default_image

2 months ago

February 24, 2024

एक्सपर्ट भरतपुर मेयर्स कप- अर्किड समूह विजेता

चितवन (हाम्रो खेलकुद)– एक्सपर्ट भरतपुर मेयर्स कप अन्तरविद्यालय क्रिकेट प्रतियोगिताको लिगमा चरणमा लगातार जितसंगै अर्किड सेकेण्डरी स्कुल सेमिफाइनल प्रवेश गरेको छ । लक्ष्मी माविले सान्त्वना जित निकाल्दै प्रतियोगिताको सुखद अन्त्य गरेको छ । आफ्नो लिग चरणको अन्तिम खेलमा शनिबार इडेन गार्डेन स्कुललाई १ सय ८ रनले पराजित गर्दै समूह ‘बी’को विजेताको रुपमा सेमिफाइनल स्थान सुरक्षित […]

252 views

0 Bookmark

चितवन (हाम्रो खेलकुद)– एक्सपर्ट भरतपुर मेयर्स कप अन्तरविद्यालय क्रिकेट प्रतियोगिताको लिगमा चरणमा लगातार जितसंगै अर्किड सेकेण्डरी स्कुल सेमिफाइनल प्रवेश गरेको छ । लक्ष्मी माविले सान्त्वना जित निकाल्दै प्रतियोगिताको सुखद अन्त्य गरेको छ ।

आफ्नो लिग चरणको अन्तिम खेलमा शनिबार इडेन गार्डेन स्कुललाई १ सय ८ रनले पराजित गर्दै समूह ‘बी’को विजेताको रुपमा सेमिफाइनल स्थान सुरक्षित गरेको हो ।

अर्किड लिग चरणमा सनराइन इङलिस स्कुल, प्रभात मावि, विश्वप्रकाश मावि र इडेन गार्डेन स्कुललाई पराजित गर्दै ४ खेलमा ८ अंक बटुल्दै समूहको शीर्ष स्थानमा रहन सफल भयो । यो समूहबाट समूह उपविजेताको रुपमा सनराइन इङलिस स्कुल अन्तिम चारमा पुग्ने सम्भावना छ । सनराइन ३ खेलमा ४ अंकका साथ दोस्रो स्थानमा छ । सनराइजले अन्तिम खेलमा आइतबार प्रभात माविसंग खेल्नेछ ।

अर्किडले शनिबार इडेन गार्डेन विरुद्धको अन्तिम खेलमा टस जितेर पहिले ब्याटिङ रोज्दै १ सय ८९ रन बनाएको थियो । अर्किडका लागि सगुन सापकोटाले शतकिय इनिङ खेले । उनले ७१ बलमा १ सय ९ रन बनाएर आउट भए । सगुनको शतक यस प्रतियोगिताको पहिलो र एक मात्र रहेको छ । मन्दिप बरालले १६ बलमा २२ रनमा नटआउट रहे । इडेन गार्डेनका लागि प्रवेश अधिकारीले २ र अवि सिंहले १ विकेट लिए ।

१ सय ९० रनको विशाल लक्ष्य पछ्याएको इडेन गार्डेन ८१ रनमै अलआउट हुन पुग्यो । उसका लागि विपिन रानामगरले सर्वाधिक २२ रन कुशल ठेनीले २० रन बनाए । इडेन गार्डेनलाई सस्तैमा समेट्न अर्किडका सन्देश सुवेदीले ४ ओभरमा १६ रन मात्रै खर्चिदै ५ विकेट लिए ।सगुन सापकोटाले बलिङबाट पनि ४ ओभरमा १२ रन खर्चिदै ४ विकेट लिए । सगुन खेलको प्लेयर अफ दि म्याच घोषित भए ।

प्रतियोगितामा आइतबा सनराइन र प्रभात माविको खेलमा सनराइन विजयी भएको खण्डमा भने इडेन गार्डेनले विश्वप्रकाश माविसंग खेल्ने अन्तिम खेल सान्त्वन जितको लागि मात्रै हुनेछ । इडेन गार्डेन ३ खेलमा २ अंक मात्रै बटुल्न सकेको छ ।
यसैबीच आज (शनिबार) नै भएको समूह ‘ए’ अन्तरगतको दोस्रो खेलमा लक्ष्मी माविले जित निकालेको छ । लक्ष्मी माविले गंगानगर माविलाई ९ रनको झिनो अन्तरले हराउँदै सुखद अन्त्य गरेको छ ।

