default_image

1 month ago

January 23, 2024

कोशीको लगातार सातौं हार!

काठमाडौं (हाम्रो खेलकुद) – कोशी प्रदेशले प्रधानमन्त्री कप २०२४ मा लगातार सातौं हार बेहोरेको छ । मुलपानी क्रिकेट मैदानमा कर्णाली प्रदेशले ६ विकेटले हराएपछि कोशीको खराब नतिजा कायम रह्यो । कर्णालीले जितका लागि आवश्यक १ सय ५२ रन ३० औं ओभरमा ४ विकेट गुमाउँदै पूरा गर्यो । जारी प्रतियोगितामा कर्णालीको यो तेस्रो जित हो । […]

568 views

0 Bookmark

काठमाडौं (हाम्रो खेलकुद) – कोशी प्रदेशले प्रधानमन्त्री कप २०२४ मा लगातार सातौं हार बेहोरेको छ । मुलपानी क्रिकेट मैदानमा कर्णाली प्रदेशले ६ विकेटले हराएपछि कोशीको खराब नतिजा कायम रह्यो ।

कर्णालीले जितका लागि आवश्यक १ सय ५२ रन ३० औं ओभरमा ४ विकेट गुमाउँदै पूरा गर्यो । जारी प्रतियोगितामा कर्णालीको यो तेस्रो जित हो । कर्णाली ६ खेलमा ३ जित र ३ हारसँगै पाँचौ स्थानमा छ । अंकविहिन कोशी पुछारमा छ ।

विकेटकिपर अर्जुन घर्तीले अर्धशतक बनाउँदै कर्णालीलाई जितसम्म डोर्याएका थिए । उनले ४८ बलमा ६ चौका र २ छक्कासहित नटआउट ५० रन जोडे । अर्जुन र हिमांशुले पाँचौ विकेटका लागि नटआउट ४२ रनको साझेदारी गरे । हिमांशुले १४ बलमा ३ चौका र २ छक्कासहित नटआउट २४ रन बनाएका थिए ।

कर्णालीका ओपनर विपिन शाही ३६ बलमा ३ चौका र २ छक्कासहित २८ रन जोडेर ११ औं ओभरमा आउट भए । अर्जुन र निश्चलले दोस्रो विकेटका लागि ४८ रन रनको साझेदारी गरे । निश्चल ५५ बलमा १ चौकासहित २१ रन जोड्दै आउट भए ।

त्यसपछि प्रकाश जैशी ६ र रविन्द्र शाहीले १२ रनमा आउट भएपछि कर्णाली केहि समस्यामा परेको थियो । तर अर्जुन र हिमांशुले साझेदारी गर्दै जितसम्म डोर्याए ।

त्यसअघि टस हारेर पहिलो ब्याटिङको निम्तो पाएको कोशीले ३४.३ ओभरमा अलआउट हुनुअघि १ सय ५१ रन जोडेको थियो । कोशीका लागि चौथो नम्बरमा ब्याटिङ गर्न आएका सुजनले ७३ रन जोडे । कोशीका अन्य ब्याटरले भने खास योगदान दिन सकेनन् । कर्णालीले २२ अतिरिक्त रन दिनु नै कोशीको अन्य ब्याटरभन्दा ठूलो योगदान रह्यो ।

सुजनले ७३ बलको सामना गर्दै ८ चौका र ४ छक्का प्रहार गरेका थिए । छैटौं ओभरमा क्रिजमा आएका उनी ३४ औं ओभरमा दिनेश अधिकारीको बलमा बोल्ड भएका थिए । उनी आउट भएपछि अन्तिम २ विकेटमा टोलीले ७ रनमात्र जोड्न सक्यो । सुजनले यसअघि प्रतियोगितामा पुलिसविरुद्ध शतक समेत प्रहार गरेका थिए ।

कप्तान अंकित सुवेदी ४ रन जोड्दै दोस्रो ओभरमा आउट भएपछि सुरु भएको विकेट पतन कुनै समय रोकिएन । सातौं विकेटका लागि अभ्यास तिम्सिनाले ३४ बलमा ९ रन जोड्दै विकेटमा बसेर सुजनलाई साथ दिए । यी दुईले सातौं विकेटका लागि ४४ रन जोडेका थिए ।

आइश भट्टराई ११ र सौजन घिमिरे १२ रन जोड्नुबाहेक अन्यले दोहोरो अंक जोड्न सकेनन् । कर्णालीका लागि दिनेश अधिकारीले ४ विकेट लिए । प्रकाश जैशीले ३ तथा दिवान पुनले २ विकेट लिए ।

February 27, 2024

पुछारका दुवै ब्याटरको सानदार शतक

एजेन्सी – भारतको शीर्ष श्रेणी क्रिकेट प्रतियोगिता रणजी ट्रफी अन्तर्गत मुम्बईबाट पुछारका दुई ब्याटरले शतक बनाएका छन् । नेपालले अर्को महिना मैत्रीपूर्ण सिरिज खेल्न लागेको बरोडाविरुद्ध दुर्लभ उपलब्धि हासिल गरेका हुन् । मंगलबार सम्पन्न दोस्रो क्वाटरफाइनल अन्तर्गत बरोडाविरुद्ध खेलको पाँचौ दिन दशौं नम्बरमा ब्याटिङ गरेका तनुश कोटिया र एघारौं नम्बरमा आएका तुषार देशपाण्डेले शतक प्रहार […]

February 27, 2024

दुर्गेशको शतकमा भोटेचौरको लगातार जित

काठमाडौं (हाम्रो खेलकुद) – ओपनर दुर्गेश थापाको नटआउट शतकमा भोटेचौर स्पोर्ट्स क्लबले पाँचपोखरी जिल्लास्तरीय टि२० क्रिकेट प्रतियोगितामा लगातार दोस्रो जित हासिल गरेको छ । यस्तै दिनको अर्को खेलमा इन्द्रावती गाउँपालिकाले पनि पहिलो जित दर्ता गर्यो । मुलपानी क्रिकेट मैदानमा भोटेचौरले टस जितेर पाँचपोखरी हिमालयन क्रिकेट क्लबलाई ब्याटिङको निम्तो दिएको थियो । हिमालयनले निर्धारित २० ओभर […]

February 27, 2024

नेपाल नामिबियासँग टि२०आईमा पनि पराजित

काठमाडौं (हाम्रो खेलकुद) – नेपाली राष्ट्रिय पुरुष क्रिकेट टोलीले त्रिकोणात्मक टि२०आई सिरिजको पहिलो खेलमा नामिबियासँग २० रनको हार बेहोरेको छ । यसअघि लिग-२ अन्तर्गत दुवै ओडीआईमा हार बेहोरेको नेपाल नामिबियासँग लगातार तेस्रो खेलमा पराजित भएको हो । नामिबियाले प्रस्तुत गरेको २ सय ७ रनको विशाल लक्ष्य पछ्याउने क्रममा नेपालले १८.५ ओभरमा अलआउट हुँदै १ सय […]

Success

Thank you for your time.