default_image

4 months ago

February 9, 2024

सिलान्यासको ९ महिनामै एक्स्ट्राटेक मैदान उद्घाटन हुँदै

1900 views

0 Bookmark

काठमाडौं (हाम्रो खेलकुद) – रुपन्देहीको तिलोत्तमा नगरपालिकामा ९ महिनाअघि सिलान्यास भएको एक्स्ट्राटेक ओभल क्रिकेट मैदानको फाल्गुन दोस्रो साता उद्घाटन हुने भएको छ ।

काठमाडौंमा एक कार्यक्रम गर्दै निर्माणकर्ता एक्स्ट्राटेक ओवल प्रालिले निजी क्षेत्रको लगानीमा नेपालमा पहिलो पटक बन्न लागेको मैदानको उद्घाटन विशेष कार्यक्रममाझ गर्ने जानकारी दिएको हो । उद्घाटनका लागि फाल्गुन १४ गते ४ टोलीबीच टि१० प्रतियोगिता हुनेछ ।

मैदानका मालिक विनोद कुँवर र सुदीक्षा गौतमले तिलोत्तमा वडा नम्बर १७ स्थित पूर्व दरखसवामा मैदान निर्माणको सिलान्यास ९ महिनाअघि गरेका थिए । त्यसयता विभिन्न चरणमा निर्माण कार्य भइरहेको र फाल्गुन दोस्रो सातासम्म खेल्न तयार हुने पूर्व क्रिकेटर तथा मैदानका एम्बेसडर शक्ति गौचनले बताए ।

मैदान निर्माणको पहिलो चरणमा मैदान लेभलिङ गर्ने, पिच बनाउने र आउटफिल्डमा घाँस बिछ्याउने काम द्रुत रुपमा अघि बढाइएको थियो । हाललाई प्रतियोगिता आयोजनाको लागि तयार पारिएको मैदानमा अब थप भौतिक पूर्वाधार थप्दै लाग्ने योजना रहेको छ ।

मैदान उद्घाटनका लागि हुने प्रतियोगितामा नेपालको पहिलो अन्तर्राष्ट्रिय खेल खेलेको १९९६ को टोली, रुपन्देही लेजेन्ड्स, सन् २०१४ को टि विश्वकप खेलेको टोली र रेस्ट अफ नेपाल गरेर ४ टोलीले सहभागिता जनाउनेछन् । पूर्व कप्तान पारस खड्काले २०१४ टोलीको कप्तानी गर्नेछन् । त्यस्तै अन्य खेलाडीको नामावली चाडैं सार्वजनिक हुनेछ । १९९६ को कप्तानमा एलबी क्षेत्री, रेस्ट अफ नेपालमा कलाम अली तथा रुपन्देही लेजेन्ड्समा हरिबहादुर थापा कप्तान रहने सम्भावना छ ।

क्रिकेटबाट सन्न्यास घोषणा गरेयता क्रिकेट मैदानमा नदेखिएका पारसले आफू सन्न्यासपछि पहिलो पटक मैदानमा उत्रन लागेको बताए । ‘मैले अब सन्न्यासपछि कहिले क्रिकेट खेल्छु भन्ने प्रश्न सबैको हुन्थ्यो, एक्स्ट्राटेकको उद्घाटनमा त्यो अवसर जुरेको छ । त्योभन्दा ठूलो नयाँ मैदान नेपाली क्रिकेटले पाएको छ । एक्स्ट्राटेकले आफ्नै प्रयासमा यो निर्माण गर्नु प्रशंसनीय छ,’ उनले भने ।

यस्तै कार्यक्रममा लुम्बिनी प्रदेश क्रिकेट संघका अध्यक्ष संजय गुरुङले आफ्नो प्रदेशमा बन्न लागेको संरचनाले द्रुत गतिमा काम भएको देख्दा खुसी लागेको बताए । ‘हाम्रो क्षेत्र नेपाली क्रिकेटको उर्वर भूमि हो । पहिलो ब्याचमा पनि हामी ४ खेलाडीले राष्ट्रको प्रतिन्धित्व गरेका थियौं । मैदान निर्माण भएसँगै आउने दिनमा यसले अझ बढावा पाउने मैले विश्वास लिएको छु,’ गुरुङले भने ।

June 15, 2024

नेपाल पहिलो पटक दक्षिण अफ्रिकाको सामना गर्दै

किङ्स टाउन/सेन्ट भिन्सेन्ट (हाम्रो खेलकुद) – आइसिसी टि ट्वान्टी विश्वकपको समूह चरणको आफ्ना तेस्रो खेलमा नेपालले दक्षिण अफ्रिकाको सामना गर्दैछ । खेल स्थानीय समय अनुसार आज साँझ ७ः३० बजे (नेपाली समय अनुसार शनिबार बिहान ५ः१५ बजे) आर्नस भेल स्टेडियममा सुरु हुनेछ । दुई फरक परिस्थितिका साथ नेपालले सिनियर क्रिकेटमा पहिलो पटक दक्षिण अफ्रिकाको सामना गर्दैछ […]

June 14, 2024

अमेरिका विश्वकपको सुपर एटमा, पाकिस्तान बाहिरियो

एजेन्सी – अमेरिका आइसिसी टि-२० विश्वकपको सुपर एटमा प्रवेश गरेको छ । आफ्नो पहिलो सहभागितामा नै आयोजक अमेरिका समूह ए बाट भारत सँगै दोस्रो चरणमा प्रवेश गर्न सफल भएको हो । अमेरिका र आयरल्यान्ड बीच फ्लोरिडामा हुनुपर्ने खेल वर्षाका कारण रद्द भएपछि अमेरिका दोस्रो चरणमा प्रवेश गर्ने पक्का भएको हो । उता दुवै टोलीले अंक […]

June 14, 2024

इङ्ल्यान्डसँग ओमान चौथो ओभरमै पराजित

एजेन्सी – ओमानले दिएको लक्ष्य चौथो ओभरमै पूरा गर्दै इङ्ल्यान्डले आइसिसी टि-२० विश्वकपमा सुपर एटमा पुग्ने सम्भावना कायमै राखेको छ । इङ्ल्यान्डले शुक्रबार बिहान ओमान माथि ८ विकेटको जित दर्ता गरेको हो । ओमानले दिएको ४८ रनको झिनो लक्ष्य इङ्ल्यान्डले ३.१ ओभरमा २ विकेट गुमाएर पूरा गर्यो । इङ्ल्यान्डका लागि कप्तान जस बटलरले ८ बलमा […]

Success

Thank you for your time.