default_image

6 months ago

January 23, 2024

आर्मीले एपिएफलाई हरायो

1242 views

0 Bookmark

काठमाडौं (हाम्रो खेलकुद) – त्रिभुवन आर्मी क्लबले प्रधानमन्त्री कप २०२४ को लिग चरण खेलमा नेपाल एपिएफ क्लबलाई हराएको छ ।

भैरहवास्थित सिद्धार्थनगर रंगशालामा आर्मीले ४ विकेटको जित निकाल्दै प्रतियोगितामा तेस्रो जित दर्ता गर्यो । आर्मीले जितका लागि आवश्यक १ सय २२ रन २४ औं ओभरमा ६ विकेट गुमाउँदै पूरा गर्यो ।

आर्मीले यससँगै ५ खेलमा ३ जित र २ हारका साथ ६ अंक जोडेको छ । यता एपिएफ भने ५ खेलमा २ जित र ३ हारका साथ सातौं स्थानमा छ ।

आर्मीका लागि कप्तान विनोद भण्डारीले नटआउट ३४ रन जोड्दै जितसम्म पुर्याए । उनले ४० बलमा ४ चौका र १ छक्का प्रहार गरे । आक्रामक ब्याटिङ गरेको आर्मीका लागि कुशल मल्लले १९ र बसिर अहमदले १८ रन जोड्ने क्रममा समान २-२ चौका र १-१ छक्का प्रहार गरेका थिए ।

एपिएफका लागि रमेश कुर्मीले २ विकेट लिँदा मौसम ढकाल र रोहित पौडेलले १-१ सफलता हात पारे ।

त्यसअघि कप्तान रोहित कुमार पौडेलले संघर्षपूर्ण अर्धशतक प्रहार गरेपछि नेपाल एपिएफ क्लबले १ सय २१ रनको जोडेको थियो । टस हारेपछि पहिलो ब्याटिङको निम्तो पाएको एपिएफले ३२.४ ओभरमा अलआउट भयो ।

खराब मौसमका कारण ३६ ओभरमा घटाइएको खेलमा एपिएफले सुरुवाती दुवै ओभरको पहिलो बलमा क्रमश: ओपनर प्रज्वल शाही र पुरन विक (३) लाई गुमाएको थियो ।

दोस्रो ओभरमा ब्याटिङका लागि आएका रोहित ३३ औं ओभरमा नवौं विकेटको रुपमा पेभेलियन फर्केका थिए । उनले १ सय ३ बलको सामना गर्दै ५९ रन जोडे । स्पिनर बसिर अहमदको बलमा ठूलो सट खेल्ने धुनमा क्याच आउट हुनुअघि उनले २ चौका र २ छक्का प्रहार गरे ।

एकतर्फ लगातार विकेट झर्दा रोहितले अर्को एण्डबाट विकेट जोगाएर रन बटुलेका थिए । एपिएफका लागि सुमित महर्जनले १४ र भुवन कार्कीले १६ रन जोड्नुबाहेक अन्य खेलाडीले दोहोरो अंकमा रन जोड्न सकेनन् ।

आर्मीका लागि सोमपाल कामीले ३ विकेट लिँदा अभिनाश कर्णले २ तथा विवेक यादव, साहब आलम र बसिर अहमदले १-१ सफलता प्राप्त गरे ।

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.