default_image

4 months ago

February 4, 2024

चितवनमा अम्पायर तथा स्कोरर प्रशिक्षण सुरु

67 views

0 Bookmark

राकेश तिमल्सिना, चितवन

भरतपुर महानगरपालिकासँगको सहकार्यमा चितवन जिल्ला क्रिकेट संघले आयोजना गरेको ‘ओ लेभल अम्पायर तथा स्कोरर ट्रेनिङ्ग २०८०’ आज (आइतबार) सुरु भएको छ । भरतपुर १५, रामपुरस्थित निर्माणाधिन गौतम बुद्ध अन्र्तराष्ट्रिय क्रिकेट रंगशाला परिसरमा सुरु भएको प्रशिक्षण २३ गतेसम्म संचालन हुनेछ ।

नेपालका अन्र्तराष्ट्रियस्तरका अम्पायरद्वय विनयकुमार झा र मोहम्मद सफिकद्वारा दिइएको प्रशिक्षणमा करिब ३० जना प्रशिक्षार्थीको सहभागीता रहेको जिल्ला क्रिकेट संघले जनाएको छ । कार्यक्रमको उद्घाटन समारोहमा मन्तव्य राख्दै प्रमुख अतिथि चितवन जिल्ला क्रिकेट संघका सल्लाहकार तथा सेन्ट्रल कलेज अफ भोकेसनल ट्रेनिङ्ग सेन्टर प्रा.लि.का प्रिन्सिपल वाइबी पौडेलले क्रिकेट विकासमा यस्ता तालिमहरुको भूमिका महत्वपूर्ण रहेको बताए ।\

उनले नयाँ कार्यसमिति निर्वाचित भएको छोटो समयमा नै जिल्लामा पहिलोपटक यस तालिम आयोजना हुनु स्वागतयोग्य काम भएको बताए । संघका अध्यक्ष सुदिप पियाले तालिमबाट उत्पादित क्रिकेट प्राविधिक (अम्पायर तथा स्कोरर) हरुले चितवन जिल्लासँगै छिमेकी जिल्लाहरुको समेत क्रिकेट क्षेत्रको विकासमा सकारात्मक प्रभाव पार्ने विश्वास लिएको बताए ।

तालिमबाट उत्पादित अम्पायर तथा स्कोररहरुलाई संघले आयोजना गर्ने हरेक प्रतियोगितामा उच्च प्राथमिकताका साथ उपयोग गरिने उनले बताए ।

पहिलो दिन मेरिलिबोन क्रिकेट क्लब (एमसीसी) ले बनाएका ४२ वटा नियमहरुमध्ये १७ वटा नियमका बारेमा कक्षा संचालन भएको अम्पायर प्रशिक्षक विनयकुमार झाले बताए । सहभागीहरुको जिज्ञासाले आफुहरुलाई निकै उत्साहित बनाएको र तालिमका प्रशिक्षार्थीहरुलाई प्रदेशस्तरको प्रतियोगितासम्म अम्पायरिङ्ग तथा स्कोरिङ्ग गर्न सक्षम हुने जनशक्ती उत्पादन गर्ने लक्ष्य लिएको उनले बताए ।

पछिल्लो समय चितवन जिल्लामा क्रिकेटका प्रतियोगिताहरुको संख्या बाक्लिदै गएका छन् । माघ २६ गतेबाट नमुना मैदानमा भरतपुर मेयर्स कप अन्तर विद्यालय क्रिकेट प्रतियोगिता हुदैछ ।

June 14, 2024

सन्दीपसहित नेपाली क्रिकेट टोलीले अभ्यास गर्यो

प्रकाश तिमल्सिना, सेन्ट भिन्सेन्ट आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार सेन्ट भिन्सेन्ट आइपुगेको नेपाली टोली स्पिनर सन्दीप लामिछाने सहित अभ्यास गरेको छ। दक्षिण अफ्रिकासँग शुक्रबार स्थानीय समय अनुसार साँझ ७:३० बजे (नेपाली समय अनुसार शनिबार बिहान ५:१५ बजे) खेल‌ हुने मैदान आर्नस भेलमा बिहीबार साँझ ६:१५ बजेबाट अभ्यास सुरु […]

June 14, 2024

नेपाली क्रिकेट टोली सेन्ट भिन्सेन्ट आइपुग्यो

सेन्ट भिन्सेन्ट (हाम्रो खेलकुद)- आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार स्थानिय समय अनुसार दिउँसो ३:३० बजे सेन्ट भिन्सेन्ट आइपुगेको छ। नेपाली राष्ट्रिय क्रिकेट टोली अमेरिकाको‌ फ्लोरिडाको खराब मौसमका कारण बुधबार रोकिएको थियो।फ्लोरिडाबाट नेपाली‌ टोली बुधबार साँझ सेन्ट भिन्सेन्ट आउने तालिका रहेपनि लगातारको वर्षाका कारण उडान रद्द भएको थियो। लगातारको‌‌ […]

June 14, 2024

बंगलादेशको नेदरल्याण्ड्सविरुद्ध जित

एजेन्सी – आईसिसी टि-२० विश्वकपमा नेपाल रहेको समूह डी मा बंगलादेशले नेदरल्याण्ड्स माथि जित दर्ता गरेको छ । बंगलादेशले नेदरल्याण्ड्सलाई २५ रनले पराजित गरेको हो । बंगलादेशले दिएको १६० रनको लक्ष्य पछ्याएको नेदरल्याण्ड्सले निर्धारित २० ओभरमा ८ विकेटको क्षतिमा १३४ मात्र बनाउन सक्यो । राम्रो सुरुवात गरेको नेदरल्याण्ड्स जिततर्फ उन्मुख रहेको थियो । तर १५औं […]

Success

Thank you for your time.