काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत २०२४-२७ सिजनको पहिलो खेलमा आज नेपाल र नामिबिया भिड्दैछन् ।

नामिबियाले टस जितेर फिल्ड गर्ने निर्णय लिएसँगै नेपालले पहिलो ब्याटिङ गर्दैछ । नेपालले आज विकेटकिपर ब्याटर अनिल शाह र आसिफ शेख दुवैलाई खेलाएको छ । किपिङ आसिफले गर्नेछन् ।

शीर्षक्रममा कुशल भुर्तेल र आसिफ आउँदा अनिलले तेस्रो नम्बरमा ब्याटिङ गर्ने सम्भावना छ । यसबाहेक रोहित पौडेल, कुशल मल्ल, भीम सार्की र पवन सर्राफ मध्यक्रममा छन् ।

गुलशन झा अलराउन्डरको रुपमा रहँदा सोमपाल कामी, करण केसी र ललित नारायण राजवंशीले बलिङ सम्हाल्नेछन् । पवन र कुशल स्पिन विकल्पमा हुनेछन् ।

नेपालको टोली : रोहित पौडेल, आसिफ शेख, अनिल शाह, कुशल भुर्तेल, कुशल मल्ल, पवन सर्राफ, भीम सार्की, गुलशन झा, सोमपाल कामी, करण केसी, ललित राजवंशी,

बेन्च : सूर्य तामाङ, देव खनाल, दीपेन्द्र सिंह ऐरी, आरिफ शेख

नामिबियाको टोली : जेरार्ड एरास्मस (कप्तान), जेन ग्रिन (विकेटकिपर), जेजे स्मिट (उपकप्तान), माइकल भान लिंगेन, निकोल लोफ्टि-इटन, जान फ्रिलिंक, रुबेन ट्रम्पलम्यान, निको डाभीन, टांगेनी लुंगामेनी, ज्याक ब्रेसल, बर्नार्ड स्कोल्ज

बेन्च : जेपी कोट्जे, मलान क्रुगर, बेन शिकोंगो, सन फौसी