default_image

5 months ago

January 24, 2024

पिएम कप बिचमै छाडेर अष्ट्रेलिया जाँदै सुनिल

1953 views

0 Bookmark

काठमाडौं (हाम्रो खेलकुद) – नेपाल पुलिस क्लबका ओपनर सुनिल धमला घरेलु क्रिकेटको शीर्ष प्रतियोगिता प्रधानमन्त्री कप २०२४ बिचमै छाडेर अष्ट्रेलिया प्रस्थान गर्ने भएका छन् ।

सुनिलले मुलपानी क्रिकेट मैदानमा बुधबार पुलिसबाट अन्तिम खेल खेले । मधेश प्रदेशविरुद्ध जित दर्ता गर्ने क्रममा उनले २७ बलमा ३ चौका र २ छक्कासहित २८ रन जोडेका थिए । पुलिसको अपराजित यात्रामा सुनिलले १ अर्धशतकसहित ५ खेलमा १ सय १६ रन जोडे ।

सिनियर राष्ट्रिय टोलीबाट समेत खेलेका सुनिल यसै साता अष्ट्रेलिया प्रस्थान गर्दैछन् । यसैकारण पुलिसले उनको स्थानमा खेलाडी स्थानान्तरणका लागि प्रतियोगिताको प्राविधिक समितिबाट स्वीकृति पनि पाइसकेको छ । अब सुनिलको स्थानमा प्रेम तामाङले पिएम कपमा खेल्नेछन् ।

अन्तर्राष्ट्रिय अम्पायर विनय कुमार झाका अनुसार प्राविधिक समितिले सुनिलको स्थानमा प्रेमले खेल्न पाउने स्वीकृति दिएको छ । ‘सुनिल विदेश प्रस्थान गर्ने भएकाले पुलिसबाट खेलाडी परिवर्तनका लागि अनुरोध आएको थियो । प्राविधिक समितिले त्यसलाई स्वीकृति दिएको छ,’ उनले जानकारी दिए ।

नेपालका लागि सन् २०१६ मा यू१९ विश्वकप खेलेका सुनिलले सिनियर टोलीबाट २०१७ मा डेब्यु गरेका थिए । पछिल्लो पटक उनी सन् २०२१ मा अमेरिका भ्रमणमा नेपालबाट खेलेका थिए । उनले एकमात्र ओडीआई खेलमा ओमानविरुद्ध १२ रन बनाए । त्यसयता भने उनी राष्ट्रिय टोलीमा पर्न सकेका छैनन् ।

नेपाल पुलिस क्लबबाट घरेलु क्रिकेटमा लामो समय खेलेका उनले टि२० फ्रेन्चाइज लिगमा पनि सहभागिता जनाएका छन् । ओपनरको भूमिकामा इनिङ सम्हाल्ने क्षमता राख्ने सुनिल एकदिवसीय फर्म्याटमा भरपर्दा ब्याटर मानिन्छन् । पुलिसको टोली र पूर्व खेलाडी अनिल शाहसहितले सुनिललाई मुलपानी क्रिकेट मैदानमा बिदाइ गरेका थिए ।

June 19, 2024

दीपेन्द्र आइसिसी वरियतामा थप माथि उक्लिए

काठमाडौं (हाम्रो खेलकुद)- नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले विश्व वरियतामा अहिलेसम्मकै उच्च वरियतामा उक्लिएका छन् । अन्तराष्ट्रिय क्रिकेट परिषद (आइसीसी)ले हालै जारी गरेको टि‌ ट्वान्टी आईको अलराउन्डरतर्फको वरियतामा दीपेन्द्र छैटौं स्थानमा रहेका छन्। यस अघि उनी नवौं स्थानमा थिए। टि‌ ट्वान्टी आईको अलराउन्डरको शीर्ष स्थानमा अस्ट्रेलियाका मार्कस स्टोईनेस उक्लिएका छन् । श्रीलंकाका वानिन्दु […]

June 18, 2024

‘टिम हार्दा कीर्तिमान व्यर्थ लाग्यो’ – सन्दीप

सेन्ट भिन्सेन्ट (हाम्रो खेलकुद) – नेपाली राष्ट्रिय क्रिकेट टोलीका स्पिनर सन्दीप लामिछानेले आइसीसी टि२० विश्वकप अन्तर्गत आइतबार सम्पन्न खेलमा बंगलादेशविरुद्ध आफ्नो टि२०आई करिअरको १ सयौं विकेट लिए । सन्दीपले बंगलादेशविरुद्ध २ विकेट लिँदै करिअरमा १ सय विकेट पूरा गरे । उनले ५४ खेलमा यो उपलब्धि पूरा गरे । उनी ५३ खेलमा १ सय विकेट लिएका […]

June 18, 2024

फर्गुसनको अविश्वसनीय बलिङमा न्युजिल्यान्ड विजयी

एजेन्सी – तीव्र गतिका बलर लोकी फर्गुसनको सानदार बलिङ प्रदर्शनमा न्युजिल्यान्डले आइसीसी टि२० विश्वकप अन्तर्गत समूहको अन्तिम खेलमा पपुवा न्यु गिनीलाई पराजित गरेको छ । टस जितेर पहिलो फिल्ड गर्ने निर्णय लिएको न्युजिल्यान्डले पिएनजीलाई १९.४ ओभरमा ७८ रनमा अलआउट गर्यो । न्युजिल्यान्डका लागि फर्गुसनले ४ ओभरमा कुनै रन नखर्ची ३ विकेट लिएका थिए । उनी […]

Success

Thank you for your time.