8 months ago
February 11, 2024
राकेश तिमल्सिना, चितवन
विश्व प्रकाश मावि मंगलपुर र इडन गार्डेन स्कुल भरतपुर एक्सपर्ट भरतपुर मेयर्स कप अन्तरद्यिालय क्रिकेटको लिग चरणमा प्रवेश गरेका छन् ।
आज भएको नकआउट खेलमा विश्वप्रकाशले जानकी मावि तेलौलीलाई ५ विकेटले तथा इडन गार्डेनले स्मल हेभन मोडल स्कुल भरतपुरलाई ७ विकेटले हराउदै लिग चरणमा स्थान बनाएका हुन् ।
भरतपुर १५ स्थित निर्माणाधिन गौतम बुद्ध अन्तर्राष्ट्रिय क्रिकेट रंगशालाको नमुना मैदानमा भएको पहिलो खेलमा टस हारेर पहिला ब्याटिङको निम्तो पाएको जानकीले १२.३ ओभरमा अलआउट हुदै ४३ रनमा समेटियो । समेल थापाले १३ रन जोड्दा अन्य ब्याटरको प्रदर्शन एक अंकमा नै सिमत रह्यो ।
बलिङमा गौरव लामिछानेले ४, रेशम काफ्ले ३ तथा सन्देश न्यौपानेले २ विकेट लिए । ४४ रनको झिनो लक्ष्य पछ्याएको विश्वप्रकाशले ७.३ ओभरमा ५ विकेट गुुमाउदै पुरा गर्यो । बेलजित पन्जियार ७ तथा रेशम काफ्ले २ रनमा नटआउट रहे ।
बलिङमा समेल थापाले ३ र रोहित थापाले २ विकेट लिए । १.३ ओभरमा विना कुुनै रन ४ लिएका विश्वप्रकाशका गौरव लामिछाने खेलको प्लेयर अफ द म्याच भए ।
यस्तै अर्को खेलमा ८० रनको विजय लक्ष्य पछ्याएको इडन गार्डेन स्कुल भरतपुरले ११.१ ओभरमा ३ विकेट गुमाएर पुरा गर्यो । पहिलो विकेटका लागि ४७ रनको साझेदारी गर्दै ओपनरद्वय कुशल थिङ र अनिश पौडेलले इडन गार्डेनलाई उत्कृष्ट सुरुआत दिलाएका थिए ।
१९ बल खेल्दै कुशलले २ छक्का र ३ चौकासहित २६ रन बनाए । अनिशले २५ बलमा १ छक्का र ३ चौका प्रहार गर्दै २४ रन बनाए । बलिङमा विजय कार्कीले ३ र संस्कार रिमालले १ विकेट लिए ।
त्यसअघि टस हारेर पहिला ब्याटिङको निम्तो पाएको स्मल हेभनले १५.३ ओभरमा अलआउट हुदै ७९ रनमा रोकियो । गौरव गुप्ताले सर्वाधिक १४ रन बनाउदा अन्य ब्याटरले दोहोरो अंकमा रन बनाउन सकेनन् ।
बलिङमा सलिन सापकोटा र सौगात सापकोटाले समान ३ विकेट लिदा प्रवेश अधिकारीले २ विकेट लिए । ब्याटिङमा नटआउट १६ रन र बलिङमा २ विकेट लिदै अलराउण्ड प्रदर्शन गरेका प्रवेश अधिकारी खेलको प्लेयर अफ द म्याच बने ।
प्रतियोगिता अन्तर्गत भोलि हुने २ खेलमध्ये पहिलो खेलमा वाल्मिकी शिक्षा सदन भरतपुर र सिर्जना इंग्लिस स्कुल भरतपुर खेल्नेछन् । त्यस्तै दोश्रो खेलमा सनराइज इंग्लिस स्कुल भरतपुर र होली भिजन पब्लिक स्कुल लंकु आमनेसामने हुनेछन् । भरतपुर महानगरपालिकाको आयोजना र चितवन जिल्ला क्रिकेट संघको सह–आयोजनामा संचालन भैरहेको प्रतियोगिता फागुन २२ गतेसम्म चल्नेछ ।
October 9, 2024
एजेन्सी – पाकिस्तानविरुद्ध इङ्ग्ल्यान्डले पहिलो टेस्टको पहिलो इनिङमा बलियो चुनौती पेश गरेको छ । ३ खेलको टेस्ट सिरिजका लागि इङ्ग्ल्यान्ड पाकिस्तान भ्रमणमा छ । घरेलु टोली पाकिस्तानले पहिलो इनिङमा ५ सय ५६ रनको योगफल तयार गरे पछि आफ्नो इनिङको सुरुवात गरेको पाहुना टोलीले तेस्रो दिनको समाप्तीमा ३ विकेट गुमाएर ४ सय ९२ रन जोडेको छ […]
October 9, 2024
काठमाडौं(हाम्रो खेलकुद) – आगामी महिना हुने १९औं संस्करणको द हङकङ क्रिकेट सिक्सेसमा नेपाल अस्ट्रेलिया र इङ्ग्ल्यान्ड र अस्ट्रेलियासँग एकै समूहमा परेको छ । द हङकङ क्रिकेट सिक्सेस आज जारी गरेको समूह विभाजनमा नेपाल अस्ट्रेलिया र इङ्ग्ल्यान्डसँग एकै समूहमा परेको हो । प्रतियोगिताको खेलतालिका पनि बुधवार नै जारी भएको छ । प्रतियोगितामा नेपालको पहिलो खेलमा इङ्ग्ल्यान्डसँग […]
October 9, 2024
काठमाडौं(हाम्रो खेलकुद) – नेपालले चौथो अभ्यास खेलमा क्यानडा हाइ पर्फर्मेन्स टिमलाई पराजित गरेको छ । क्यानडा भ्रमणमा रहेको नेपाली टोलीले बुधवार बिहान सकिएको अभ्यास खेलमा २ विकेटको जित निकालेको हो । १ सय ९५ रनको लक्ष्य नेपालले ४६.२ ओभरमा ८ विकेट गुमाएर पूरा गर्यो । नेपालका लागि ओपनर अनिल शाहले ७३ बलमा ५९, आरिफ शेखले […]