टस जितेर पहिले व्याटिङ गरेको लक्ष्मी मावि १८.२ ओभरमा अलआउट हुँदै ८५ रन बनायो । उसका लागि भविन्द्र रोकायले २३ र कुन्दन यादवले १६ रन बनाए । गंगानगर माविका लागि उर्बर तामाङले ४ ओभरमा एक मेडनसहित १४ रन खर्चिएर ४ विकेट लिए । रुपेश महतोले आफ्नो पहिलो ओभरको लगातार २ बलमा २ विकेट लिए ।

८६ रनको लक्ष्य पछ्याएको गंगानगर मावि १३.४ ओभरमा ७६ रनमा अलआउट भयो । उसका लागि विश्वास तामाङले २८, मोहित विकले १० रन बनाए । गंगानगरलाई अलआउट गर्न कुन्दन यादवले ४ ओभरमा १५ रन खर्चिदै ४ विकेट र समिर गैरेले २.४ ओभरमा १० रन खर्चिदै ३ विकेट लिए । खेलमा लक्ष्मी माविका कुन्दन यादव प्लेयर अफ दि म्याच घोषित भए ।

यस समूह ‘ए’बाट लगातार ३ खेलबाटमा जित निकाल्दै वाल्मिकी शिक्षा सदन ६ अंकको साथ शीर्ष स्थानमा छ । नारायणी नमुना मावि ४ खेलमा ३ जितका साथ ६ अंक जोड्दै दोस्रो स्थानमा छ । अंकुरम एकेडेमी ३ खेलबाट ४ अंकका साथ तेस्रो स्थानमा छ ।

यस समूहको अन्तिम खेलमा आइतबार वाल्मिी र अंकुरम एकेडेमीबीच प्रतिस्पर्धा हुनेछ । त्यो खेलमा अंकुरम विजयी भए तीनै टोलीको समान ६ अंक हुनेछ भने नेटरनरेटको आधारमा सेमिफाइनल पुग्ने २ टोलीको टुंगो लाग्नेछ । अंकुरम पराजित भएमा खण्डमा वाल्मिकी र नारायणी सेमिफाइनलमा पुग्नेछन् ।

भरतपुर महानगरपालिकाको आयोजना, चितवन जिल्ला क्रिकेट संघको सह–आयोजना र एक्सपर्ट एजुकेशन एन्ड भिजा सर्भिसेज चितवनको मुख्य प्रायोजनमा प्रतियोगिता संचालन भइरहेको प्रतियोगिताको फाइनल खेल फागुन १९ गते शनिबार हुनेछ ।

April 23, 2024

स्टोइन्सको शतकमा चेन्नईमाथि लखनउको जित

एजेन्सी – मार्कुस स्टोइन्सको सानदार शतकसहित लखनउ सुपर जाइन्ट्ले इन्डियन प्रिमियर लिग (आइपिएल) मा मंगलबार चेन्नई सुपर किंग्सलाई ६ विकेटले हराएको छ । २ सय ११ रनको लक्ष्य पछ्याएको लखनउले ३ बल बाँकी रहँदै २ सय १३ जोडेर जित निकालेको हो । स्टोइन्सले ६३ बल खेल्दै १३ चौका र ६ छक्काको मद्दतमा नटआउट १ सय […]

April 23, 2024

मधेशको जित, कोशीको लगातार चौथो हार

काठमाडौं (हाम्रो खेलकुद) – कम योगफलको खेलमा मधेश प्रदेशले कोशी प्रदेशलाई २ विकेटले हराउँदै वीर गणेशमान सिंह राष्ट्रिय टी-ट्वान्टी च्याम्पिनसीपमा तेस्रो जित हासिल गरेको छ। ९१ रनको सहज लक्ष्य मधेशले १७ .१ ओभरमा ८ विकेटको नोक्सानीमा पूरा गर्यो। लक्ष्य सहज थियो। तर मधेशले यो सामान्य लक्ष्य पुरा गर्न ८ विकेट गुमायो। ओपनर साहिल पटेल ११ […]

April 23, 2024

लगातार चौथो जितपछि बागमती शीर्षस्थानमा

काठमाडौं (हाम्रो खेलकुद) – गौतम केसीले सानदार बलिङ गर्दै ५ विकेट लिंदा बागमती प्रदेशले कर्णाली प्रदेशमाथि वीर गणेशमान सिंह राष्ट्रिय टी-ट्वान्टी च्याम्पिनसिपमा ७ विकेटको सहज जित निकालेको छ। बागमतीको जितमा गौतमको बलिङ नै प्रमुख बन्यो। बागमतीको यो लगातार चौथो जित हो र ८ अंक सहित शीषस्थानमा उक्लिएको छ। जितको लागि १ सय २१ रनको सहज […]

Success

Thank you for your time.