default_image

4 months ago

February 13, 2024

माल्दिभ्सविरुद्ध नेपालले राखेका ५ कीर्तिमान

1907 views

0 Bookmark

काठमाडौं (हाम्रो खेलकुद) – नेपालले एसीसी प्रिमियर कप अन्तर्गत समूह चरणमा लगातार तेस्रो जित दर्ता गर्ने क्रममा माल्दिभ्समाथि एकपक्षीय जित दर्ता गर्यो ।

समूह चरणको अन्तिम खेलमा माल्दिभ्सविरुद्ध २ सय १४ रनको जित हासिल गर्दै नेपालले थुप्रै कीर्तिमान पनि कायम गर्यो । रुविना क्षेत्री बेलबासेले महिला क्रिकेटमा नेपालका लागि पहिलो अन्तर्राष्ट्रिय शतक प्रहार गरेको खेलमा अन्य उपलब्धि पनि हासिल भएका छन् ।

एसीसी महिला एसिया कपको छनोटको रुपमा रहेको प्रतियोगितामा नेपाल समूह विजेता बन्दै क्वाटरफाइनलमा पुगेको छ । मंगलबारको खेलमा नेपालले व्यक्तिगत र टिमतर्फ राखेको ५ कीर्तिमान यसप्रकार छ ।

१. महिला क्रिकेटमा पहिलो अन्तर्राष्ट्रिय शतक

नेपालका लागि पहिलो अन्तर्राष्ट्रिय शतक बनाउने क्रममा रुविनाले ५९ बलमा १० चौका र ५ छक्कासहित १ सय १८ रनको योगदान दिइन् । रुविनाले ५४ बलमा शतक पूरा गरेकी थिइन् ।

२. महिला टि२०आईमा सर्वाधिक व्यक्तिगत रन

नेपालका लागि रुविनाले पहिलो शतकसँगै सर्वाधिक व्यक्तिगत स्कोर पनि बनाइन् । यसअघि कतारविरुद्ध सिरिजमा सीता रानामगरले नटआउट ८२ रनको इनिङ खेलेकी थिइन् । रुविनाले यसअघि आफ्नो सर्वाधिक व्यक्तिगत स्कोर ५० रन पनि कतारविरुद्ध नै बनाएकी थिइन् ।

३. नेपालको सबैभन्दा ठूलो योगफल

माल्दिभ्सविरुद्ध नेपालले २० ओभरमा ४ विकेट गुमाउँदै २ सय २७ रन जोड्यो । नेपालको महिला टोलीले अन्तर्राष्ट्रिय क्रिकेटमा बनाएको यो सर्वाधिक ठूलो योगफल हो । यसअघि कतारविरुद्ध नेपालले सन् २०२१ मा खेलिएको सिरिजमा १ सय ६४ रन बनाएको थियो ।

४. नेपालको सबैभन्दा ठूलो जित

नेपालले २ सय १४ रनको जित दर्ता गर्दै हालसम्मकै सबैभन्दा फराकिलो जित दर्ता गर्यो । यसअघि सन् २०२१ मा कतारविरुद्ध १ सय १९ रनको जित ठूलो अन्तरको जित थियो ।

५. सर्वाधिक ठूलो साझेदारी

रुविनाले पुजा महतोसँग सबैभन्दा ठूलो साझेदारी पनि कायम गरिन् । यी दुईले पाँचौ विकेटका लागि १ सय ६६ रनको साझेदारी गरेका थिए । यसअघि इन्दु वर्मा र सीता रानामगरको नाममा ८८ रनको साझेदारी थियो ।

यो साझेदारी पाँचौ विकेटका लागि विश्व महिला क्रिकेटकै सर्वाधिक पनि हो ।

नोट : नेपालले माल्दिभ्सलाई १३ रनमा अलआउट गरेपनि त्यो सबैभन्दा कम योगफल भने होइन । यसअघि सन् २०१९ को दक्षिण एसियाली खेलकुदमा नेपालले माल्दिभ्सलाई ८ रनमा अलआउट गरेको थियो ।

June 19, 2024

दीपेन्द्र आइसिसी वरियतामा थप माथि उक्लिए

काठमाडौं (हाम्रो खेलकुद)- नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले विश्व वरियतामा अहिलेसम्मकै उच्च वरियतामा उक्लिएका छन् । अन्तराष्ट्रिय क्रिकेट परिषद (आइसीसी)ले हालै जारी गरेको टि‌ ट्वान्टी आईको अलराउन्डरतर्फको वरियतामा दीपेन्द्र छैटौं स्थानमा रहेका छन्। यस अघि उनी नवौं स्थानमा थिए। टि‌ ट्वान्टी आईको अलराउन्डरको शीर्ष स्थानमा अस्ट्रेलियाका मार्कस स्टोईनेस उक्लिएका छन् । श्रीलंकाका वानिन्दु […]

June 18, 2024

‘टिम हार्दा कीर्तिमान व्यर्थ लाग्यो’ – सन्दीप

सेन्ट भिन्सेन्ट (हाम्रो खेलकुद) – नेपाली राष्ट्रिय क्रिकेट टोलीका स्पिनर सन्दीप लामिछानेले आइसीसी टि२० विश्वकप अन्तर्गत आइतबार सम्पन्न खेलमा बंगलादेशविरुद्ध आफ्नो टि२०आई करिअरको १ सयौं विकेट लिए । सन्दीपले बंगलादेशविरुद्ध २ विकेट लिँदै करिअरमा १ सय विकेट पूरा गरे । उनले ५४ खेलमा यो उपलब्धि पूरा गरे । उनी ५३ खेलमा १ सय विकेट लिएका […]

June 18, 2024

फर्गुसनको अविश्वसनीय बलिङमा न्युजिल्यान्ड विजयी

एजेन्सी – तीव्र गतिका बलर लोकी फर्गुसनको सानदार बलिङ प्रदर्शनमा न्युजिल्यान्डले आइसीसी टि२० विश्वकप अन्तर्गत समूहको अन्तिम खेलमा पपुवा न्यु गिनीलाई पराजित गरेको छ । टस जितेर पहिलो फिल्ड गर्ने निर्णय लिएको न्युजिल्यान्डले पिएनजीलाई १९.४ ओभरमा ७८ रनमा अलआउट गर्यो । न्युजिल्यान्डका लागि फर्गुसनले ४ ओभरमा कुनै रन नखर्ची ३ विकेट लिएका थिए । उनी […]

Success

Thank you for your time.