थाइल्याण्डलाई हराउँदै यूएई फाइनलमा

काठमाडौं (हाम्रो खेलकुद) – एसीसी महिला प्रिमियर कपको पहिलो सेमिफाइनलमा यूएईले थाइल्याण्डलाई पराजित गरेको छ ।

निकै रोमान्चक सेमिफाइनलमा यूएईले ४ रनको जित दर्ता गर्दै प्रिमियर कपको फाइनलमा स्थान पक्का गर्यो । मलेसियाको बायुमास ओभलमा यूएईले प्रस्तुत गरेको ७१ रनको लक्ष्य पछ्याउने क्रममा थाइल्याण्ड ६६ रनमा अलआउट भयो ।

यूएईले २० ओभरमा ७ विकेट गुमाएर ७० रन जोडेको थियो । जवाफमा ७१ रनको लक्ष्य पछ्याउँदा थाइल्याण्ड ७.५ ओभरमा १५-५ को दयनीय स्थितिमा पुगेको थियो ।

तर छैटौं विकेटका लागि ३५ रनको साझेदारी हुँदा टोली खेलमा फर्कियो । अन्तिम ३ ओभरमा जितका लागि १४ रन आवश्यक हुँदा २ विकेट बाँकी रहेपनि थाइल्याण्ड पराजित हुन पुग्यो ।

अन्तिम ओभरमा ६ रन चाहिएको अवस्थामा पहिलो बलमा १ रन जोडेपछि दोस्रो बलमा थाइल्याण्डले अन्तिम विकेट क्याच आउट हुँदै गुमायो । यससँगै थाइल्याण्डले सेप्टेम्बरमा हुने एसिया कप गुमाउने भएको छ ।

यूएईले अब नेपाल र मलेसियाबीच हुने दोस्रो सेमिफाइनलको विजेतासँग उपाधिका लागि खेल्नेछ । नेपाल र मलेसियाको खेल ११:१५ बजे सुरु हुनेछ ।

थाइल्याण्डलाई हराउँदै यूएई फाइनलमा

Latest News

Popular News

क्रिकेट

पोखरा एभेन्जर्सको लोगो परिवर्तन

एनपिएलका मार्की खेलाडीको टोली‌‌ टुंगो लाग्यो

एनपिएलका ८ मार्की खेलाडी हरेकको मुल्य २० लाख

चर्चित खेलहरु:

उपयोगी लिङ्कहरू

सम्पर्क

सामाजिक संजाल