काठमाडौं (हाम्रो खेलकुद) – आइसीसी टि२० विश्वकप २०२४ का लागि छनोट भएको नेपालले प्रतियोगिताको तयारीका लागि लगातार दुई टि२० आई सिरिज खेल्ने पक्का भएको छ ।

नेपालले क्यानडासँग यसै साता एकदिवसीय अन्तर्राष्ट्रिय सिरिज खेल्दैछ । फेब्रुअरी ८ देखि १२ सम्म तीन खेलको ओडीआई सिरिज खेले लगत्तै आइसीसी क्रिकेट विश्वकप लिग २ अन्तर्गत त्रिकोणात्मक सिरिज खेल्नेछ । टियु मैदानमै हुने उक्त सिरिजमा नेदरल्यान्ड्स र नामिबिया पनि खेल्दैछन् । सिरिज फेब्रुअरी १५ देखि २५ सम्म चल्नेछ ।

उक्त सिरिज सकिएलगत्तै टियु मैदानमै नेपालले ३ राष्ट्र सम्मिलित टि२० आई सिरिज खेल्नेछ । उक्त प्रतियोगितामा नामिबिया र नेदरल्यान्ड्स नै खेल्नेछन् ।

उक्त सिरिज सकिएलगत्तै नेपाली टोली हङकङ जानेछ । त्यहाँ भने नेपालसहित ४ राष्ट्रले क्वाड्राङ्गुलर सिरिज खेल्नेछन् । उक्त सिरिजमा नेपाल र आयोजक हङकङसँगै पपुवा न्यु गिनी र ओमान रहनेछन् । ओमान पनि विश्वकपको तयारीमा रहेको छ ।

टि२०आई सिरिजका लागि भने हालसम्म टोली घोषणा भएको छैन । क्यान स्रोतका अनुसार २-३ दिन भित्र नै टि२०आई टोलीको पनि घोषणा हुनेछ ।

क्यानडाविरुद्ध हुने ओडीआई र लिग-२ को लागि टोली यसप्रकार छ ।