default_image

6 months ago

January 23, 2024

भरतपुर मेयर कप क्रिकेटमा एक्सपर्ट चितवनको प्रायोजन

282 views

0 Bookmark

चितवन (हाम्रो खेलकुद) – भरतपुर महानगरपालिकाको आयोजना यसै महिनाको अन्त्यमा हुने ‘मेयर कप अन्तरविद्यालय क्रिकेट प्रतियोगिता’लाई एक्सपर्ट एजुकेसन एण्ड भिजा सर्भिसेज चितवनले मुख्य प्रायोजन गरेको छ ।

भरतपुरको गौतम बुद्ध अन्तर्राष्ट्रिय क्रिकेट रंगशालामा माघ २६ गते सुरु हुने प्रतियोगितामा एक्सपर्टले गर्ने मुख्य प्रायोजनको सम्झौता पत्रमा मंगलबार हस्ताक्षर गरिएको छ । एक्सपर्ट एजुकेसनका निर्देशक डिल्लीराम अधिकारी र भरतपुर महानगरपालिकाका प्रमुख प्रशासकीय अधिकृत नरेन्द्रकुमार रानाले सम्झौता पत्रमा हस्ताक्षर गरेका छन् ।

सहआयोजक चितवन जिल्ला क्रिकेट संघ रहेको प्रतियोगितामा सहभागी हुने चितवनका १० वटा सामुदायिक विद्यालयलाई एक्सपर्टले ८ लाख ६० हजार रुपैयाँ बराबरको खेलकुद सामग्री प्रदान गर्न लागेको हो ।

२० वटा विद्यालय सहभागी हुने यो प्रतियोगितामा एक्सपर्टले १ सय ६० खेलाडीलाई जर्सी, १० वटा टिमलाई न्यूनतम खेलकुद सामग्री (किट), विजेता एक टिमलाई ६० हजार र उपविजेता एक टिमलाई ३० हजार रुपैयाँ बराबरको खेलकुद सामग्री प्रदान गर्न लागेको प्रबन्ध निर्देशक अधिकारीले जानकारी दिए ।

‘ती सामग्री महानगरको रोहबरमा एक्सपर्टले सम्बन्धित विद्यालयको क्रिकेट टिमलाई हस्तान्तरण गर्ने छ’, अधिकारीले भने, ‘खेलकुदको विकास विद्यालयस्तरबाटै होस् भनेर यो प्रायोजनमा सहभागी भएका हौँ ।’

समझदारी पत्रमा हस्ताक्षरपछि भरतपुर महानगरपालिका मेयर रेनु दाहालले महानगरको आधिकारिक खेलकुद प्रतियोगितामा निजी क्षेत्रबाट अहिलेसम्मकै ठूलो सहयोग आएको भन्दै हर्ष व्यक्त गरिन् । ‘यसले खेल विकासमा सकारात्मक प्रभाव पार्ने छ’, उनले भनिन्, ‘संस्थागत सामाजिक उत्तरदायित्वको यो राम्रो उदाहरण बन्ने छ ।’

चितवन जिल्ला क्रिकेट संघका अध्यक्ष सुदीप पियाले निजी सरकारी र निजी क्षेत्रको सहकार्य भए मात्रै खेलकुद गतिविधि अघि बढ्ने बताए । यो सहकार्यले चितवनको क्रिकेटलाई माथि उठाउन ठूलो भूमिका निर्वाह गर्ने उनले बताए । ‘निर्माणाधिन रंगशालामा यो प्रतियोगिता गरिँदै छ’, उनले भने– ‘निजी क्षेत्रले यसरी खुलेर सहयोग गर्ने हो भने प्रतियोगिता बढ्ने छन्, त्यसले खेल विकासमा राम्रो माहोल सिर्जना गर्ने छ ।’

महानगरका नगर शिक्षा अधिकारी महेन्द्रप्रसाद पौड्यालले विद्यालय खेलकुद विकासमा यो समझदारी कोशेढुंगा सावित हुने विश्वास व्यक्त गरे । अष्ट्रेलियाको सिड्नीमा मुख्य कार्यालय रही २० देशमा ६० भन्दा बढी शाखामार्फत सेवा दिइरहेको एक्सपर्टले अष्ट्रेलिया, क्यानडा, युके, युएसए र न्युजिल्याण्डका विश्वविख्यात युनिभर्सिटी तथा कलेजहरुमा उच्च शिक्षा अध्ययन गर्न जान चाहने विद्यार्थीका लागि भरपर्दो, आधिकारिक र विश्वसनीय परामर्श सेवा दिँदै आएको बताइएको छ ।

संस्थागत सामाजिक उत्तरदायित्वअन्तर्गत विगतमा पनि धेरै सामाजिक काम गर्दै आएको एक्सपर्टले आगामी दिनमा पनि यसलाई जारी राख्ने प्रबन्ध निर्देशक अधिकारीले बताए ।

July 16, 2024

अभ्यास खेलमा नेपाली टोलीको जित

काठमाडौं (हाम्रो खेलकुद) – श्रीलंकामा हुने वुमन्स एसिया कपको तयारीमा रहेको नेपाली महिला टोलीले मंगलबार अभ्यास खेल जितेको छ । तेस्रो अभ्यास खेलमा नेपाली टोलीले श्रीलंका वुमन्स डेभलप्मेन्टलाई २ रनले हराएको छ । यसअघिका सोही टोलीसँगको दुवै अभ्यास खेलमा नेपाल पराजित भएको थियो । १ सय १३ रनको लक्ष्य पछ्याएको श्रीलंका वुमन्स १९.५ ओभरमा सबै […]

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

Success

Thank you for your time.