default_image

5 months ago

February 3, 2024

नेपाल पुलिस क्लबलाई प्रधानमन्त्री कपको उपाधि 

2651 views

0 Bookmark

काठमाडौँ (हाम्रो खेलकुद) – प्रधानमन्त्री कप पुरुष क्रिकेट २०८० को उपाधि विभागीय टोली नेपाल पुलिस क्लबले जितेको छ । प्रतियोगिता अवधिभर अपराजित रही उपाधि जित्ने क्रममा पुलिसले अर्को विभागीय टोली त्रिभुवन आर्मी क्लब माथि ६ विकेटको सहज जित हात पारेको हो ।

पुलिसको यो तेस्रो उपाधि हो । पुलिसले २०१७ मा आर्मी संग संयुक्त रुपमा उपाधि उचालेको थियो भने २०१९ मा दोस्रो उपाधि उचालेको थियो । 

आर्मीले दिएको १८२ रनको सामान्य लक्ष्य पुलिसले ३५.५ ओभरमा ४ विकेट गुमाएर पुरा गर्यो । पुलिसका लागि शंकर रानाले ४३ बलमा ६२ रनको अविजित अर्धशतकीय इनिङ खेले । यस्तै अर्को तर्फ आरिफ शेख ५४ बलमा २७ रन बनाएर नटआउट रहे ।

अर्जुन साउदले ५८ बलमा ४ चौका सहित ३६ रन बनाए । अमित श्रेष्ठले ५१ बलमा २८ रन बनाए । ओपनरद्वय कुशल भुर्तेलले १४ र दिलिप नाथले ७ रन बनाए ।   

आर्मीका लागि जितेन्द्र मुखिया, कुशल मल्ल, शाहब आलम र बसिर अहमदले समान एक-एक विकेट लिए । 

त्यसअघि टियु क्रिकेट मैदानमा टस हारेर पहिले ब्याटिङको निम्तो पाएको आर्मी ४९.५ ओभरमा १८१ रनमा समेटियो । 

आर्मीका लागि बिबेक यादवले ८१ बलमा ७ चौका र १ छक्का सहित सर्वाधिक ६३ रनको अर्धशतकीय इनिङ खेले । उनी अन्तिम ओभरको पाचौ बलमा रन आउट भएका थिए । जितेन्द्र मुखिया २ रनमा अविजित रहे । अन्तिम विकेटका लागि यी दुई ब्याटरले ४२ रनको साझेदारी गरेका थिए ।     

आर्मीले सुरुवातबाट नै पुलिसको स्पिन अट्याक विरुद्ध संघर्ष गर्नु पर्यो । ओपनर सन्तोष कार्कीलाई चौथो ओभरको आफ्नो स्पेलको पहिलो बलमा ललित राजबंशीले ६ रनमा रहेको अवस्थामा बोल्ड आउट गरे । भिम शार्की पनि ललितकै बलमा छैठौ ओभरको पहिलो बलमा ५ रनमा आउट भए ।

सोहि ओभरको अन्तिम बलमा सन्दिप रजालीलाई ललितले शुन्यमा बोल्ड गरे । राम्रो लयमा रहेका कप्तान बिनोद भण्डारी २ रनमा करन केसीको बलमा करन द्वारा नै क्याच हुन पुगे ।

राम्रो सुरुवात गरेका कुशल मल्ल सागर ढकालको बलमा २०औ ओभरमा ३२ बलमा १७ रन बनाएर पेभेलियन फर्किए । बसिर अहमदलाई २१औ ओभरमा दिपेन्द्र सिंह ऐरीले १ रनमा आफ्नो शिकार बनाए ।

त्यसपछि आउट हुने ओपनर इमरान शेख थिए । अर्को तर्फ लगातार विकेट झरिरहँदा क्रिजमा डटेर रहेका उनी ६६ बलमा २८ रन बनाउँदै २५औ ओभरमा दिपेन्द्रकै बलमा क्याच आउट भए । 

