default_image

1 month ago

January 24, 2024

कप्तान देव भन्छन् – ‘तीव्र गतिका बलरले राम्रो खेले’

काठमाडौं (हाम्रो खेलकुद) – आइसीसी यू१९ विश्वकप अन्तर्गत समूहको दोस्रो खेलमा पाकिस्तानसँग हार बेहोरेपछि नेपालका कप्तान देव खनालले तीव्र गतिका बलरको प्रशंसा गरेका छन् । दक्षिण अफ्रिकाको इस्ट लन्डनमा पाकिस्तानले नेपाललाई ५ विकेटले पराजित गरेको हो । नेपालले प्रस्तुत गरेको १ सय ९८ रन पाकिस्तानले ४८ औं ओभरमा ५ विकेट गुमाउँदै पूरा गर्यो । नेपालले […]

3695 views

0 Bookmark

काठमाडौं (हाम्रो खेलकुद) – आइसीसी यू१९ विश्वकप अन्तर्गत समूहको दोस्रो खेलमा पाकिस्तानसँग हार बेहोरेपछि नेपालका कप्तान देव खनालले तीव्र गतिका बलरको प्रशंसा गरेका छन् ।

दक्षिण अफ्रिकाको इस्ट लन्डनमा पाकिस्तानले नेपाललाई ५ विकेटले पराजित गरेको हो । नेपालले प्रस्तुत गरेको १ सय ९८ रन पाकिस्तानले ४८ औं ओभरमा ५ विकेट गुमाउँदै पूरा गर्यो ।

नेपालले राम्रो सुरुवात पाएपनि मध्यक्रममा विकेट गुमेपछि अपेक्षित रन बन्न सकेन । पाकिस्तानका स्पिनरविरुद्ध नेपाली ब्याटर खुल्न नसक्दा मध्यम योगफल मात्र बन्न सक्यो । नेपालले ५० ओभर ब्याटिङ गरेपनि ११ चौका र ३ छक्का मात्र प्रहार गर्न सक्यो । पाकिस्तानका दुई मुख्य स्पिनरले २० ओभरमा मात्र ३८ रन खर्चेका थिए । पुन: एकपटक तल्लोक्रमका ब्याटरले नेपालका लागि महत्त्वपूर्ण योगदान दिँदै मध्यम योगफलसम्म पुर्याए ।

खेलपछि बोल्दै कप्तान देवले नेपालले पाकिस्तानको स्पिनरले कसिलो बलिङ गरेको बताउँदै ब्याटिङमा रन कम भएको स्वीकारे । ‘हामी आफ्नो ब्याटिङमा २०-३० रन कम भयौं । उनीहरुको स्पिनरले निकै कसिलो बलिङ गरे । त्यसपछि हामीले खेलमा फर्कन बलिङमा राम्रो गर्यौं, फिल्डमा पनि सहज रन दिएनौं,’ उनले भने ।

देवले पाकिस्तानका ब्याटरले रन जोडेजस्तो मध्यक्रममा ब्याटिङ चल्न नसकेको स्वीकारे । ‘हामीले आफ्नो ब्याटिङमा सिंगल डबल लिन सकेनौं । उनीहरुले हामीविरुद्ध भने लगातार रन बटुले । त्यसैले अब अर्को खेलमा यो पक्षमा ध्यान दिनेछौं ।’

पाकिस्तानविरुद्ध तीव्र गतिका बलरको प्रदर्शनमा भने देव खुसी देखिए । ‘हाम्रो तीव्र गतिका बलरले निकै राम्रो बलिङ गरे । त्यो क्षण हेर्न पनि निकै विशेष थियो । आकाश चन्द र गुलशन झाले राम्रो स्थानमा बल फालेर विपक्षीलाई समस्या दिए । त्यसैले पनि हामी खेलमा फर्केका थियौं,’ उनले भने ।

पहिलो खेलमा अफगानिस्तानलाई हराएको पाकिस्तानले लगातार दोस्रो जितसँगै सुपर सिक्समा स्थान पक्का गर्यो । लगातार दोस्रो हार बेहोरेको नेपालको पनि सुपर सिक्समा अघि बढ्ने सम्भावना बाँकी छ । यसका लागि नेपालले अन्तिम खेलमा शुक्रबार अफगानिस्तानसँग प्रतिस्पर्धा गर्नेछ ।

February 24, 2024

बिर्तामोडलाई अन्तरपालिका क्रिकेट उपाधि

हिमाल खरेल, बिर्तामोड बिर्तामोड नगरपालिकाले प्रथम झापा जिल्ला अन्तरपालिकास्तरीय पुरुष टि२० क्रिकेट प्रतियोगिताको उपाधि जितेको छ । बुधबारेमा शनिबार भएको फाइनलमा कचनकवल गाउँपालिकामाथि १ सय १९ रनको सानदार जित निकाल्दै बिर्तामोड च्याम्पियन बनेको हो । कचनकवलको फितलो ब्याटिङ र कमजोर बलिङको फाइदा उठाउँदै बिर्तामोड विजेता बनेको हो । टस जितेर पहिले ब्याटिङ रोजेको बिर्तामोडले निर्धारित […]

February 24, 2024

इङ्ल्यान्डविरुद्ध भारतका जैसवालको अर्धशतक

एजेन्सी – इङ्ल्यान्डविरुद्धको चौथो टेस्टको पहिलो इनिङमा भारत १ सय ३४ रनले पछाडि रहेको छ । दोस्रो दिनको खेल सकिदा भारतले पहिलो इनिङमा ७ विकेटको क्षेतिमा २ सय १९ रन बनाएको छ । टस जितेर पहिले ब्याटिङ गरेको इङ्ल्यान्डले पहिलो इनिङमा ३ सय ५३ रन बनाएको थियो । ७ विकेटको क्षेतिमा ३ सय २ रनबाट […]

February 24, 2024

पाँच पोखरी क्रिकेटमा ह्योल्मो र आयोजकको जित

काठमाडौं (हाम्रो खेलकुद) – पाँचपोखरी टी–२० जिल्लास्तरीय क्रिकेट प्रतियोगिताको छैटौँ संस्करण काठमाण्डौको मुलपानीमा शनिबार सुरु भएको छ । पहिलो खेलमा साविक विजेता ह्योल्मो ११ ले चौतारा साँगाचोकगढी नगरपालिकालाई १ सय २७ रनको विशाल रनले हरायो ।ह्योल्मो ११ का लागि खेलको म्यान अफ दी म्याच विनोद तामाङले ७२ रनको अर्धशतकीय पारी खेलेका थिए । दोश्रो खेलमा […]

Success

Thank you for your time.