एजेन्सी – भारतविरुद्धको दोस्रो टेस्ट जित्नका लागि इंग्ल्यान्डले अन्तिम दुई दिनमा ३ सय ३२ रन बनाउनु पर्ने हुन्छ । तेस्रो दिन आइतबारको खेल समाप्ती हुँदा इंग्ल्यान्डले दोस्रो इन्जिङमा ६७ रन बनाउँदा १ विकेट गुमाएको छ ।

पहिलो इनिङमा ३ सय ९६ रन बनाएको भारतले दोस्रो इनिङमा आइतबार २ सय ५५ रनमा अलआउट भएको थियो । पहिलो इन्जिङमा २ सय ५३ रन बनाएको इंग्ल्यान्डले दोस्रो इनिङमा जितका लागि ३ सय ९९ रनको लक्ष्य पाएको थियो ।

इंग्ल्यान्डका ज्याक क्राले २९ र रेहन अहमत ९ रनमा नटआउट रहँदा तेस्रो दिनको खेल सकिएको थियो । बेन डंकेटलाई २८ रनमा रविचन्द्रन आश्विनले आउट गरेका थिए ।

२८ रनमा विना विकेटको क्षेतिमा भारतले तेस्रो दिनको खेल अघि बढाएको थियो । दोस्रो इनिङमा भारतका लागि युवा ब्याट्सम्यान शुभमन गिलले शतकीय पाली खेले । गिलले १ सय ४ रन बनाए । एक सय ४७ बल खेलेका उनले २ छक्का र ११ वटा चौका प्रहार गरे ।

अक्षर पटेलले ४५ रन बनाए । श्रेयस ऐयर र आश्विनले समान २९ रन जोडे । ओपनर यशस्वी जैसवाल १७ र कप्तान रोहित शर्मा १३ रन थपे । इग्ल्यान्डका बलर टम हर्टलीले ४ , रेहन अहमदले ३, जेम्स एन्डर्सनले २ र सोएब बसिरले १ विकेट लिए । ५ टेस्टको श्रृखंलामा इंग्ल्यान्ड १–० ले अगाडि छ ।