाँचपोखरी र ह्योल्मो-११ समूह विजेता बन्दै सेमिफाइनलमा

काठमाडौं (हाम्रो खेलकुद) – पाँचपोखरी क्रिकेट क्लब र ह्योल्मो-११ ले पाँचपोखरी जिल्लास्तरीय टि२० क्रिकेट प्रतियोगितामा जित दर्ता गरेका छन् । यस जितसँगै दुवै विजयी टोली समूह विजेता बन्दै सेमिफाइनलमा स्थान पक्का गर्न सफल भए । मुलपानी क्रिकेट मैदानमा विजय धितालको उत्कृष्ट प्रदर्शनमा पाँचपोखरीले मेलम्ची नगरपालिकालाई ३ विकेटले हरायो । पहिलो ब्याटिङ गरेको मेलम्ची १७.१ ओभरमा […]

February 29, 2024

नेदरल्यान्ड्सको लगातार दोस्रो जित

काठमाडौं (हाम्रो खेलकुद) – युवा ओपनर माइकल लेभिटको शतकमा नेदरल्यान्ड्सले त्रिकोणात्मक टि२० सिरिजमा लगातार दोस्रो जित निकालेको छ । नामिबियालाई ५९ रनले पराजित गर्दै नेदरल्यान्ड्स अंक तालिकाको शीर्ष स्थानमा पनि उक्लेको छ । नेदरल्यान्ड्सको ४ अंक, नामिबियाको २ अंक र नेपाल अंकविहिन छ । जितको लागि २ सय ४८ रनको कीर्तिमानी लक्ष्य पछ्याउने क्रममा नामिबियाले […]

February 29, 2024

लेभिटको शतकमा नेदरल्यान्ड्सको कीर्तिमानी योगफल

काठमाडौं (हाम्रो खेलकुद) – युवा ओपनर माइकल लेभिटको शतकमा नेदरल्यान्ड्सले त्रिकोणात्मक टि२० सिरिजको तेस्रो खेलमा नामिबियाविरुद्ध कीर्तिमानी योगफल खडा गरेको छ । टस जितेर ब्याटिङ रोजेको नेदरल्यान्ड्सले निर्धारित २० ओभरमा ५ विकेट गुमाएर २ सय ४७ रन जोड्यो । लेभिटले ६२ बलमा ११ चौका र १० छक्कासहित १ सय ३५ रन जोड्यो । त्यस्तै साइब्रान्ड […]

Success

Thank you for your time.