आठौ विकेटका लागि बिबेक यादव र सोमपाल कामी मिलेर ५९ रनको अर्धशतकीय साझेदारी गरे । सो साझेदारी सोमपाल ३९औ ओभरमा कुशल भुर्तेलको बलमा ५८ बल खेल्दै ३९ रन बनाएर आउट भएपछि तोडिएको थियो । त्यसपछि आएका शाहब आलम २ रन बनाएर दिपेन्द्रको बलमा आउट भए ।    

पुलिसका लागि ललित राजबंशी र दिपेन्द्र सिंह ऐरीले समान ३-३ विकेट लिए । ललितले १० ओभरमा २ मेडन सहित २१ रन खर्चिए । दिपेन्द्रले ९ ओभरमा ३१ रन दिए । यस्तै सागर ढकालले १० ओभरमा २३ रन मात्र दिएर १ विकेट लिए । करन केसीले १० ओभरमा ६५ रन खर्चेर १ विकेट नै लिए ।

कुशल भुर्तेलले पनि ३ ओभर बलिङ गरेर १२ रन खर्चिंदै १ विकेट लिन सफल भए । रशिद खान ७.५ ओभरमा २४ रन दिँदै विकेटविहिन रहे ।      

पुलिस लिग चरणको सबै खेलमा जित निकाल्दै पहिलो स्थानमा रहेर फाइनल प्रवेश गरेको थियो । आर्मीले भने ९ खेलमा ७ जितसहित दोस्रो स्थानमा रहँदै पुलिस विरुद्धको उपाधि भिडन्त पक्का गरेको थियो ।  

June 19, 2024

दीपेन्द्र आइसिसी वरियतामा थप माथि उक्लिए

काठमाडौं (हाम्रो खेलकुद)- नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले विश्व वरियतामा अहिलेसम्मकै उच्च वरियतामा उक्लिएका छन् । अन्तराष्ट्रिय क्रिकेट परिषद (आइसीसी)ले हालै जारी गरेको टि‌ ट्वान्टी आईको अलराउन्डरतर्फको वरियतामा दीपेन्द्र छैटौं स्थानमा रहेका छन्। यस अघि उनी नवौं स्थानमा थिए। टि‌ ट्वान्टी आईको अलराउन्डरको शीर्ष स्थानमा अस्ट्रेलियाका मार्कस स्टोईनेस उक्लिएका छन् । श्रीलंकाका वानिन्दु […]

June 18, 2024

‘टिम हार्दा कीर्तिमान व्यर्थ लाग्यो’ – सन्दीप

सेन्ट भिन्सेन्ट (हाम्रो खेलकुद) – नेपाली राष्ट्रिय क्रिकेट टोलीका स्पिनर सन्दीप लामिछानेले आइसीसी टि२० विश्वकप अन्तर्गत आइतबार सम्पन्न खेलमा बंगलादेशविरुद्ध आफ्नो टि२०आई करिअरको १ सयौं विकेट लिए । सन्दीपले बंगलादेशविरुद्ध २ विकेट लिँदै करिअरमा १ सय विकेट पूरा गरे । उनले ५४ खेलमा यो उपलब्धि पूरा गरे । उनी ५३ खेलमा १ सय विकेट लिएका […]

June 18, 2024

फर्गुसनको अविश्वसनीय बलिङमा न्युजिल्यान्ड विजयी

एजेन्सी – तीव्र गतिका बलर लोकी फर्गुसनको सानदार बलिङ प्रदर्शनमा न्युजिल्यान्डले आइसीसी टि२० विश्वकप अन्तर्गत समूहको अन्तिम खेलमा पपुवा न्यु गिनीलाई पराजित गरेको छ । टस जितेर पहिलो फिल्ड गर्ने निर्णय लिएको न्युजिल्यान्डले पिएनजीलाई १९.४ ओभरमा ७८ रनमा अलआउट गर्यो । न्युजिल्यान्डका लागि फर्गुसनले ४ ओभरमा कुनै रन नखर्ची ३ विकेट लिएका थिए । उनी […]

Success

Thank you for your time.