5 months ago
February 23, 2024
एजेन्सी – न्यूजिल्याण्डमा जारी अष्ट्रेलिया र घरेलु टोलीको बीचको तीन खेलको टि-२० शृंखला पाहुना टोलीले कब्जा गरेको छ । अष्ट्रेलियाले एक खेलमा बाँकी रहँदै शृंखला २-० ले कब्जा गरेको हो ।
पहिलो खेलमा ६ विकेटको रोमाञ्चक जित निकालेको अष्ट्रेलियाले दोस्रो खेलमा आज ७२ रनको फराकिलो जित दर्ता गर्दै शृंखला जितेको हो ।
१७५ रनको लक्ष्य पछ्याएको घरेलु टोली न्यूजिल्याण्ड १७ ओभरमा १०२ रनमा समेटियो । अष्ट्रेलियाको जितमा स्पिनर एडम जाम्पाले ४ विकेट लिए । यस्तै नेथन एलिसले २ तथा जोश हेजलवुड, प्याट कमिन्स र मिचेल मार्शले समान एक एक विकेट लिए ।
न्यूजिल्याण्डका तीन व्याटरले मात्र दोहोरो अंक छुन सके । ग्लेन फिलिप्सले सर्वाधिक ४२ रन बनाउँदा ट्रेन्ट बोल्टले १६ तथा जोश क्लार्कसनले १० रन पुराए ।
त्यसअघि अकल्याण्डमा टस हारेर व्याटिङको निम्तो पाएको अष्ट्रेलियाले १९.५ ओभरमा अलआउट हुदै १७४ रन जोडेको थियो । अष्ट्रेलियाका लागि ओपनर ट्राभिस हेडले २२ बलमा २ चौका र ५ छक्कासहित ४५ रनको विष्फोटक इनिङ खेलेका थिए । यस्तै प्याट कमिन्सले २८ तथा कप्तान मिचेल मार्शले २६ रन बनाए ।
घरेलु टोलीका लागि लोकी फर्गुसनले ४ विकेट लिँदा एडम मिल्न, बेन सियर्स र मिचेल स्यान्टनरले २-२ विकेट लिए ।
अन्तिम टि-२० खेल आईतबार हुनेछ । यसपछि यी दुई टोलीले दुई टेस्टको शृंखला पनि खेल्नेछन् ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]