default_image

2 months ago

February 21, 2024

एक्सपर्ट भरतपुर मेयर्स कप : नारायणीको लगातार तेस्रो जित

राकेश तिमल्सिना, रामपुर सनराइज इङलिस स्कुलले एक्सपर्ट भरतपुर मेयर्स कप अन्तरविद्यालय क्रिकेट लिगको समूह ‘बी’मा पहिलो जित निकालेको छ । समूह ‘ए’ मा नारायणी नमुना माविले लिगमा तेस्रो जित हात पारेको छ । सनराइजले इडन गार्डेन इङ्लिस स्कुललाई ९ विकेटले तथा नारायणीले लक्ष्मी मावि जगतपुरलाई ९४ रनले‌ हराएको हो । भरतपुर १५ स्थित निर्माणाधिन गौतम […]

250 views

0 Bookmark

राकेश तिमल्सिना, रामपुर

सनराइज इङलिस स्कुलले एक्सपर्ट भरतपुर मेयर्स कप अन्तरविद्यालय क्रिकेट लिगको समूह ‘बी’मा पहिलो जित निकालेको छ । समूह ‘ए’ मा नारायणी नमुना माविले लिगमा तेस्रो जित हात पारेको छ ।

सनराइजले इडन गार्डेन इङ्लिस स्कुललाई ९ विकेटले तथा नारायणीले लक्ष्मी मावि जगतपुरलाई ९४ रनले‌ हराएको हो ।

भरतपुर १५ स्थित निर्माणाधिन गौतम बुद्ध अन्तर्राष्ट्रिय क्रिकेट रंगशालाको नमुना मैदानमा बुधबार पहिलो खेलमा ३४ रनको झिनो लक्ष्यसहित जवाफी ब्याटिङ थालेको सनराइजले २.५ ओभरमा १ विकेट गुमाएर पूरा गर्यो ।

सनराइजको जितमा कप्तान चन्दन महतो ११ रनमा नटआउट रहे । ओपनर सुजल पण्डित १० रन जोड्दा सौगात सापकोटाको बलमा विकास सुनारद्वारा समातिए ।

बलिङमा सौगात सापकोटाको नाममा मात्रै १ विकेट रह्यो । त्यसअघि टस जितेर ब्याटिङ रोजेको इडन गार्डेन ९.२ ओभरमा ३३ रन बनाउदा अलआउट भयो ।

इडन गार्डेनका कुनैपनि ब्याटरले दोहोरो अंकमा रन जोड्न सकेनन् । विपिन रानामगरले सर्वाधिक ९ रन बनाए ।

इडन गार्डेनको इनिङ्स ध्वस्त बनाउनेक्रममा उज्ज्वल पटेलले ५, चन्दन महतोले ३ र दिवस लामिछानेले २ विकेट लिए । ४ ओभर बलिङ गर्दै १ मेडनसहित१५ रन खर्चिएर ५ लिएका उज्जवल पटेल खेलको प्लेयर अफ द म्याच बने ।

समुह ‘बी’ मा पहिलो जित निकालेको सनराइज २ खेलबाट २ अंकसहित नेट रनरेटमा सुधार गर्दै तालिकाको दोस्रो स्थानमा उक्लिएको छ ।

यस्तै अर्को खेलमा टस हारेर ब्याटिङको निम्तो पाएको नारायणी नमुनाले निर्धारित २० ओभरमा ६ विकेट गुमाएर १ सय ४८ रन बनायो । ३८ बलमा १ छक्का र ३ चौकासहित राहुल कुशवाहाले मध्यक्रममा ३० रन बनाए । १७ बल खेलेका ओपनर उमेश महतोले ५ चौका प्रहार गर्दै २५ रन जोडे ।

बलिङमा कुन्दन यादवले ३ तथा सुलभ श्रेष्ठ, बबिन्द्र रोकाया र गुल्सन ठाकुरले समान १ विकेट लिए ।
१ सय ४९ रनको लक्ष्य पछ्याउदै ब्याटिङ थालेको लक्ष्मी १५.५ ओभरमा अलआउट हुँदै ५४ रनमा समेटियो ।
लक्ष्मीका लागि बबिन्द्र रोकायाले सर्वाधिक १४ रन बनाए । समिर गैरेले १२ रन जोडे ।
लक्ष्मीको इनिङ्स ध्वस्त बनाउनेक्रममा उमेश महतोले ५, सन्जय यादवले २ तथा निखिल चापागाई, सन्देश खनाल र चन्दन कुमार यादवले समान १ विकेट लिए ।

अलराउण्ड प्रदर्शन गरेका उमेश महतो खेलको प्लेयर अफ द म्याच भए । जारी लिगमा लगातार तेस्रो जित निकालेको नारायणी नमुना मावि ६ अंक जोड्दै समुह ‘ए’ को शिर्षस्थानमा छ ।

भरतपुर महानगरपालिकाको आयोजना, चितवन जिल्ला क्रिकेट संघको सह-आयोजना र एक्सपर्ट एजुकेशन एन्ड भिजा सर्भिसेसको मुख्य प्रायोजनमा जारी प्रतियोगितामा बिहीबार पहिलो खेलमा अर्किड इङलिस स्कुल  र प्रभात मावि शुक्रनगर तथा अर्को खेलमा अंकुरम एकेडेमी र मावि गंगानगर प्रतिस्पर्धा गर्नेछ ।

April 15, 2024

आफ्नै कीर्तिमान सुधार्दै हैदराबाद विजयी

एजेन्सी – इन्डियन प्रिमियर लिग (आईपीएल) जारी संस्करणमा नै इतिहासको सर्वाधिक योगफल बनाएर सनराइजर्स हैदराबादले कीर्तिमान सुधारेको छ । मार्च २७ मा मुम्बई इन्डियन्स विरुद्ध २ सय ७७ रन बनाएको हैदराबादले आज रोयल च्यालेन्जर्स बेंगलुरु विरुद्ध २ सय ८७ रन बनाउन सफल भयो । यो संस्करण अघि रोयल च्यालेन्जर्स बंगलुरुले सन् २०१३ मा बनाएको २ […]

April 15, 2024

कुवेतको दोस्रो जित 

मस्कट (हाम्रो खेलकुद) – ओमानमा जारी एसीसी प्रिमियर कपमा कुवेतले दोस्रो जित दर्ता गरेको छ । पहिलो खेलमा युएई विरुद्ध हार बेहोरेको कुवेतले लगातार दोस्रो जित दर्ता गर्ने क्रममा बहराइन माथि २६ रनको जित निकालेको हो । वर्षाका कारण १५ ओभरमा घटाइएको खेलमा १६२ रनको विशाल लक्ष्य पछ्याएको बहराइनले ६ विकेट गुमाउँदै १३५ रन मात्र […]

April 15, 2024

ओमानको युएईविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कपमा घरेलु टोलीमा ओमानले लगातार तेस्रो जित दर्ता गरेको छ । लगातार तेस्रो जित हासिल गर्ने क्रममा ओमानले युएई माथि ९ विकेटको सानदार जित निकालेको हो । वर्षाका कारण १५ ओभर प्रति टोलीमा घटाइएको खेलमा युएईले दिएको १४३ रनको लक्ष्य ओमानले १२.४ ओभरमै १ विकेट मात्र गुमाएर […]

Success

Thank you for your time.