default_image

5 months ago

January 31, 2024

पुलिसको लगातार आठौँ जित

859 views

0 Bookmark

काठमाडौँ (हाम्रो खेलकुद) – प्रधानमन्त्री कप पुरुष क्रिकेट प्रतियोगितामा नेपाल पुलिस क्लबले लगातार आठौँ जित दर्ता गरेको छ । दुई खेल बाँकी छँदै फाइनल प्रवेश गरिसकेको पुलिसले लुम्बिनी प्रदेश विरुध १०३ रनको फराकिलो जित दर्ता गरेको छ । 

खेल ढिलो सुरु वयेपाची ३८ ओभरमा घटाइएको खेलमा २४६ रनको लक्ष्य पछ्याएको लुम्बिनी प्रदेश ३६.३ ओभरमा १४२ रनमा समेटियो । लुम्बिनीका लागि दिलसाद अलीले ४६ बलमा ५ चौका र २ छक्का सहित सर्वाधिक ३६ रन बनाए । नर सार्कीले ४१ बलमा ३१ रन बनाए । यस्तै बिराट भण्डारीले १६, सुशान्त थापाले १४ र प्रज्वोल थापाले १२ रन बनाए ।        

पुलिसका लागि कुशल भुर्तेलले ३ विकेट लिए भने करण केसीले २ विकेट लिए । ललित राजबंशी, सागर ढकाल, रशिद खान, आरिफ शेख र रोशन बुढालले समान एक-एक विकेट लिए ।  

त्यसअघि मुलपानी क्रिकेट मैदानमा टस जितेर पहिले ब्याटिङ गरेको पुलिसले ३७.३ ओभरमा अलआउट हुँदै २४५ रन बनाएको थियो । नियमित कप्तान दिपेन्द्र सिंह ऐरीलाई विश्राम दिएपछि आज कप्तानी गरेका आरिफ शेखले ७६ बलमा सर्वाधिक ७६ रन बनाए । उनले ९ चौका र ३ छक्का प्रहार गरे । 

करण केसीले २७ बलमा ५ चौका र ५ छक्का सहित विष्फोटक इनिङ खेल्दै ५७ रन बनाए । यस्तै ओपनर कुशल भुर्तेलले ४२ बलमा ७ चौका र १ छक्का सहित ४८ रनको योगदान गरे ।  

लुम्बिनीका लागि नर सार्कीले ४ विकेट लिए भने वीर मगरले ३ विकेट लिए । यस्तै कृष्ण कार्की र अभिषेक गौतमले समान १-१ विकेट लिए ।  

पुलिस ८ खेलमा ८ जितमा १६ अंक सहित शीर्ष स्थानमा छ । लुम्बिनी ९ खेलमा २ अंक सहित तालिकाको आठौ स्थानमा रहँदै प्रतियोगिता अन्त्य गरेको छ ।  

June 16, 2024

अष्ट्रेलियाको जितसँगै इङ्ल्यान्ड सुपर ‘एट’मा

एजेन्सी – अष्ट्रेलियाले स्कटल्यान्डलाई हराएपछि इङ्ल्यान्ड आइसिसी टि-२० विश्वकपको सुपर ‘एट’ मा प्रवेश गरेको छ । आइतबार बिहान भएको खेलमा अष्ट्रेलियाले स्कटल्यान्ड माथि ५ विकेटको जित निकालेपछि इङ्ल्यान्ड नेट रन रेटका आधारमा स्कटल्यान्ड भन्दा अगाडि रहँदै अन्तिम आठमा पुग्ने पक्का भएको हो । गएराति अर्को खेलमा इङ्ल्यान्डले डकवर्थ लुइसका आधारमा नामिबियालाई ४१ रनले पराजित गरेको […]

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

Success

Thank you for your time.