default_image

4 months ago

February 12, 2024

सनराइज एक्सपर्ट भरतपुर मेयर्स कपको अघिल्लो चरणमा

150 views

0 Bookmark

राकेश तिमल्सिना, चितवन

सनराइज इंग्लिस स्कुल भरतपुर र वाल्मिकी शिक्षा सदन सोमबार भरतपुर एक्सपर्ट भरतपुर मेयर्स कप अन्तरद्यिालय क्रिकेटको नकआउट चरण पार गर्दैै लिगमा प्रवेश गरेका छन् ।

वाल्मिकीले वाकओभर पाएको छ । सनराइजले होली भिजन पब्लिक स्कुल लंकुलाई ५९ ले हराउदै लिगमा स्थान सुरक्षित गरेको हो । पहिलो खेलमा वाल्मिकीको प्रतिद्वन्दी सिर्जना स्कुल पूर्व निर्धारित समय भन्दा १ घण्टापछिसम्म उपस्थित नभएपछि टेक्निकल कमिटीको निर्णयले वाल्मिकीलाई वाकओभर दिइएको थियो ।

भरतपुर १५ स्थित निर्माणाधिन गौतम बुद्ध अन्तर्राष्ट्रिय क्रिकेट रंगशालाको नमुना मैदानमा अर्को खेलमा टस हारेर पहिला ब्याटिङको निम्तो पाएको सनराइजले निर्धारित २० ओभरमा ७ विकेट गुमाएर १ सय ४१ रन जोड्यो ।

एउटा इन्डबाट लगातार विकेट गुमाएपनि सनराइजको इनिङ्स मध्यक्रममा चन्दन महतोले सम्हाले । ३८ बल खेल्दै चन्दन ७ चौका र ४ छक्काको मद्दत ७० रनमा नटआउट रहे । बलिङमा विशाल खत्री र सागर कंडेलले समान २ विकेट, आर्यन सुवेदी, प्रशान्त गिरी र निवास कंडेलले समान १ विकेट लिएका थिए ।

१ सय ४२ रनको विजय लक्ष्यसहित जवाफी ब्याटिङ थालेको होली भिजन १४.४ ओभरमा अलआउट हुदै ८२ रनमा रोकियो । सर्वाधिक २१ रन बनाएका होली भिजनका सनम तामाङ उज्जवल पटेलको बलमा बोल्ड आउट हुँदै पेभिलियन फर्किए । सागर कंडेलले तल्लोक्रममा १४ रन जोडे ।

बलिङमा दिवस लामिछाने र उज्जवल पटेलले समान ४ तथा चन्दन महतोले २ विकेट लिए । २ विकेट लिदै नटआउट ७० रन बनाउदै अलराउण्ड प्रदर्शन गरेका चन्दन महतो खेलको प्लेयर अफ द म्याच भए ।

प्रतियोगितामा मंगलबार नकआउट चरणका अन्तिम खेल हुनेछन् । पहिलो खेलमा ओमशान्ति एकेडेमी भरतपुर र अंकुरम एकेडेमी भरतपुर तथा अर्को खेलमा अर्किड स्कुल भरतपुर र अरोमा स्कुल भरतपुरबीच प्रतिस्पर्धा हुनेछ ।

नकआउटबाट छानिएका १० टोलीलाई गोलाप्रथा मार्फत २ समुहमा विभाजन गरिनेछ । फागुन ४ गतेबाट राउन्ड रोविनका खेल सुरु हुनेछन् । भरतपुर महानगरपालिकाको आयोजना र चितवन जिल्ला क्रिकेट संघको सह–आयोजनामा संचालन भैरहेको प्रतियोगिता फागुन २२ गतेसम्म चल्नेछ ।

June 13, 2024

वर्षाका कारण क्रिकेट टोली फ्लोरिडामै रोकियो

फ्लोरिडा (हाम्रो खेलकुद)- आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि सेन्ट भिन्सेन्ट जानुपर्ने नेपाली राष्ट्रिय क्रिकेट टोली अमेरिकाको‌ फ्लोरिडाको खराब मौसमका कारण यही रोकिएको छ। फ्लोरिडाबाट नेपाली‌ टोली बुधबार साँझ सेन्ट भिन्सेन्ट जाने तालिका रहेपनि लगातारको वर्षाका कारण नेपाली‌ टोलीको‌ उडान रद्द भएको नेपाल क्रिकेट संघ (क्यान) का सदस्य तथा टोलीका […]

June 12, 2024

महिला एशिया कपको दोस्रो चरणको प्रशिक्षणमा २० खेलाडी

काठमाडौं (हाम्रो खेलकुद) – नेपाल क्रिकेट संघ (क्यान) एसीसी महिला एसिया कपका लागि दोस्रो चरणको बन्द प्रशिक्षणमा २०-सदस्सीय टोली घोषणा गरेको छ । क्यानले इन्दु वर्माको कप्तानीमा २० जनालाई समेट्दै दोस्रो चरणका लागि बुधबार नेपाली टोली घोषणा गरेको हो । बन्द प्रशिक्षणका लागि सुरुवाती चरणमा परेका ८ खेलाडी टोलीबाट बाहिरिएका छन् । सुरुवातमा टोलीमा अटाएका […]

June 12, 2024

‘श्रीलंकाविरुद्ध खेलेर अंक जोड्न चाहन्थ्यौं’ – प्रशिक्षक देशाइ

फ्लोरिडा (हाम्रो खेलकुद) – नेपाली राष्ट्रिय क्रिकेट टोलीका मुख्य प्रशिक्षक मोन्टि देशाइले आइसीसी टि२० विश्वकप अन्तर्गत समूह चरणको दोस्रो खेलमा श्रीलंकाविरुद्ध खेलेर नै अंक जोड्न चाहेको बताएका छन् । फ्लोरिडास्थित ब्रोआर्ड काउन्टी रंगशालामा वर्षाका कारण खेल रद्द हुँदा नेपाल र श्रीलंकाले १-१ अंक बाँडे । खेलपछि पत्रकार सम्मेलनमा बोल्दै प्रशिक्षक देशाइले खेलेर नै अंक जोड्ने […]

Success

Thank you for your time.