default_image

6 months ago

January 23, 2024

गण्डकीले बागमतीलाई स्तब्ध पार्यो 

1064 views

0 Bookmark

काठमाडौँ (हाम्रो खेलकुद) – प्रधानमन्त्री कप पुरुष क्रिकेट २०८० अन्तर्गत टियु क्रिकेट मैदानमा आज भएको खेलमा गण्डकी प्रदेशले बागमती प्रदेश माथि रोमान्चक जित दर्ता गरेको छ । प्रतियोगिताको दोस्रो जित हासिल गर्ने क्रममा गण्डकी तीन विकेटले विजयी भएको हो ।

यो हारसँगै बागमतीले पहिलो स्थानमा उक्लने मौका गुमाएको छ । बागमतीको ७ खेलमा ८ अंक रहेको छ । पहिलो स्थानमा रहेको नेपाल पुलिस क्लबको पनि ४ खेलमा ८ अंक नै रहेको छ । विजयी गण्डकी ५ खेलमा २ जित सहित आठौं स्थानमा यथावत नै छ ।

जितका लागि १ सय ९९ रनको मध्यम लक्ष्य पछ्याएको गण्डकीले तीन बल बाँकी रहँदा ७ विकेट गुमाएर लक्ष्य पुरा गर्यो । गण्डकीका लागि चौथो नम्बरमा ब्याटिङ गर्न आएका करन पंगेनीले सर्वाधिक ९८ बलमा ६ चौका र ३ छक्का सहित ७९ रन बनाए । उनी ४९ औं ओभरमा आउट भएका थिए ।

खेलमा दुई ओभरमा बाँकी रहँदा ११ रन चाहिएको अवस्थामा प्रतिष जिसीको बलमा कमल परियार पहिलो बलमा आउट भए । कृश ऐरले क्रिजमा आएर पहिलो बलमा १ रन लिए । तेस्रो बलमा करन पंगेनीले चौका प्रहार गरे । त्यसपछिको दुई बलमा दुई सिंगल आएपछि अन्तिम बलमा भने करन आउट हुन पुगे । 

अन्तिम ओभरमा ४ रन चाहिएको थियो । इशान पाण्डेको पहिलो बलमा कृशले सिंगल लिए । दोस्रो बलमा अंकित न्यौपानेले लंग-अफमा खेलेको सटमा अशोक पौडेलले क्याच छोडेपछि गण्डकीले दुई रन लिन सफल भयो । चार बलमा १ रन चाहिँदा अंकितले चौका प्रहार गरेपछि गण्डकीले जित हासिल गर्यो ।      

गण्डकीले पहिलो विकेट गुमाउनुअघि ५५ रन बनाएको थियो । १३औ ओभरमा बिपिन आचार्यले समिर कंडेललाई १९ रनमा आउट गरेका थिए । १६औ ओभरमा सुर्य तामाङ्गले अर्का ओपनर इश्वर छेत्रीलाई पेभेलियन फर्काए । उनले ४२ बल खेल्दै ५ चौका र १ छक्का प्रहार गर्दै ३६ रन बनाए ।

तेस्रो विकेटका लागि मुश्कान थापा र करन पंगेनीले ७० रनको साझेदारी गरे । मुश्कान ३६औ ओभरमा ७१ बलमा २७ रङको सुस्त इनिङ खेल्दै रन आउट भए । त्यसपछि आएका अमृत गुरुङलाई रिजन ढकालले शुन्यमा आउट गरे । कप्तान बिपिन खत्री पनि सस्तैमा रनआउट भए ।  कमल परियारले २३ बलमा २० रन बनाए । 

त्यसअघि टस जितेर पहिले ब्यट्टिङ रोजेको बागमती ४९.१ ओभरमा १९८ रनमा समेटियो । गण्डकीका लागि राम्रो बलिङ्ग गर्दै कमल परियारले १० ओभरमा १ मेडन सहित ३० रन खर्चेर ४ विकेट लिए । यस्तै बिपिन खत्रीले र अमृत गुरुङले दुई तथा सन्दिप पराजुलीले समान १ विकेट लिए ।   

बागमतीको सुरुवात भने राम्रो रहेको थियो । आशुतोष घिराइया र इशान पाण्डेले ९० रनको सुरुवाती साझेदारी गरेका थिए । तर दुवै ब्याटर अर्धशतक प्रहार गर्नबाट चुके ।

दुई ओभरको अन्तरालमा आशुतोष ४४ र इशान ४३ रनमा आउट भए । दुवै ब्याटरलाई कमल परियारले आउट गरेका थिए । त्यसपछि आएका रबिन जोशीलाई बिपिन खत्रीले शुन्यमा आउट गरे ।

कप्तान रित गौतमले पनि स्थिर सुरुवात त गरेका थिए । तर उनी २० बलमा १३ रन बनाउँदै कमलकै शिकार बने । प्रतिक श्रेष्ठ पनि कुनै रन नबनाई कमलकै बलमा कृश ऐरको हातबाट क्याच आउट भए । अशोक पौडेलले ४७ बलमा १ चौका र १ छक्काको मद्दतले ३० रन बनाएसँगै सन्दिप पराजुलीको बलमा क्याच आउट हुन पुगे ।  प्रतिस जिसीलाई बिपिनले दुई रनमा बोल्ड गरे । 

१५६-७ को अवस्थाबाट इनिङ सम्हालेका बिपिन आचार्य ५४ बलमा ४ चौका सहित ३८ रङ बनाउँदै ४७औ ओभरमा रन आउट हुन पुगे । अर्को ओभरको पहिलो बलमा रिजन ढकाल १ रन बनाएर अमृत गुरुङको बलमा क्याच आउट भए । अन्त्यमा सुर्य तामाङ २५ बलमा १५ रङ बनाउँदै अमृतकै बलमा बोल्ड भए । क्रिजन गुरुङ १ रनमा नटआउट रहे ।   

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.