एजेन्सी – भारतले तेस्रो टेस्टमा इङ्ल्यान्डलाई पराजित गरेको छ । भारत ४ सय ३४ रनले विजयी भएको हो । टेस्ट क्रिकेटमा सन् १९३४ यता इङ्ल्यान्डको यो ठूलो हार हो । भारतको भने अहिले सम्मकै ठूलो अन्तरको जित हो ।

कप्तान बेन स्टोक्स र प्रशिक्षक ब्रेनडन म्याकुलमले इङ्ल्यान्ड टोली सम्हालेयताकै यो खराब नतिजा हो । भारतका ओपन यजस्वी जैसवालले नकआउट दोहोरो शतक बनाएपछि इङ्ल्यान्डले ठूलो लक्ष्य पाएको थियो ।

भारतले ४ विकेटको क्षेतिमा ४ सय ३० बनाउँदै दोस्रो इनिङ्स समाप्तीको घोषणा गरेको थियो । भारतले पहिलो इनिङ्समा ४ सय ४५ रन र इङ्ल्यान्डले ३ सय १९ रन बनाएको थियो । ५ सय ५७ रनको विशाल लक्ष्य पछ्याएको इङ्ल्यान्ड दोस्रो इनिङ्समा १ सय २२ रनमा अलआउट भएको थियो ।

इङ्ल्यान्डलाई सस्तैमा समेट्ने क्रममा रविन्द्र जडेजाले ५ विकेट लिएका थिए । कुलदीप यादवले २ तथा जसप्रित बुम्रा र रविचन्द्रन आश्विनले समान १ विकेट लिएका थिए । प्लेयर अफ दी म्याच बनेकार जडेजाले पहिलो इनिङमा शतकीय पारी खेलेका थिए ।

मार्क उडले ३३, टोम हार्टली र बेन फोक्सले समान १६ र स्टोक्सले १५ रन बनाउनुबाहेक कुनै पनि ब्याटरले दोहोरो अंकमा रन बनाउन सकेनन् । त्यसअघि भारतका लागि जैसवालले २ सय ३६ बल खेल्दै १४ चौका र १२ छक्काका साथ २ सय १४ रनमा नटआउट रहे ।

शुभमन गिलले ९१, सरफराज खान नटआउट ६८, कुलदिप यादवले २७ र कप्तान रोहित शर्माले १९ रन बनाएका थिए । पाँच टेस्टको श्रृखंलामा २–१ ले अग्रता बनाएको छ ।