default_image

1 month ago

January 22, 2024

कर्णालीलाई हराउँदै बागमती पिएम कपको शीर्षस्थानमा

काठमाडौं (हाम्रो खेलकुद) – बागमती प्रदेश प्रधानमन्त्री कप २०२४ अन्तर्गत अंक तालिकाको शीर्षस्थानमा उक्लिएको छ । सोमबार मुलपानी मैदानमा सम्पन्न खेलमा कर्णालीलाई ७ विकेटले हराउँदै बागमती लगातार चौथो जित दर्ता गर्न सफल भयो । टस जितेर ब्याटिङ रोजेको कर्णालीले प्रस्तुत गरेको ७९ रनको लक्ष्य बागमतीले १३ ओभरमा ३ विकेट गुमाउँदै पुरा गर्यो । ओपनर इशान […]

735 views

0 Bookmark

काठमाडौं (हाम्रो खेलकुद) – बागमती प्रदेश प्रधानमन्त्री कप २०२४ अन्तर्गत अंक तालिकाको शीर्षस्थानमा उक्लिएको छ । सोमबार मुलपानी मैदानमा सम्पन्न खेलमा कर्णालीलाई ७ विकेटले हराउँदै बागमती लगातार चौथो जित दर्ता गर्न सफल भयो ।

टस जितेर ब्याटिङ रोजेको कर्णालीले प्रस्तुत गरेको ७९ रनको लक्ष्य बागमतीले १३ ओभरमा ३ विकेट गुमाउँदै पुरा गर्यो । ओपनर इशान पाण्डेले आक्रामक ४० रन जोड्दै सहज जित पक्का गरेका थिए । त्यसअघि रिजन ढकालले ५ विकेट लिँदै कर्णालीको शीर्षक्रम धराशायी बनाएका थिए ।

यस जितले बागमती ६ खेलमा ४ जित र २ हारसहित ८ अंकसाथ शीर्षस्थानमा छ । कर्णाली भने ५ खेलमा २ जित र ३ हारसहित ४ अंक जोड्दै सातौंमा छ । बागमतीले लगातार चौथो खेलमा जित हासिल गर्ने क्रममा मधेश, आर्मी, कोशी र कर्णालीलाई हराएको थियो । सुरुवाती दुई खेलमा भने पुलिस र एपिएफसँग पराजित भएको थियो ।

मुलपानी मैदानमा बागमतीले लयमा रहेका ओपनर आशुतोष घिरैयालाई ९ रन जोड्दै सातौं ओभरमा गुमायो । त्यसपछि रित गाताम ११ औं ओभरमा ८ रन जोड्दै आउट भए । त्यसै ओभरमा इशान पाण्डे टोलीको स्कोर ५९ रन रहँदा पेभेलियन फर्किए । इशानले ३६ बलमा ३ चौका र ३ छक्का प्रहार गरेका थिए ।

रविन जोशीले १० बलमा २ चौका र १ छक्कासहित १६ रन जोड्दै जित पक्का गरे । अशोक पौडेलले ३ बलमा १ चौका सहित ६ रन जोडे । कर्णालीका लागि तीनै विकेट दिवान पुनले लिए ।

त्यसअघि कर्णाली २४.२ ओभरमा मात्र ७८ रनमा अलआउट भएको थियो । बागमतीका लागि बायाँ हाते तीव्र गतिका बलर रिजन ढकालले ५ विकेट लिँदै शीर्षक्रम धराशायी पारे । कर्णालीका लागि आठौं नम्बरमा ब्याटिङ गर्न आएका अर्जुन घर्तीले सर्वाधिक २३ रनको योगदान दिए ।

रिजन ढकालले आफ्नो पहिलो स्पेलमा कर्णालीको सुरुवाती ४ विकेट लिएपछि बागमतीले बलियो सुरुवात पाएको थियो । इनिङको दोस्रो ओभरमा दीपेन्द्र रावत १ रन जोड्दै बोल्ड भए । लगत्तै रिजनको अर्को ओभरमा कप्तान रविन्द्र शाही पनि ३ रनमा बोल्ड हुँदै पेभेलियन फर्किए ।

रिजनले छैटौं ओभरमा ६ रन जोडेका विपिन शाहीलाई एलबीडब्लु धरापमा परे भने दशौं ओभरमा आदित्य शाह १ रनमा बोल्ड भए ।

त्यसपछि बागमतीका स्पिनरले लग्गातर विकेट पतन जारी राखे । ११ औं ओभरमा दिवान पुन खाता नखोली सूर्य तामाङबाट बोल्ड भए । १६ औं ओभरमा निश्चल रावलले विपिन आचार्यकै बलमा क्याच फिर्ता दिए । हिमांशु शाही ६ रन जोड्दै क्रिजन गुरुङको बलमा क्याच आउट भए ।

२३ औं ओभरमा दिनेश अधिकारी खाता नखोल्दै क्रिजनको एल्बीडब्लु धरापमा परे । २३ रन जोडेका अर्जुन घर्ती २४ औं ओभरमा रिजनबाट एलबीडब्लु आउट भए । २५ औं ओभरमा राजेश खड्का ३ रन जोड्दै प्रतिस जिसीको बलमा बोल्ड भए ।

February 23, 2024

अष्ट्रेलियाद्वारा न्यूजिल्याण्डविरुद्ध टि-२० सिरिज कब्जा

एजेन्सी – न्यूजिल्याण्डमा जारी अष्ट्रेलिया र घरेलु टोलीको बीचको तीन खेलको टि-२० शृंखला पाहुना टोलीले कब्जा गरेको छ । अष्ट्रेलियाले एक खेलमा बाँकी रहँदै शृंखला २-० ले कब्जा गरेको हो । पहिलो खेलमा ६ विकेटको रोमाञ्चक जित निकालेको अष्ट्रेलियाले दोस्रो खेलमा आज ७२ रनको फराकिलो जित दर्ता गर्दै शृंखला जितेको हो । १७५ रनको लक्ष्य […]

February 23, 2024

भारतविरुद्धको चौथो टेस्टमा रुटको शतक

एजेन्सी – भारतविरुद्धको चौथो टेस्टमा पहिलो दिन इङ्ल्यान्ड जो रुटले शतक पूरा गरेका छन् । टस जितेर पहिले ब्याटिङ रोजेको इङ्ल्यान्डले ७ विरुटले नटआउट १ सय ६ रन बनाएका छन् । ३१ रनमा नटआउट रहँदै ओली रविन्सनले रुटलाई साथ दिइरहेका छन् । टेस्ट क्रिकेटमा रुटको ३१ औं शतक हो । बेन फोक्सले ४७, जोनी ब्रेन्सकेटको […]

February 23, 2024

नामिबियाले नेदरल्यान्ड्सलाई हरायो

काठमाडौं (हाम्रो खेलकुद) – आइसीसी क्रिकेट विश्वका लिग-२ अन्तर्गत त्रिकोणात्मक सिरिज अन्तर्गतको खेलमा नामिबियाले नेदरल्यान्ड्सलाई २४ रनले पराजित गरेको छ । टियु क्रिकेट मैदानमा मैदान भिजेको कारण ४५ ओभरमा घटाइएको खेलमा नेदरल्यान्ड्सले जितको लागि २ सय ४ रन पछ्याएपनि लक्ष्य पूरा गर्न सकेन । नेदरल्यान्ड्स ४३.५ ओभरमा १ सय ७९ रनमा अलआउट भएको थियो । […]

Success

Thank you for your time.