8 months ago
February 13, 2024
काठमाडौं (हाम्रो खेलकुद) – मधेश प्रदेश र सुदूरपश्चिम प्रदेशले मनमोहन स्मृति यू-१६ क्रिकेट प्रतियोगितामा विजयी सुरुवात गरेका छन् ।
मंगलबार पोखरा रंगशालाको क्रिकेट मैदानमा समूह बी अन्तर्गत मधेशले लुम्बिनी प्रदेशलाई १२ रनले हरायो । सोही समूहमा सुदूरपश्चिमले आयोजकमाथि ७ विकेटको जित दर्ता गर्यो । दुवै विजयी टोलीले २-२ अंक जोडेका छन् ।
पहिलो खेलमा मधेशले निर्धारित २५ ओभरमा अलआउट हुँदै १ सय २८ रन जोडेको थियो । परिमार्जन यादवले २८ रन जोड्दा वासिम अलीले २३ रनको योगदान दिए । जवाफमा मेराज आलमले ३ विकेट र रोहन यादवले २ विकेट लिएपछि लुम्बिनीले २३.३ ओभरमा अलआउट हुँदै १ सय १६ रनमात्र जोड्न सक्यो ।
दोस्रो खेलमा मनमोहनले प्रस्तुत गरेक ७० रनको लक्ष्य सुदूरपश्चिमले ९.२ ओभरमै पूरा गर्यो । विशाल विष्टले २३ बलमा ३३ रन जोड्दै सहजै लक्ष्यसम्म पुर्याए । त्यसअघि सचिन मल्लले ६ रन खर्चेर ३ विकेट लिँदा आयोजक मनमोहन स्मृति ६९ रनमा अलआउट भएको थियो ।
प्रतियोगिताको समूह ए मा कोशी, बागमती, गण्डकी र कर्णाली छन् । समूह बी मा आयोजकसँगै मधेश, लुम्बिनी र सुदूरपश्चिम छन् । समूहको शीर्ष २ टोलीले सेमिफाइनलमा प्रतिस्पर्धा गर्नेछन् । फाइनल फागुन ७ गते हुनेछ ।
October 23, 2024
काठमाडौं(हाम्रो खेलकुद) – युएईमा आयोजना हुने महिला यु १९ टि ट्वान्टी विश्वकपको एसिया छनोटको लागि नेपाली युवा टोलीको घोषणा भएको छ । नेपाल क्रिकेट संघ (क्यान) ले बुधवार पुजा महतोको कप्तानीमा १४ सदस्यीय टोलीको घोषणा गरेको हो । क्यानले एसिया छनोटका लागि भदौ २६ गते २९ सदस्यीय खेलाडीलाई प्रशिक्षणमा डाकेको थियो । छनोट प्रतियोगिता कात्तिक […]
October 23, 2024
काठमाडौं(हाम्रो खेलकुद) – जिम्बाब्वेले टि ट्वान्टी आईमा सवार्धिक रन बनाउँदै नेपालको कीर्तिमान तोडेको छ । आइसिसी पुरुष टि ट्वान्टी विश्वकप अफ्रिका उप क्षेत्रिय छनोटमा गाम्बियाविरुद्ध ३ सय ४४ रनको योगफल तयार गर्दै नेपालको कीर्तिमान तोडेको हो । नेपालले यसअघि टि ट्वान्टी आईमा एकै इनिङमा ३ सय १४ रन बनाउदै सर्वाधिक योगफलको कीर्तिमान बनाएको थियो । […]
October 23, 2024
काठमाडौं(हाम्रो खेलकुद) – नेपाली राष्ट्रिय क्रिकेट टोलीका ब्याटर कुशल भुर्तेलको टि ट्वान्टी आईको ब्याटिङ वरियतामा व्यापक सुधार आएको छ । अन्तर्राष्ट्रिय क्रिकेट परिषद (आइसिसी) ले जारी गरेको नयाँ वरियतामा कुशलको स्थानमा ३१ स्थानमाथि उक्लेका छन् । नयाँ वरियतामा कुशल ९९ औं स्थानमा छन् । सोमवार अमेरिकासँगको ३ वटा टि ट्वान्टी आई सिरिज नेपालले क्लिन स्विप […]
