काठमाडौँ (हाम्रो खेलकुद) – प्रधानमन्त्री कप पुरुष क्रिकेट अन्तर्गत लिग चरणको आफ्नो अन्तिम खेलमा कर्णाली प्रदेशले नेपाल एपिएफ क्लब विरुद्ध मध्यम योगफल खडा गरेको छ । यस संस्करणको आफ्नो सर्वाधिक योगफल बनाउने क्रममा कर्णाली ४४.१ ओभरमा २०६ रनमा समेटियो ।  

कर्णालीका लागि हिमांशु शाहीले सर्वाधिक ६२ रन बनाए । उनले ५० बलमा २ चौका र ७ छक्का सहित ६२ रन बनाएका थिए ।  यस्तै अर्जुन घर्तीले ७४ बल खेलेर १ चौका र ३ छक्का सहित ५३ रन बनाए । यी दुई जना मिलेर चौथो विकेटका लागि १११ रनको साझेदार गरेका थिए । १०औ ओभरमा सुरु भएको सो साझेदारी २८औ ओभरमा हिमांशुको विकेटसँगै सकिएको थियो । अर्जुन भने ३३औ ओभरमा रनआउट भएका थिए ।

ओपनर निश्चल रावल ६ रन मात्र बनाएर छैठौ ओभरमा रमेश कुर्मीको बलमा आउट भएका थिए । त्यसपछि आउट भएका कप्तान रबिन्द्र शाही २२ रनमा भुवन कार्कीको शिकार बने । राजेश खड्का १ रनमा रनआउट भए ।

प्रकाश जैशी पनि १० रन मात्र बनाएर मौसम ढकालको बलमा आउट हुँदै पेभेलियन फर्किए । दिनेश अधिकारी अमर राउटेलाको बलमा २७ रनमा आउट हुन पुगे । दिपेन्द्र रावतले २७ रन बनाएर अमर राउटेलाको बलमा क्याच आउट भए । दिवन पुनलाई पनि मौसमले नै १ रनमा आउट गरे । दिनेश अधिकारी मौसमको अर्को शिकार बने । उनले १९ बल खेल्दै १९ रन नै बनाए । अनुज चनारा १ रनमा रन आउट भए ।  

एपिएफका लागि मौसम ढकालले ९ ओभरमा २ मेडन सहित ३२ रन खर्चिंदै ३ विकेट लिए । यस्तै अमर राउटेलाले २ तथा भुवन कार्की र रमेश कुर्मीले समान १-१ विकेट लिए ।  

एपिएफलाई शीर्ष चारमा रही एलिट ट्रफीका लागि छनोट हुन र फाइनलको सम्भावना कायम नै राख्न आज जित्ने पर्ने दवाब रहेको छ । एपिएफको ८ खेलमा १० अंक छ । कर्णालीको भने ८ खेलमा ६ अंक रहेको छ ।