6 months ago
January 23, 2024
काठमाडौँ (हाम्रो खेलकुद) – स्पिनर कमल परियारको राम्रो बलिङ्ग प्रदर्शनको मद्दतले गण्डकी प्रदेशले जारि प्रधानमन्त्री कप पुरुष क्रिकेट प्रतियोगितामा अन्तर्गतको खेलमा बागमती प्रदेश विरुद्ध प्रतिस्पर्धात्मक लक्ष्य प्राप्त गरेको छ ।
टियु अन्तर्राष्ट्रिय क्रिकेट मैदानमा टस जितेर पहिले ब्यट्टिङ रोजेको बागमती ४९.१ ओभरमा १९८ रनमा समेटियो ।
बागमतीको सुरुवात भने राम्रो रहेको थियो । आशुतोष घिराइया र इशान पाण्डेले ९० रनको सुरुवाती साझेदारी गरेका थिए । तर दुवै ब्याटर अर्धशतक प्रहार गर्नबाट चुके । दुई ओभरको अन्तरालमा आशुतोष ४४ र इशान ४३ रनमा आउट भए । दुवै ब्याटरलाई कमल परियारले आउट गरेका थिए । त्यसपछि आएका रबिन जोशीलाई बिपिन खत्रीले शुन्यमा आउट गरे ।
कप्तान रित गौतमले पनि स्थिर सुरुवात त गरेका थिए । तर उनी २० बलमा १३ रन बनाउँदै कमलकै शिकार बने । प्रतिक श्रेष्ठ पनि कुनै रन नबनाई कमलकै बलमा कृश ऐरको हातबाट क्याच आउट भए । अशोक पौडेलले ४७ बलमा १ चौका र १ छक्काको मद्दतले ३० रन बनाएसँगै सन्दिप पराजुलीको बलमा क्याच आउट हुन पुगे । प्रतिस जिसीलाई बिपिनले दुई रनमा बोल्ड गरे ।
१५६-७ को अवस्थाबाट इनिङ सम्हालेका बिपिन आचार्य ५४ बलमा ४ चौका सहित ३८ रङ बनाउँदै ४७ औं ओभरमा रन आउट हुन पुगे । अर्को ओभरको पहिलो बलमा रिजन ढकाल १ रन बनाएर अमृत गुरुङको बलमा क्याच आउट भए । अन्त्यमा सुर्य तामाङ २५ बलमा १५ रङ बनाउँदै अमृतकै बलमा बोल्ड भए । क्रिजन गुरुङ १ रनमा नटआउट रहे ।
गण्डकीका लागि कमल परियारले १० ओभरमा १ मेडन सहित ३० रन खर्चेर ४ विकेट लिए । यस्तै बिपिन खत्रीले र अमृत गुरुङले दुई तथा सन्दिप पराजुलीले समान १ विकेट लिए ।
बागमती प्रदेश अहिलेसम्म ६ खेलमा ४ जित र २ हारसहित ८ अंक बटुल्दै दोस्रो स्थानमा छ । गण्डकी भने ४ खेलमा मात्र १ जित सहित २ अंकमा आठौ स्थानमा छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]